KSRTC: ಡಿ.31ರಿಂದ ಕರೆ ಕೊಟ್ಟಿರುವ ಮುಷ್ಕರ ಬೆಂಬಲಿಸದ ನೌಕರರು- ವಿಲವಿಲ ಒದ್ದಾಡುತ್ತಿರುವ ಜಂಟಿ ಸಮಿತಿ ಮುಖಂಡರು

• ಮುಷ್ಕರಕ್ಕೆ ಕರೆ ಕೊಟ್ಟು ನಿದ್ದೆಕೂಡ ಮಾಡಲಾಗದ ಪರಿಸ್ಥಿತಿ ತಲುಪಿದ ಹೋರಾಟಗಾರರು
• ಜಂಟಿ ಪದಾಧಿಕಾರಿಗಳು ಡಿಪೋಗಳಿಗೆ ಹೋದರೂ ಮಾತನಾಡಿಸದ ನೌಕರರು
• ನೌಕರರ ಬೇಡಿಕೆಗೆ ವಿರುದ್ಧವಾದ ಬೇಡಿಕೆ ಇಟ್ಟು ಮುಷ್ಕರಕ್ಕೆ ಕರೆ ನೀಡಿ ಗೊಂದಲಕ್ಕೆ ಸಿಲುಕಿದರೆ?
• ನಡೆ ಬದಲಿಸುವ ಚಿಂತನೆಯಲ್ಲಿ ಮುಳುಗಿದರೆ ಜಂಟಿ ಕ್ರಿಯಾ ಸಮಿತಿ ಪದಾಧಿಕಾರಿಗಳು ಎಂಬ ಅನುಮಾನ

ಬೆಂಗಳೂರು: ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆಯ ನಾಲ್ಕೂ ನಿಗಮಗಳ ನೌಕರರು 4 ವರ್ಷಕ್ಕೊಮ್ಮೆ ಆಗುವ ಅಗ್ರಿಮೆಂಟ್‌ ನಮಗೆ ಬೇಡ ನಮಗೆ ವೇತನ ಸಂಬಂಧ ಶಾಶ್ವತ ಪರಿಹಾರ ಬೇಕು ಎಂಬ ಗಟ್ಟಿ ನಿಲುವು ತಾಳಿರುವುದರಿಂದ ಇದೇ ಡಿ.31ರಿಂದ ಜಂಟಿ ಕ್ರಿಯಾ ಸಮಿತಿ ಕರೆ ನೀಡಿರುವ ಅನಿರ್ದಿಷ್ಟಾವಧಿ ಮುಷ್ಕರ ನೆಲಕಚ್ಚು ಎಲ್ಲ ಲಕ್ಷಣಗಳು ಗೋಚರಿಸುತ್ತಿವೆ.

ಹೀಗಾಗಿ ಈ ನಡೆ ಜಂಟಿ ಕ್ರಿಯಾ ಸಮಿತಿಯ ಬಹುತೇಕ ಎಲ್ಲ ಪದಾಧಿಕಾರಿಗಳ ನಿದ್ದೆಗೆಡಿಸಿದ್ದು, ಯಾಕಾದರೂ ನಾವು ಈ ಮುಷ್ಕರಕ್ಕೆ ಕರೆ ಕೊಟ್ಟೇವೋ ಎಂಬ ಚಿಂತೆಯಲ್ಲಿ ಮುಳುಗಿದ್ದಾರೆ. ಜತೆಗೆ ಜಂಟಿ ಕ್ರಿಯಾ ಸಮಿತಿಯ ಬಹುತೇಕ ನೌಕರರು ಕೂಡ ನಮಗೆ ಸರಿ ಸಮಾನ ವೇತನವೇ ಬೇಕು ಎಂದು ಹಠಹಿಡಿದಿದ್ದು ಡಿ.31ರ ಮುಷ್ಕರದಲ್ಲಿ ನಾವು ಭಾಗಿಯಾವುದಿಲ್ಲ ಎಂದು ಹೇಳುತ್ತಿದ್ದಾರಂತೆ.

