ಚಿಕ್ಕೋಡಿ: ಶಾಸಕ ಸ್ಥಾನಕ್ಕೆ ರಾಜೀನಾಮೆ ಕೊಡುವ ಹೇಳಿಕೆ ನೀಡುವ ವಿಚಾರವಾಗಿ ಶುಕ್ರವಾರ ನೀಡಿದ್ದ ಹೇಳಿಕೆಗೆ ತಾವು ಈಗಲೂ ಬದ್ಧ ಎಂದು ಮಾಜಿ ಸಚಿವ ರಮೇಶ್ ಜಾರಕಿಹೊಳಿ ಇಂದು ಸ್ಪಷ್ಟಪಡಿಸಿದ್ದಾರೆ.
ಅಥಣಿಯಲ್ಲಿ ಆರ್‌ಎಸ್‌ಎಸ್‌ ಮುಖಂಡ ಅರವಿಂದ ದೇಶಪಾಂಡೆ ಅವರ ಭೇಟಿ ಬಳಿಕ ಮಾತನಾಡಿದ ಅವರು, ಪಕ್ಷದ ಕಾರ್ಯಕರ್ತರೊಬ್ಬರ ತಂದೆ ತೀರಿ ಹೋಗಿದ್ದರು ಅವರ ಭೇಟಿಗಾಗಿ ಅಥಣಿಗೆ ಬಂದಿದ್ದೇನೆ. ಬೇರೆ ಯಾವುದೇ ರಾಜಕೀಯ ವಿಚಾರ ಇದರಲ್ಲಿ ಇಲ್ಲ ಎಂದು ತಿಳಿಸಿದರು.
ಇನ್ನು ನಿನ್ನೆ ಮೈಸೂರಿ ಸುತ್ತೂರಿ ಶ್ರೀಗಳ ಭೇಟಿ ವೇಳೆ ನೀಡಿದ ಹೇಳಿಕೆ ಬಗ್ಗೆ ಮತ್ತೆ ಉಚ್ಚಾರ ಮಾಡಲ್ಲ, ನಿನ್ನೆಯ ಹೇಳಿಕೆಗೆ ನಾನು ಈಗಲು ಬದ್ಧನಾಗಿದ್ದೇನೆ. ನನ್ನ ಹಿರಿಯರು ಖಾರವಾಗೆ ನನಗೆ ತಾಕೀತು ಮಾಡಿದ್ದಾರೆ. ಸುದ್ದಿಗಾರರೊಂದಿಗೆ ಮಾತನಾಡದಂತೆ ಸೂಚನೆ ನೀಡಿದ್ದಾರೆ. ಹೀಗಾಗಿ ಇನ್ನೂ ಹತ್ತು ದಿನಗಳಲ್ಲಿ ರಾಜಕೀಯ ತೀರ್ಮಾನಗಳನ್ನು ಬಹಿರಂಗ ಪಡಸುತ್ತೇನೆ ಎಂದರು.
