ಬೆಂಗಳೂರು: ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ ಚಾಲನಾ ಸಿಬ್ಬಂದಿಗಳ ಕರ್ತವ್ಯ ನಿಯೋಜನಾ ಪದ್ಧತಿ (Duty Rota System)ಯ ಪರಿಷ್ಕೃತ ಮಾರ್ಗಸೂಚಿಯನ್ನು ಇಂದು ಮುಖ್ಯ ಸಂಚಾರ ವ್ಯವಸ್ಥಾಪಕರು ಬಿಡುಗಡೆ ಮಾಡಿದ್ದು. ಈ ಪರಿಷ್ಕೃತ ಮಾರ್ಗಸೂಚಿಯಂತೆ ನೌಕರರ ನಿಯೋಜಿಸಲು ಆದೇಶ ಮಾಡಿದ್ದಾರೆ.
ಸಂಸ್ಥೆಯಲ್ಲಿ ಚಾಲನಾ ಸಿಬ್ಬಂದಿಗಳನ್ನು ಮಾರ್ಗಗಳಿಗೆ ವಿಯೋಜಿಸುವಾಗ ಪಾರದರ್ಶಕತೆಯನ್ನು ಕಾಯ್ದುಕೊಳ್ಳಲು ಸಾರಿಗೆ ಅದಾಯ ಸೋರಿಕೆ ತಡೆಗಟ್ಟಲು ಹಾಗೂ ನಿಷ್ಪಕ್ಷವಾತವಾದ ಮಾರ್ಗ ನಿಯೋಜನೆಗಾಗಿ ಕರ್ತವ್ಯ ನಿಯೋಜನಾ ಪದ್ಧತಿಯನ್ನು (Duty Rota System) ಜಾರಿಗೆ ತರಲಾಗಿದೆ.
ಅದರಂತೆ ಸಾಮಾನ್ಯ ಪಾಳಿ ಅನುಸೂಚಿಗಳ ಕರ್ತವ್ಯ ನಿಯೋಜನೆ ಸಂಬಂಧ ನಿರ್ವಾಹಕ ಹುದ್ದೆಗೆ ನಿಗದಿಪಡಿಸಿದ 24,000 ರೂ. ಮೂಲ ವೇತನವನ್ನು 26,000 ರೂ.ಗಳೀಗೆ ಹೆಚ್ಚಿಸಲಾಗಿದೆ ಹಾಗೂ ಚಾಲಕರಿಗೆ ಈಗ ಇರುವ 27 ಸಾವಿರ ರೂ. ಮೂಲ ವೇತನವನ್ನು 29 ಸಾವಿರ ರೂ.ಗಳಿಗೆ ಹೆಚ್ಚಿಸಿದ್ದು ಇದನ್ನಿ ಪಾಲಿಸಬೇಕು ಎಂದು ತಿಳಿಸಿದ್ದಾರೆ.
ಅಂದರೆ 26,000 ರೂ.ಗಳಿಗಿಂತ ಅಧಿಕ ಮೂಲವೇತನ ಹೊಂದಿರುವ ನಿರ್ವಾಹಕರು ಹಾಗೂ ಚಾಲಕ-ಕಂ-ನಿರ್ವಾಹಕರನ್ನು ಸಾಮಾನ್ಯ ಪಾಳಿ ಅನುಸೂಚಿಗಳ ನಿರ್ವಾಹಕ ಕರ್ತವ್ಯಕ್ಕೆ ಹಾಗೂ 29,000 ರೂ.ಗಳಿಗಿಂತ ಹೆಚ್ಚು ಮೂಲವೇತನ ಹೊಂದಿರುವ ಚಾಲಕ-ಕಂ-ವಿರ್ವಾಹಕರನ್ನು ಸಾಮಾನ್ಯ ಪಾಳಿ ಅನುಸೂಚಿಗಳ ಚಾಲಕರ ಕರ್ತವ್ಯಕ್ಕೆ ವಿಯೋಜಿಸದಂತೆ ಕ್ರಮ ವಹಿಸಬೇಕು ಎಂದು ತಿಳಿಸಿದ್ದಾರೆ.
