ಬೆಂಗಳೂರು: ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆಯಲ್ಲಿ ಯಾರು ನೌಕರರಿಗೆ ತಪ್ಪು ಸಂದೇಶಕೊಡುವ ಮೂಲಕ ದಿಕ್ಕುತಪ್ಪಿಸುವ ಕೆಲಸ ಮಾಡುತ್ತಿದ್ದಾರೋ ಅಂಥವರ ಬಗ್ಗೆ ನೌಕರರಿಗೆ ಸತ್ಯ ತಿಳಿಯಬೇಕೆಂದರೆ ಒಂದು ವೇದಿಕೆ ಆಯೋಜನೆ ಮಾಡಿ ಅಲ್ಲಿ ಅವರನ್ನು ಬೆತ್ತಲೆಗೊಳಿಸೋಣ ಅಂದರೆ ಅವರ ವಾಮಮಾರ್ಗದ ನಡೆ ನೌಕರರಿಗೂ ತಿಳಿಯಲಿ ಎಂಬ ನಿಟ್ಟಿನಲ್ಲಿ ವರದಿ ಮಾಡಿದರೆ ಅದನ್ನು ಬೇರೆ ರೀತಿ ಕೆಲ ನೌಕರರು ಬಿಂಬಿಸಿಕೊಂಡು ನಡೆದುಕೊಂಡಿರುವುದು ಮೂರ್ಖತನದ ಪರಮಾವಧಿಯಾಗಿದೆ.
ಇಂಥ ಶತಮೂರ್ಖರು ಇರುವುದರಿಂದ ಸಂಸ್ಥೆಯಲ್ಲಿ ಈಗಲೂ ಅಧಿಕಾರಿಗಳು ನೌಕರರ ಮಧ್ಯೆ ಒಡಕು ಉಂಟಾಗಿ ಒಬ್ಬರಿಗೊಬ್ಬರು ಶತ್ರುಗಳಂತೆ ನೋಡುವಂಥ ಪರಿಸ್ಥಿತಿ ನಿರ್ಮಾಣವಾಗಿದೆ. ವಿಷಯ ಏನೆಂದು ಅರ್ಥ ಮಾಡಿಕೊಳ್ಳಲಾಗದೆ ನಾವು ಗ್ರಹಿಸಿದ್ದೆ ಸರಿ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆ ಮಾಡಿದ್ದೀರಾ ಎಂದರೆ ಇದು ನಿಮ್ಮ ಬೌದ್ಧಿಕ ಮಟ್ಟವನ್ನು ತೋರಿಸುತ್ತದೆ.
ಅಷ್ಟಕ್ಕೂ ಆ ವರದಿಯ ಶೀರ್ಷಿಕೆ “KSRTC- ತಪ್ಪುಮಾಡಿದವರ ಬೆತ್ತಲೆಗೊಳಿಸಲು ನಾವು ಸಿದ್ಧ ನೀವು ಸಿದ್ಧರಿದ್ದೀರಾ?: ಜಯರಾಮ್‌ ರಾಥೋಡ್‌ ಸವಾಲು” ಎಂದು ಇದೆ. ಇದರ ಜತೆಗೆ ಯಾರು ಏನು ಹೇಳಿದ್ದಾರೆ ಎಂಬುದನ್ನು ತೋರಿಸುವುದಕ್ಕೆ ಒಂದು ಫೋಟೋ ಅಂದರೆ..
ಈ ಬಗ್ಗೆ ಚರ್ಚೆ ಮಾಡುವ ಮುನ್ನ ಯಾರು ಏನು ಹೇಳಿದ್ದಾರೆ ಎಂಬುದನ್ನು ಏಕೆ ತಿಳಿಯದೆ ಮನಸ್ಸಿಗೆ ಬಂದಂತೆ ಚರ್ಚೆ ಮಾಡುತ್ತೀರಿ ಇದು ನಿಮಗೆ ಸರಿ ಅನಿಸುತ್ತದೆಯೇ? ಹೌದು ಈ ವಿಷಯದಲ್ಲಿ ಆರೋಪ ಪ್ರತ್ಯಾರೋಪವಿದೆ. ಆದರೆ ಅದು ವೈಯಕ್ತಿಕವಾಗಿಲ್ಲ ಬದಲಿಗೆ ಕೆಲ ಸಂಘಟನೆಗಳು ನೌಕರರನ್ನು ಹೇಗೆ ದಾರಿ ತಪ್ಪಿಸುತ್ತಿವೆ ಎಂಬುದನ್ನು ಸಾಬೀತುಪಡಿಸುವುದಕ್ಕೆ ಏನು ಮಾಡಬೇಕು ಎಂಬುದರ ಬಗ್ಗೆ ಇದೆ.
ಇದನ್ನು ಅರ್ಥ ಮಾಡಿಕೊಳ್ಳದೆ ಯಾರನ್ನೋ ವೈಯಕ್ತಿಕವಾಗಿ ನಿಂದಿಸುವ ರೀತಿಯಲ್ಲಿ ನಡೆದುಕೊಳ್ಳುವುದು ಯಾರಿಗೂ ತರವಲ್ಲ. ಇದು ಮೂರ್ಖತನದ ಪರಮಾವಧಿ ಎಂದೇ ಹೇಳಬೇಕು. ಏಕೆಂದರೆ ಮೂರ್ಖರಾದವರು ಮಾತ್ರ ತಮಗೆ ಮನಬಂದ ರೀತಿ ತಿಳಿದು ಚರ್ಚೆಯಲ್ಲಿ ತೊಡಗುತ್ತಾರೆ. ಹೀಗಾಗಿ ಇನ್ನಾದರೂ ಇಂಥ ಮೂರ್ಖತನಕ್ಕೆ ಆಸ್ಪದಕೊಡದೆ ಉತ್ತಮ ನಾಗರಿಕರಾಗಿ ನಡೆದುಕೊಳ್ಳಿ. ಇಲ್ಲದಿದ್ದರೆ ಇದರ ಪರಿಣಾಮವನ್ನು ಮುಂದಿನ ದಿನಗಳಲ್ಲಿ ಎದುರಿಸಬೇಕಾಗುತ್ತದೆ. ಇದು ಮೂರ್ಖರ ರೀತಿ ನಡೆದುಕೊಳ್ಳುವ ಪ್ರತಿಯೊಬ್ಬರಿಗೂ ಎಚ್ಚರಿಕೆ.
ವಿಜಯಪಥ ಸಂ.
