ವಿಜಯಪಥ ಸಮಗ್ರ ಸುದ್ದಿ
ಪಿರಿಯಾಪಟ್ಟಣ: ತಾಲೂಕಿನ ಭೋಗನಹಳ್ಳಿಯ ಗ್ರಾಮದಲ್ಲಿ ಸೋಮೇಶ್ವರ ಕ್ರೀಡಾಸಂಸ್ಥೆ ವತಿಯಿಂದ ನಡೆದ ಒಂದು ದಿನದ ವಾಲಿಬಾಲ್ ಪಂದ್ಯಾವಳಿ ನಡೆಯಿತು.
ಪಂದ್ಯಾವಳಿಯಲ್ಲಿ ನಟೋರಿಯಸ್ ತಂಡ ಪ್ರಥಮ ಬಹುಮಾನವನ್ನು ಪಡೆದುಕೊಂಡರೆ, ದ್ವಿತೀಯ ಸ್ಥಾನವನ್ನು ಬ್ಲಾಕ್ ಬಾಸ್ಟರ್ ತಂಡ ಪಡೆದುಕೊಂಡಿತು. ಲಯನ್ ಫೈಟರ್ಸ್ ತಂಡವು ತೃತೀಯ ಸ್ಥಾನವನ್ನು ಪಡೆಯುವ ಮೂಲಕ ಪಂದ್ಯಾವಳಿನ್ನು ಮುಕ್ತಾಯಗೊಳಿಸಲಾಯಿತು.
ಸಮಾರಂಭದಲ್ಲಿ ಶ್ರೀ ಸೋಮೇಶ್ವರ ಸಂಸ್ಥೆಯ ಗೌರವಾಧ್ಯಕ್ಷ ಸುನಿಲ್ ಮಾತನಾಡಿ ಗ್ರಾಮದಲ್ಲಿ ಹುಟ್ಟಿದ ಯುವಕರು ಉದ್ಯೋಗವನ್ನರಸಿ ಹೋಗಿ ನಗರ ಪ್ರದೇಶದಲ್ಲಿ ನೆಲೆಸಿರುತ್ತಾರೆ ಇವರು ಪ್ರತಿ ವರ್ಷ ಯುಗಾದಿ ಹಬ್ಬಕ್ಕೆ ತಪ್ಪದೆ ಗ್ರಾಮಕ್ಕೆ ಬಂದು ಕ್ರೀಡಾಕೂಟವನ್ನು ಆಯೋಜಿಸಿ ಆಟಪಾಠದಲ್ಲಿ ನಲಿದು ಕುಣಿದುಕುಪ್ಪಳಿಸಿ ಉಲ್ಲಾಸ ಪಡುತ್ತಾರೆ ಎಂದರು.
ಸಂಘದ ಅಧ್ಯಕ್ಷ ವಿನಯರಾಜ್, ಕಾರ್ಯದರ್ಶಿ ಗೋವಿಂದೇಗೌಡ, ಖಜಾಂಚಿ ರವಿಚಂದ್ರ ಟೂರ್ನಿಯ ಆಯೋಜನೆಗೆ ಪ್ರಮುಖ ಪಾತ್ರವಹಿಸಿದ ಕಾರ್ತಿಕ್, ಯೋಗೇಶ್, ಮಂಜೇಗೌಡ, ಕಿರಣ್, ದಿನೇಶ್, ಮಧುಸೂದನ್, ದೇವರಾಜ್, ಗ್ರಾಮ ಪಂಚಾಯಿತಿ ಸದಸ್ಯ ಶಶಿಧರ್ ಗ್ರಾಮದ ಮುಖಂಡರಾದ ಪ್ರಕಾಶ್ ಯೋಗಾನಂದ ಮಂಜುನಾಥ್ ಮತ್ತಿತರರು ಇದ್ದರು.