ಇನ್ನು Light Duty Committeeಯು ಮಾರ್ಗದ ಮೇಲೆ Light Duty ಕರ್ತವ್ಯಕ್ಕೆ ಶಿಫಾರಸು ಮಾಡಿದ ಚಾಲನಾ ಸಿಬ್ಬಂದಿಗಳಿಗಾಗಿ ಘಟಕಗಳಲ್ಲಿನ ಒಟ್ಟು ಶೇ.2ರಷ್ಟು ಅನುಸೂಚಿಗಳ ಮೀಸಲಾತಿಯನ್ನು ಹಿಂಪಡೆಯಲಾಗಿದೆ ಎಂದು ಆದೇಶದಲ್ಲಿ ತಿಳಿಸಿದ್ದಾರೆ.
ಈ ಎಲ್ಲ ಅಂಶಗಳನ್ನು ಅಳವಡಿಸಿಕೊಳ್ಳಲು ಹಾಗೂ ಯಾವುದೇ ಗೊಂದಲ, ದೂರುಗಳಿಗೆ ಆಸ್ಪದ ನೀಡದಂತೆ ಕ್ರಮ ವಹಿಸಿ ಎಂದು ಸೂಚಿಸಸಿದ್ದಾರೆ.
ಇದೇ ನ.18ರಂದು ಬಿಎಂಟಿಸಿ ಸಾಮಾನ್ಯ ಪಾಳಿ ಅನೂಸೂಚಿಗಳಲ್ಲಿ ಕರ್ತವ್ಯ ನಿರ್ವಹಿಸುವ ನಿರ್ವಾಹಕರಿಗೆ ಡ್ಯೂಟಿ ರೋಟಾ ಪದ್ಧತಿಯಲ್ಲಿ 24,000 ರೂ. ಹಾಗೂ ಚಾಲಕರು ಮತ್ತು ಚಾಲಕ ಕಂ ನಿರ್ವಾಹಕರಿಗೆ 27,000 ರೂ.ಗಳಿಗಿಂತ ಅಧಿಕ ಮೂಲವೇತನ ಹೊಂದಿರುವ ಚಾಲನಾ ಸಿಬ್ಬಂದಿಗಳನ್ನು ಕರ್ತವ್ಯಕ್ಕೆ ನಿಯೋಜನೆ ಮಾಡದಂತೆ ಹೊರಡಿಸಿರುವ ಆದೇಶವನ್ನು ಹಿಂಪಡೆದು ಹೊಸದಾಗಿ ಡಿಸೆಂಬರ್ ತಿಂಗಳಲ್ಲಿ 2026ರ ಡ್ಯೂಟಿ ರೋಟಾ ಪದ್ಧತಿಯನ್ನು ಮಾಡಬೇಕೆಂದು ನಿರ್ವಾಹಕ ಎಸ್. ಅನಿಲ್‌ಕುಮಾರ್ ಮತ್ತಿತರರು ಮನವಿ ಮಾಡಿದ್ದರು.
ಅಂದು ಬಿಎಂಟಿಸಿ ಅಧ್ಯಕ್ಷ ವಿ.ಎಸ್. ಆರಾಧ್ಯ ಅವರನ್ನು ಭೇಟಿ ಮಾಡಿ ಈ ಸಾಮಾನ್ಯ ಪಾಳಿ ನೀಡಬಾರದೆಂಬ ಆದೇಶವನ್ನು ಹಿಂಪಡೆದು ಎಲ್ಲ ಚಾಲನಾ ಸಿಬ್ಬಂದಿಗಳಿಗೆ ಸಾಮಾನ್ಯ ಪಾಳಿಯನ್ನು ನೀಡಬೇಕು ಮತ್ತು ಡಿಸೆಂಬರ್ ತಿಂಗಳಲ್ಲಿ ಡ್ಯೂಟಿ ರೋಟಾ ಕೌನ್ಸೆಲಿಂಗ್ ಮಾಡಬೇಕೆಂದು ಮನವಿ ಮಾಡಿದ್ದರು. ಈ ಬಗ್ಗೆ ವಿಜಯಪಥ ಸಮಗ್ರವಾಗಿ “BMTC: ಎಲ್ಲ ಚಾಲನಾ ಸಿಬ್ಬಂದಿಗಳಿಗೂ ಸಾಮಾನ್ಯ ಪಾಳಿ ಡ್ಯೂಟಿಕೊಡಿ- ಅಧ್ಯಕ್ಷರಿಗೆ ಕಂಡಕ್ಟರ್‌ ಅನಿಲ್‌ ಕುಮಾರ್‌ ಮನವಿ” ಎಂಬ ಶೀರ್ಷಿಕೆಯಡಿ ನ್ಯೂಸ್‌ ಪ್ರಕಟಿಸಿತ್ತು.
