ಬೆಂಗಳೂರು: ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆಯ ನಾಲ್ಕೂ ನಿಗಮಗಳಲ್ಲಿ ಅನಾವಶ್ಯಕ ಹುದ್ದೆಗಳನ್ನು ಕಡಿತಗೊಳಿಸಿ, ಹುದ್ದೆಗಳ ಗಾತ್ರವನ್ನು ಪುನಾರಚಿಸುವಂತೆ ಸರ್ಕಾರ ಆದೇಶ ಹೊರಡಿಸಿದೆ.
ಕೊರೊನಾ ಸಂಕಷ್ಟದ ಸಮಯದಲ್ಲಿ ನೌಕರರಿಗೆ ಸಮರ್ಪಕವಾಗಿ ವೇತನ ನೀಡಲು ಆಗುತ್ತಿಲ್ಲ. ಇದರ ಜತೆಗೆ ಸಂಸ್ಥೆಗಳಲ್ಲಿ ಅನಾವಶ್ಯಕ ಹುದ್ದೆಗಳಿದ್ದು ಅವುಗಳಿಂದ ಯಾವುದೇ ಪ್ರಯೋಜನವಿಲ್ಲ. ಹೀಗಾಗಿ ಅವುಗಳನ್ನು ಕಡಿತಗೊಳಿಸಿ ಎಂದು ನಾಲ್ಕೂ ಸಂಸ್ಥೆಗಳ ವ್ಯವಸ್ಥಾಪಕ ನಿರ್ದೇಶಕರಿಗೆ ಸರ್ಕಾರದ ಅಧೀನ ಕಾರ್ಯದರ್ಶಿ ಎಂ.ಸತ್ಯಾವತಿ ಆದೇಶ ಹೊರಡಿಸಿದ್ದಾರೆ.
ಹೆಚ್ಚಿನ ಮತ್ತು ಅನಾವಶ್ಯಕ ಹುದ್ದೆಗಳನ್ನು ಸರೆಂಡರ್ ಮಾಡುವಂತೆ ತಿಳಿಸಿದ್ದು, ಈ ಬಗ್ಗೆ ಅಧಿಕಾರಿಗಳು ಯಾವರೀತಿ ಅನಾವಶ್ಯಕ ಹುದ್ದೆಗಳನ್ನು ಪಟ್ಟಿ ಮಾಡಿ ಸಲ್ಲಿಸುತ್ತಾರೆ ಎಂಬುದನ್ನು ಕಾದು ನೋಡಬೇಕಿದೆ.
ಸರ್ಕಾರ ಈ ಹಿಂದಿನಿಂದಲೂ ಅನಾವಶ್ಯಕ ಹುದ್ದೆಗಳನ್ನು ಸರೆಂಡರ್ ಮಾಡುವಂತೆ ತಿಳಿಸುತ್ತಿದ್ದರೂ ಅಧಿಕಾರಿಗಳು ಮಾತ್ರ ಈ ಬಗ್ಗೆ ಯಾವುದೇ ನಿರ್ಧಾರ ತೆಗೆದುಕೊಂಡಂತೆ ಕಾಣುತ್ತಿಲ್ಲ.
ಇದರಿಂದ ಅನಾವಶ್ಯಕ ಹುದ್ದೆಗಳನ್ನು ಕಡಿತ ಮಾಡುವ ಸುತ್ತೋಲೆಯನ್ನು ಸರ್ಕಾರ ಹೊರಡಿಸುವುದು ಸಾಮಾನ್ಯ ಎಂಬಂತೆ ಬಿಂಬಿತವಾಗುತ್ತಿದೆ. ಅದರಿಂದ ಸಂಸ್ಥೆಗಳು ಕೋಟ್ಯಂತರ ರೂ. ನಷ್ಟವನ್ನು ಅನುಭವಿಸುವಂತಾಗಿದೆ.
ಇನ್ನಾದರೂ ಅಧಿಕಾರಿಗಳು ಸರ್ಕಾರ ಹೊರಡಿಸಿರುವ ಆದೇಶವನ್ನು ಪಾಲಿಸಬೇಕಿದೆ. ಇಲ್ಲ ಸರ್ಕಾರ ಅನಾವಶ್ಯಕ ಹುದ್ದೆಗಳ ಕಡಿತಕ್ಕೆ ಒಂದು ಕಾಲಮಿತಿಯನ್ನು ಹೇರಿ ಆದೇಶ ಹೊರಡಿಸಬೇಕಿದೆ. ಇದಾವು ಜಾರಿಯಾಗದಿದ್ದರೆ ಸರ್ಕಾರ ಹೊರಡಿಸುವ ಆದೇಶ ಕಾಗದದ ಹುಲಿಯಂತಾಗುತ್ತದೆ.
BMTC yalli dc dto dme 4 dc Ofees galu Eve 10 year enda enu laba agilla Dayavittu raddu Madi 1 Dc 1 Dto 1DmE eddar saku 1 Dc Ofees end 15 rinda 20 Laxa ulisabudu
First they should cancel all kind of pass…..issued by department let all of them take daily pass or tickets & travel, Assistant traffic supervisor in every depot is not required depot manager and Traffic inspector can do the bookings of routes.so automatically revenue will raise up in department 👍🙏