ಈ ಎಲ್ಲದರಿಂದ ಪದಾಧಿಕಾರಿಗಳು ಗೊಂದಲಕ್ಕೆ ಸಿಲುಕಿದ್ದು ಕಳೆದ 40 ವರ್ಷಗಳಿಂದಲೂ ನಾವು ಸಾರಿಗೆ ಕಾರ್ಮಿಕರು ಎಂದು ಹೇಳಿಕೊಂಡು ನೌಕರರನ್ನು ದಾರಿ ತಪ್ಪಿಸಿ ಬೇಳೆ ಬೇಯಿಸಿಕೊಂಡಿರುವುದು ಈಗಿನ ನೌಕರರಿಗೆ ತಿಳಿದುಹೋಗಿದೆ. ಇದರಿಂದ ನಾವು ಬಲವಂತವಾಗಿ ನೌಕರರನ್ನು ಮುಷ್ಕರಕ್ಕೆ ಬನ್ನಿ ಎಂದು ಕರೆದರೂ ಬರುತ್ತಿಲ್ಲ, ಏನು ಮಾಡುವುದು ಎಂದು ತಲೆ ಮೇಲೆ ಕೈಹೊತ್ತು ಕುಳಿತ್ತಿದ್ದಾರಂತೆ.

ಇನ್ನೊಂದೆಡೆ ನೌಕರರ ದಾರಿ ತಪ್ಪಿಸುವ ಸಲುವಾಗಿ ಇಷ್ಟುದಿನ ಸರಿ ಸಮಾನ ವೇತನದ ಬಗ್ಗೆ ಮಾತನಾಡದ ಜಂಟಿ ಕ್ರಿಯಾ ಸಮಿತಿ ಪದಾಧಿಕಾರಿಗಳು ಈಗ ನಾವೂ ಕೂಡ ಸರಿ ಸಮಾನ ವೇತನ ಕೊಡಬೇಕು ಎಂಬ ಬಗ್ಗೆ ಹೋರಾಟ ಮಾಡುತ್ತೇವೆ ಎಂಬ ಹುಸಿಬಾಂಬ್‌ ಎಸೆದು ನೌಕರರ ದಾರಿ ತಪ್ಪಿಸುವ ಹೈಡ್ರಾಮಾ ಮಾಡಲು ಮುಂದಾಗಿದ್ದಾರಂತೆ.

ಜಂಟಿ ಕ್ರಿಯಾ ಸಮಿತಿಯವರು ಸರಿ ಸಮಾನ ವೇತನದ ಬಗ್ಗೆ ಈ ಮೊದಲೇ ಕರೆ ನೀಡಿದ್ದರೆ ಪ್ರತಿಯೊಬ್ಬ ನೌಕರರೂ ಹಾಗೂ ಅಧಿಕಾರಿಗಳು ಕೂಡ ಬೆಂಬಲ ನೀಡುತ್ತಿದ್ದರು. ಆದರೆ ಈ ದಿನದವರೆಗೂ ಅಗ್ರಿಮೆಂಟ್‌ ಬೇಕು ಅದೂ ಕೂಡ 25% ಕೇಳಿಕೊಂಡು ಮುಷ್ಕರಕ್ಕೆ ಕರೆ ನೀಡಿ ದಿನಾಂಕವನ್ನು ನಿಗದಿಪಡಿಸಿಕೊಂಡಿದ್ದಾರೆ.

