ನಂಜನಗೂಡು: ಮನೆಯ ಕಾಂಪೌಂಡ್‌ನಿಂದ ಬಿದ್ದು ವ್ಯಕ್ತಿ ಮೃತಪಟ್ಟಿದ್ದು, ಇದು ಅನುಮಾನಾಸ್ಪದ ಸಾವು ಎಂದು ಆತನ ತಂದೆ ಠಾಣೆಗೆ ದೂರು ನೀಡಿದ್ದಾರೆ.
ನಗರದ ಕೆಂಪೇಗೌಡ ಬಡಾವಣೆಯ ನಿವಾಸಿ, ರಾಘವೇಂದ್ರ (42) ಮನೆಯ ಕಾಂಪೌಂಡ್‌ನಿಂದ ಬಿದ್ದು ಮೃತಪಟ್ಟವರು.
ಈ ಘಟನೆ ವೇಳೆ ತಂದೆ ರಾಮಚಂದ್ರ ಜಮೀನಿಗೆ ಹೋಗಿದ್ದು ಮನೆಗೆ ಬಂದಾಗ ಮಗನ ಸಾವು ಕಂಡು ಇದು ಅನುಮಾನಾಸ್ಪದ ಸಾವು. ತನಿಖೆ ನಡೆಸಬೇಕು ಎಂದು ಪಟ್ಟಣ ಠಾಣೆಗೆ ದೂರು ನೀಡಿದ್ದಾರೆ.
ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಮುಂದಿನ ತನಿಖೆ ಕೈಗೊಂಡಿದ್ದಾರೆ. ನಂಜನಗೂಡಿನಲ್ಲೇ ಇದ್ದ ಎಸ್‌ಪಿ ಚೇತನ್, ಡಿವೈಎಸ್‌ಪಿ ಗೋವಿಂದರಾಜು, ಸಿಪಿಐ ಲಕ್ಷ್ಮೀಕಾಂತ ತಳವಾರ, ಎಸ್‌ಐ ವಿಜುಂರಾಜ್ ಸ್ಥಳ ಪರೀಕ್ಷೆ ನಡೆಸಿದರು.
