ವಿಜಯಪಥ ಸಮಗ್ರ ಸುದ್ದಿ
ಚಿತ್ರದುರ್ಗ: ಕೋಟೆ ನಡು ಚಿತ್ರದುರ್ಗದ ವಿವಿಧ ಭಾಗಗಳಲ್ಲಿ ಧಾರಾಕಾರ ಮಳೆಯಾಗುತ್ತಿದ್ದು, ಜನಜೀವನ ಅಸ್ತವ್ಯಸ್ತಗೊಂಡಿದೆ. ಮುಂಜಾನೆ ಪ್ರಾರಂಭವಾದ ವರುಣನ ಆರ್ಭಟಕ್ಕೆ ಪೊಗರು ಸಿನಿಮಾ ಪ್ರದರ್ಶನ ತಡವಾಗಿ ಪ್ರಾರಂಭವಾಗಿದೆ.
ಧಾರಾಕಾರ ಮಳೆಯಿಂದಾಗಿ ನಗರದಾದ್ಯಂತ ಇರುವ ತಗ್ಗು ಪ್ರದೇಶದ ಮನೆಗಳಲ್ಲಿ ನೀರು ನುಗ್ಗಿದೆ. ದಿಢೀರ್‌ ಬಿದ್ದ ಮಳೆಯಿಂದಾಗಿ ಹಲವೆಡೆ ಅನೇಕ ರಸ್ತೆಗಳು ಜಲಾವೃತಗೊಂಡಿವೆ.
ಮಳೆ ಲೆಕ್ಕಿಸದೆ ಪೊಗರು ಚಿತ್ರ ನೋಡಲು ಅಭಿಮಾನಿಗಳು ಟಾಕೀಸ್ ಮುಂದೆ ಕುತೂಹಲದಿಂದ ಕಾಯುತ್ತಿದ್ದಾರೆ. ಬೆಳಗ್ಗೆ 6 ಗಂಟೆಗೆ ಪ್ರಾರಂಭವಾಗಬೇಕಿದ್ದ ಈ ಪ್ರದರ್ಶನವು ಮಳೆಯಿಂದಾಗಿ 7.30 ಕ್ಕೆ ಪ್ರಾರಂಭವಾಯಿತು.