ಆದರೆ ಇತ್ತ ಅಧಿಕಾರಿಗಳು/ನೌಕರರು ಇವರು 25% ವೇತನ ಹೆಚ್ಚಳದ ಹೋರಾಟಕ್ಕೆ ಅಸಮಾಧಾನ ವ್ಯಕ್ತಪಡಿಸಿದ್ದು ನಮಗೆ ಸರಿ ಸಮಾನ ವೇತನ ಬೇಕೇಬೇಕು ಎಂದು ಪಟ್ಟು ಹಿಡಿದು ಕುಳಿತು ಜಂಟಿ ಕ್ರಿಯಾ ಸಮಿತಿ ಕರೆ ನೀಡಿರುವ ಮುಷ್ಕರಕ್ಕೆ ಹೋಗದಿರಲು ನಿರ್ಧರಿಸಿದ್ದಾರೆ. ಆದರೆ ನಾವು ಕಾರ್ಮಿಕರ ಪರ ಇದ್ದೇವೆ ಎಂದು ಹೇಳಿಕೊಂಡು 25% ವೇತನ ಹೆಚ್ಚಿಸಬೇಕು ಎಂಬ ಬೇಡಿಕೆ ಇಟ್ಟು ಮುಷ್ಕರಕ್ಕೆ ಕರೆ ನೀಡುವ ಜಂಟಿಯವರು ಇಂದು ಯಾವೊಬ್ಬ ನೌಕರನೂ ಬೆಂಬಲ ನೀಡದಿರುವುದಕ್ಕೆ ವಿಲವಿಲ ಒದ್ದಾಡುತ್ತಿದ್ದಾರೆ.

ಇದರಿಂದ ಆಚೆ ಬರಬೇಕು ನೌಕರರನ್ನು ಮುಷ್ಕರಕ್ಕೆ ಹೇಗಾದರೂ ಮಾಡಿ ಕರೆ ತರಬೇಕು ಎಂಬ ನಿಟ್ಟಿನಲ್ಲಿ ಈಗ ನಾವು ಸರಿ ಸಮಾನ ವೇತನ ಕೊಡುವಂತೆ ಸರ್ಕಾರ ಮತ್ತು ಆಡಳಿತ ಮಂಡಳಿಯನ್ನು ಒತ್ತಾಯಿಸುತ್ತೇವೆ ಎಂಬ ಹೇಳಿಕೆಯನ್ನು ಕೊಡಿಸುತ್ತಿದ್ದಾರೆ. ಆದರೆ ಇದನ್ನೇ ಈ ಜಂಟಿ ಸಮಿತಿಯ ಪ್ರಮುಖ ಎನಿಸಿರುವ ಅನಂತ ಸುಬ್ಬರಾವ್‌ ಅವರೇ ಮಾಧ್ಯಮಗಳ ಮುಂದೆ ಬಂದು ಹೇಳಿಕೆ ಕೊಡಬಹುದಲ್ಲ.

ಈ ಅನಂತ ಸುಬ್ಬರಾವ್‌ ಅವರು ಸರಿ ಸಮಾನ ವೇತನವನ್ನು ಸರ್ಕಾರ ಕೊಡಬೇಕು ಎಂಬ ಬೇಡಿಕೆ ಇಟ್ಟುಕೊಂಡು ನಾವು ಮುಷ್ಕರ ಮಾಡುತ್ತಿದ್ದೇವೆ ಹೀಗಾಗಿ ಸಂಸ್ಥೆಯ ಎಲ್ಲ ನೌಕರರು ಬೆಂಬಲ ಕೊಡಿ ಎಂದು ಮಾಧ್ಯಮಗಳ ಮೂಲಕವೇ ಕರೆ ನೀಡಿದರೆ ನೌಕರರು ಒಪ್ಪಿಕೊಳ್ಳಬಹುದೇನೋ. ಅದನ್ನು ಬಿಟ್ಟು ಇಲ್ಲಿ ತಾವು ಮೌನವಾಗಿದ್ದುಕೊಂಡೆ ಬೇರೊಬ್ಬರನ್ನು ಬಿಟ್ಟು ಸರಿ ಸಮಾನ ವೇತನ ಕೊಡಿಸಲು ನಾವು ಹೋರಾಡುತ್ತೇವೆ ಎಂದು ಹೇಳಿಕೆ ಕೊಡಿಸುವ ಇವರ ನಡೆ ಹಲವು ಅನುಮಾನಗಳನ್ನು ಹುಟ್ಟುಹಾಕುವಂತಿದೆ.

