ರಾಯಚೂರು: ಬೆಳ್ಳಂಬೆಳಗ್ಗೆ ಕೊರೊನಾ ಮಹಾಮಾರಿ ತನ್ನ ಅಟ್ಟಹಾಸವನ್ನು ಮೆರೆದಿದ್ದು, ಇಂದು ಎರಡು ಜಿಲ್ಲೆಗಳಲ್ಲಿ ನಾಲ್ಕು ಮಂದಿಯನ್ನು ಬಲಿ ಪಡೆದಿದೆ.
ರಾಯಚೂರಿನಲ್ಲಿ ಇಬ್ಬರು ಮತ್ತು ಬೆಳಗಾವಿಯಲ್ಲಿ ಈ ವಿಶ್ವಮಾರಿಗೆ ಮಂಗಳವಾರ ಬಲಿಯಾಗಿದ್ದಾರೆ. ಈ ಮೂಲಕ ಇಂದು ಬೆಳಗ್ಗೆಯಿಂದಲೇ ಕೊರೊನಾ ತನ್ನ ಖಾತೆ ತೆರೆದಿದ್ದು, ಇನ್ನು ಸಂಜೆವರೆಗೆ ಇನ್ನೆಷ್ಟು ಬಲಿಪಡೆಯುತ್ತದೋ ಎಂಬ ಭಯದಲ್ಲಿ ಜನರು ದಿನ ದೂಡುವಂತ್ತಾಗಿದೆ.
ದಿನದಿಂದ ದಿನಕ್ಕೆ ರಾಜ್ಯದಲ್ಲಿ ಕೊರೊನಾ ತನ್ನ ರುದ್ರನರ್ತನವನ್ನು ಮುಂದುವರಿಸಿದ್ದು, ಮೃತಪಡುತ್ತಿರುವವ ಸಂಖ್ಯೆ ಮತ್ತು ಸಾಯುವವರ ಸಂಖ್ಯೆ ಏರಿಕೆ ಹಾದಿಯಲ್ಲಿಸಾಗುತ್ತಿದೆ. ಇದರಿಂದ ಕೆಟ್ಟು ಪಟ್ಟಣ ಸೇರು ಎಂಬಂತೆ ಹಲವರು ತಮ್ಮ ಜೀವನ ರೂಪಿಸಿಕೊಳ್ಳುವುದಕ್ಕೆ ಬೆಂಗಳೂರಿಗೆ ಬಂದು ನೆಲೆಸಿದ್ದರು. ಈಗ ಬದಲಾದ ಕಾಲದಲ್ಲಿ ಮತ್ತೆ ತಮ್ಮ ಊರಿನತ್ತ ಬಾಡಿಗೆ ಮನೆ ಮತ್ತು ಕೆಲಸವನ್ನು ತೊರೆದು ವಾಪಸ್ಸಾಗುತ್ತಿರುವುದು ಇನ್ನಷ್ಟು ಆತಂಕಕ್ಕೆ ಕಾರಣವಾಗಿದೆ.
ಕೊರೊನಾಗೆ ಹೆದರಿರುವ ಮಂದಿ ಇಂದು ಜೀವ ಉಳಿಸಿಕೊಳ್ಳುವ ಸಲುವಾಗಿ ಮತ್ತೆ ತಮ್ಮ ಊರುಗಳತ್ತ ಮುಖ ಮಾಡಿರುವುದು ಒಂದು ಕಡೆ ಸರ್ಕಾರದ ವಿಫಲತೆಯನ್ನು ತೋರಿಸುತ್ತಿದೆ. ಸರಿಯಾದ ಸಮಯಕ್ಕೆ ಸೂಕ್ತ ಚಿಕಿತ್ಸೆ ನೀಡುವಲ್ಲಿಯೂ ಸರ್ಕಾರ ಎಡವಿರುವುದು ಇದರಿಂದ ಸಾಬೀತಾದಂತ್ತಾಗುತ್ತಿದೆ.
