ವಿಜಯಪಥ ಸಮಗ್ರ ಸುದ್ದಿ
ನ್ಯೂಡೆಲ್ಲಿ: ದೇಶದ ಕೋವಿಡ್-19 ತಯಾರಿಕಾ ಸಂಸ್ಥೆಗಳಾದ ಭಾರತ್ ಬಯೋಟೆಕ್ ಮತ್ತು ಸೀರಂ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾದ ಮಾಹಿತಿ ತಂತ್ರಜ್ಞಾನ ವ್ಯವಸ್ಥೆಯನ್ನು ಹ್ಯಾಕ್‌ ಮಾಡಲು ಚೀನಾ ಸರ್ಕಾರಿ ಬೆಂಬಲಿತ ಹ್ಯಾಕರ್‌ಗಳ ಪ್ರಯತ್ನಿಸಿದ್ದಾರೆ ಎಂದು ಸೈಬರ್ ಗುಪ್ತಚರ ಸಂಸ್ಥೆ ಸೈ ಫರ್ಮಾ ತಿಳಿಸಿದೆ.
ಭಾರತ -ಚೀನಾ ಈ ಎರಡು ದೇಶಗಳು ಕೋವಿಡ್ ಲಸಿಕೆಯನ್ನು ಇತರ ರಾಷ್ಟ್ರಗಳಿಗೆ ಮಾರಾಟ ಹಾಗೂ ಕೊಡುಗೆಯಾಗಿ ನೀಡುತ್ತಿವೆ. ಆದರೆ, ವಿಶ್ವಾದ್ಯಂತ ಮಾರಾಟವಾಗುತ್ತಿರುವ ಎಲ್ಲಾ ಲಸಿಕೆಗಳಲ್ಲಿ ಶೇ.60ಕ್ಕಿಂತ ಹೆಚ್ಚು ಭಾರತದ ಪಾಲಿದೆ.
ಚೀನಾದ ಎಪಿಟಿ 10 ಎಂಬ ಹ್ಯಾಕರಗಳ ತಂಡ ಕಳವು ಮಾಡಲು ಯತ್ನಿಸಿದೆ. ಭಾರತ್ ಬಯೋಟೆಕ್ ಮತ್ತು ಸೀರಂ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾದ ಮೂಲಸೌಕರ್ಯ ಮಾಹಿತಿ ಕದಿಯಲು ಯತ್ನಿಸಿದ ಕೆಲ ಅಂಶಗಳನ್ನು ತಿಳಿದುಕೊಂಡಿದೆ ಎಂದು ಸಿಂಗಾಪುರ ಮತ್ತು ಟೋಕಿಯೋ ಮೂಲದ ಬೆಂಬಲಿತ ಸೈ ಫರ್ಮ ಹೇಳಿದೆ.
ಬೌದ್ಧಿಕ ಆಸ್ತಿಯನ್ನು ಕಳು ಮಾಡುವುದು ಮತ್ತು ಭಾರತೀಯ ಔಷಧಿಯ ಕಂಪನಿಗಳ ವಿರುದ್ಧ ಸ್ಪರ್ಧಾತ್ಮಕ ಲಾಭ ಪಡೆಯುವ ನಿಟ್ಟಿನಲ್ಲಿ ಹ್ಯಾಕರಗಳು ಕೃತ್ಯಕ್ಕೆ ಮುಂದಾಗಿದ್ದಾರೆ ಎಂದು ಸೈ ಫರ್ಮಾದ ಮುಖ್ಯಕಾರ್ಯನಿರ್ವಹಣಾಧಿಕಾರಿ ರೀತೇಶ್‌ ಕುಮಾರ್ ಹೇಳಿದ್ದಾರೆ.
ರೀತೇಶ್‌ ಕುಮಾರ್ ಈ ಹಿಂದೆ ವಿದೇಶ ಗುಪ್ತಚರ ಸಂಸ್ಥೆ ಎಂ 16 ನಲ್ಲಿ ಹಿರಿಯ ಅಧಿಕಾರಿಯಾಗಿ ಕಾರ್ಯ ನಿರ್ವಹಿಸಿದ್ದಾರೆ.
ಎಪಿಟಿ 10 ಯು ನಿರಂತರವಾಗಿ ಸೀರಂ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾವನ್ನು ಗುರಿಯಾಗಿಸುತ್ತದೆ ಶ್ರೀರಾಮ್ ಇನ್ಸ್ಟಿಟ್ಯೂಟ್ ಆಫ್ ಅನೇಕ ದೇಶಗಳಿಗೆ ಆಸ್ಟ್ರಾಝೆನೆಕಾ ಲಸಿಕೆ ತಯಾರಿಸುತ್ತಿದ್ದು ಸದ್ಯದಲ್ಲೇ ನಾವ್ಯಾಕ್ಸ್‌ ಲಸಿಕೆ ತಯಾರಿಕೆ ಆರಂಭಿಸಲಿದೆ.
ಸೀರಂ ಇಸ್ಟಿಟ್ಯೂಟ್ ನ ದುರ್ಬಲ ಪಬ್ಲಿಕ್ ವೆಬ್ ಸರ್ವರ್ ಗಳ ಬಗ್ಗೆ ಅವರು ತಿಳಿದುಕೊಂಡಿದ್ದಾರೆ ಎಂದು ಹ್ಯಾಕರಗಳನ್ನು ಉಲ್ಲೇಖಿಸಿ ರಿತೇಶ್ ಮಾಹಿತಿ ನೀಡಿದ್ದಾರೆ. ಅವರು ದುರ್ಬಲ ವೆಬ್ಸೈಟ್ ಅಪ್ಲಿಕೇಶನ್, ದುರ್ಬಲ ವಿಷಯ ನಿರ್ವಹಣಾ ವ್ಯವಸ್ಥೆಯ ಬಗ್ಗೆಯೂ ಮಾತನಾಡುತ್ತಿದ್ದಾರೆ. ಇದು ಸಾಕಷ್ಟು ಆತಂಕಕಾರಿಯಾಗಿದೆ ಎಂದು ಹೇಳಿದ್ದಾರೆ.
ಆದರೆ, ಈ ವಿಷಯ ಕುರಿತು ಚೀನಾ ವಿದೇಶಾಂಗ ಸಚಿವಾಲಯ ತಕ್ಷಣಕ್ಕೆ ಪ್ರತಿಕ್ರಿಯೆ ನೀಡಿಲ್ಲ.
