ವಾಷಿಂಗ್‌ಟನ್‌: ಕೊರೊನಾ ಸೋಂಕು ಹೊಡೆತಕ್ಕೆ ನಲುಗಿ ಹೋಗಿರುವ ಅಮೆರಿಕದಲ್ಲಿ ಕಳೆದ 24 ತಾಸಿನಲ್ಲಿ 1,883 ಮಂದಿ ಮೃತಪಟ್ಟಿದ್ದಾರೆ. ಇದರೊಂದಿಗೆ ಸಾವನ್ನಪ್ಪಿದವರ ಸಂಖ್ಯೆ 65 ಸಾವಿರ ಸಮೀಪಿಸಿದೆ.
ಜಾನ್‌ ಹಾಪ್ಕಿನ್ಸ್‌ ವಿವಿ ಮಾಹಿತಿ ಪ್ರಕಾರ, ಅಮೆರಿಕಾದ್ಯಂತ ಕೊರೊನಾ ಸೋಂಕಿತರ ಸಂಕ್ಯೆ 11,03,115ಕ್ಕೆ ಏರಿಕೆಯಾಗಿದೆ. ಈವರೆಗೆ ಒಟ್ಟಾರೆ 64,820ಮಂದಿ ಮೃತಪಟ್ಟಿದ್ದಾರೆ. ಸೋಂಕಿನಿಂದಾಗಿ ಒಂದೇದಿನ ಅತಿ ಹೆಚ್ಚು ಮೃತಪಟ್ಟಿರುವ ದೇಶಗಳಲ್ಲಿ ಅಮೆರಿಕ ಮೊದಲ ಸ್ಥಾನದಲ್ಲಿದೆ. ಇನ್ನು ಮೆಕ್ಸಿಕೊದಲ್ಲಿ 1.517 ಹೊಸ ಪ್ರಕರಣಗಳು ದೃಢಪಟ್ಟಿದ್ದು, 116ಮಂದಿ ಅಸುನೀಗಿದ್ದಾರೆ. ಇಲ್ಲಿ ಈವರೆಗೆ 20,741ಮಂದಿಗೆ ಸೋಂಕು ತಗುಲಿದ್ದು, 1,976ಮಂದಿ ಮೃತಪಟ್ಟಿದ್ದಾರೆ.
ವಿಶ್ವಾದ್ಯಂತ ಈವರೆಗೆ 33,41,350 ಜನರಿಗೆ ಸೋಂಕು ತಗುಲಿದೆ. 2,38,400 ಜನ ಅಸುನೀಗಿದ್ದಾರೆ. 10,51,900ಮಂದಿ ಗುಣಮುಖರಾಗಿ ಮನೆಗೆ ಮರಳಿದ್ದಾರೆ.
ಸ್ಪೇನ್‌ನಲ್ಲಿ 2,13,438, ಇಟಲಿ, 2,07,432 ಮಂದಿಯಲ್ಲಿ ಸೋಂಕು ಇರುವುದು ದೃಢಪಟ್ಟಿದೆ. ಈ ಎರಡೂ ದೇಶಗಳಲ್ಲಿ ಅನುಕ್ರಮವಾಗಿ 24,546 ಮತ್ತು 28,241 ಮಂದಿ ಮೃತಪಟ್ಟಿದ್ದಾರೆ.
ಸೋಂಕು ಮೊದಲಿ ಕಾಣಿಸಿಕೊಂಡ ಚೀನಾದಲ್ಲಿ ಇದುವರೆಗೆ 84 ಸಾವಿರ ಜನರಲ್ಲಿ ಸೋಂಕು ಪತ್ತೆಯಾಗಿದೆ. 4651 ಜನ ಸಾವನ್ನಪ್ಪಿದ್ದಾರೆ. 78 ಸಾವಿರಕ್ಕೂ ಹೆಚ್ಚು ಜನ ಗುಣಮುಖರಾಗಿದ್ದಾರೆ ಎಂದು ಹೇಳಲಾಗಿದೆ.
Leave a reply
