ಬೆಳಗಾವಿ: ತನ್ನನ್ನು ಹಿಂಬಾಲಿಸಿ ಚುಡಾಯಿಸುತ್ತಿದ್ದ ಬೀದಿ ಕಾಮಣ್ಣಿಗೆ ನಡುರಸ್ತೆಯಲ್ಲಿ ಗೃಹಿಣಿಯೊಬ್ಬರು ತನ್ನ ಚಪ್ಪಲಿಯಿಂದ ಬಿಸಿಬೇಳೆಬಾತು ಕೊಟ್ಟ ಘಟನೆ ಬೆಳಗಾವಿಯಲ್ಲಿ ನಡೆದಿದೆ.
ಬೆಳಗಾವಿ ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಕಚೇರಿ ಬಳಿ ಈ ಘಟನೆ ನಡೆದಿದ್ದು, ಗೋಪಾಲ್ ಗುರಣ್ಣನವರ ಎಂಬಾತನಿಗೆ ಮಹಿಳೆ ಚಪ್ಪಲಿಯಿಂದ ಗೂಸಾಕೊಟ್ಟಿದ್ದಾರೆ. ಮಹಿಳೆ ಖಾಸಗಿ ಆಸ್ಪತ್ರೆಯಲ್ಲಿ ಕೆಲಸ ಮಾಡುತ್ತಿದ್ದು, ಅವರು ಕೆಲಸ ಮುಗಿಸಿ ಮನೆಗೆ ವಾಪಸ್ ಮರಳುವ ವೇಳೆ ನೋಡಿಕೊಂಡು ಕೆಲ ತಿಂಗಳಿನಿಂದ ಹಿಂಬಾಲಿಸುತ್ತಿದ್ದ. ಈ ಬಗ್ಗೆ ಆಕೆ ಎಚ್ಚರಿಕೆ ಕೊಟ್ಟರು ಕ್ಯಾರೆ ಎನ್ನದೇ ತನ್ನ ಚಾಳಿಯನ್ನು ಮುಂದುವರಿಸಿದ್ದ. ಇದರಿಂದ ಬೇಸತ್ತ ಮಹಿಳೆ ನಡು ರಸ್ತೆಯಲ್ಲಿ ಚಪ್ಪಲಿ ಬಿಚ್ಚುಕೊಂಡು ಗೂಸಾಕೊಟ್ಟಿದ್ದಾರೆ.
ಈ ಹಿಂದೆ ಹಲವು ಬಾರಿ ನಾನು ಎಚ್ಚರಿಕೆ ನೀಡಿದ್ದರೂ ಈತ ಸುಮ್ಮನಾಗದೆ ಕಿರಿಕ್ ಮಾಡುತ್ತಲೇ ಇದ್ದ, ಇದರಿಂದ ಮಾನಸಿಕ ವೇದನೆ ಅಸುಭವಿಸುತ್ತಿದ್ದ ಮಹಿಳೆ ತನ್ನ ಪತಿಗೆ ವಿಷಯ ಮುಟ್ಟಿಸಿದ್ದಾಳೆ. ಇನ್ನು ಆತ ಬುದ್ಧಿ ಮಾತು ಕೇಳುವುದಿಲ್ಲ ಎಂದು ಅರಿತ ಪತಿಯೂ ಆಕೆಗೆ ನೀನೆ ಬುದ್ಧಿಕಲಿಸು ಎಂದು ಧೈರ್ಯ ತುಂಬಿ ತಾನು ನಿಂತುಕೊಂಡು ಗೂಸಾ ಕೊಡಿಸಿದ್ದಾನೆ.
ಮಹಿಳೆ ತನ್ನ ಪತಿಯ ಜೊತೆ ನಡುರಸ್ತೆಯಲ್ಲೇ ಚಪ್ಪಲಿಯೇಟು ಕೊಡುತ್ತಿದ್ದನ್ನು ಗಮನಸಿದ ಸಾರ್ವಜನಿಕರು ವಿಚಾರಿಸುತ್ತಿದ್ದಂತೆ ಆತ ಅಲ್ಲಿಂದ ಕಾಲ್ಕಿತ್ತಿದ್ದಾನೆ.