ಹೀಗಾಗಿ ನಮ್ಮ ಪ್ರತಿಯೊಬ್ಬ ಸಾರಿಗೆ ನೌಕರರಲ್ಲಿ ನಾವು ಕೇಳಿಕೊಳ್ಳುತ್ತಿದ್ದೇವೆ ಈ ಅನಂತ ಸುಬ್ಬರಾವ್‌ ಅವರು ಮಾಧ್ಯಮಗಳ ಮುಂದೆ ಬಂದು ಅಗ್ರಿಮೆಂಟ್‌ ಬಿಟ್ಟು ನಾವು ಸರಿಸಮಾನ ವೇತನ ಕೊಡಿಸುವುದಕ್ಕೆ ಈ ಮುಷ್ಕರ ಮಾಡುತ್ತಿದ್ದೇವೆ ಎಂದು ಹೇಳಿಕೆ ಕೊಡುವ ತನಕ ಯಾವೊಬ್ಬ ನೌಕರರು ಗೊಂದಲಕ್ಕೆ ಒಳಗಾಗದೆ ಇರಬೇಕು ಎಂದು ಪ್ರಜ್ಞಾನವಂತ ನೌಕರರು ಮನವಿ ಮಾಡಿದ್ದಾರೆ.

ಒಟ್ಟಾರೆ ಇಲ್ಲಿ ನೌಕರರು ದಡ್ಡರು ಅವರ ದಾರಿ ತಪ್ಪಿಸೋಣ ಎಂಬ ಕುತಂತ್ರವನ್ನು ಜಿಂಟಿ ಕ್ರಿಯಾ ಸಮಿತಿಯ ಪ್ರಮುಖರು ಮಾಡುತ್ತಿದ್ದಾರೆ ಎನಿಸುತ್ತಿದೆ. ಕಾರಣ ಯಾವ ಘಟಕಗಳಿಗೆ ಹೋದರೂ ಇವರನ್ನು ಯಾರು ಕ್ಯಾರೆ ಎನ್ನುತ್ತಿಲ್ಲ. ಹೀಗಾಗಿ 40 ವರ್ಷದಿಂದ ಹೋರಾಡಿದ ನಮ್ಮನ್ನು ಯಾರು ಮಾತನಾಡಿಸುತ್ತಿಲ್ಲ ಎಂಬ ಚಿಂತೆ ಕಾಡುತ್ತಿದೆ. ಇದರಿಂದ ಈಗ ಮುಷ್ಕರ ಮಾಡುವುದಕ್ಕೆ ನೌಕರರ ಬೆಂಬಲವಿಲ್ಲ ಏನು ಮಾಡುವುದು ಎಂಬ ಗೊಂದಲದಲ್ಲೆ ಇದ್ದಾರೆ ಸಮಿತಿ ಪದಾಧಿಕಾರಿಗಳು.

ಈ ಎಲ್ಲವನ್ನು ಗಮನಿಸಿದರೆ ಡಿ.31ರಿಂದ ಹಮ್ಮಿಕೊಂಡಿರುವ ಅನಿರ್ದಿಷ್ಟಾವಧಿ ಮುಷ್ಕರ ದಿಕ್ಕುದೆಸೆ ಇಲ್ಲದ ಹೋರಾಟವಾಗಿ ಕರೆ ನೀಡಿದವರಿಗೆ ಅವಮಾನ ಆಗುವುದು ಪಕ್ಕ ಎಂಬಂತೆ ಕಾಣುತ್ತಿದೆ. ಹೀಗಾಗಿ ಮುಷ್ಕರ ಹಿಂಪಡೆಯುತ್ತಾರೋ ಇಲ್ಲ ಏನಾದರೂ ಸರಿಯೆ ಮಾಡೇ ಬಿಡೋಣ ಎಂದು ಅಖಾಡಕ್ಕೆ ದುಮುಕ್ಕುತ್ತಾರೋ ಎಂಬದನ್ನು ತಿಳಿಯಲು ನಾಳೆ ಸಂಜೆಯೊಳಗೂ ಇಲ್ಲ ಎಂದರೆ ಡಿ.31ರ ತನಕ ಕಾಯಲೇ ಬೇಕು.