ಚಿಕ್ಕಬಳ್ಳಾಪುರ: ಚಾಲಕರು ಮುನ್ನೆಚ್ಚರಿಕೆಯಾಗಿ ವಾಹನವನ್ನು ನೀರಿಗೆ ಇಳಿಸದೆ ಪಕ್ಕಕ್ಕೆ ಪಾರ್ಕಿಂಗ್ ಮಾಡುವುದು ನೀರಿನ ಪ್ರಮಾಣವು ಇಳಿದ ನಂತರ ವಾಹನವನ್ನು ಚಲಾಯಿಸಬೇಕು ಎಂದು ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮ ಸೂಚನೆ ನೀಡಿದರೆ.
ಈ ಕುರಿತು ಎಲ್ಲ ಹಿರಿಯ ವಿಭಾಗಿಯ ನಿಯಂತ್ರಣ ಅಧಿಕಾರಿ, ವಿಭಾಗಿಯ ಯಾಂತ್ರಿಕ ಅಭಿಯಂತರರು ಹಾಗೂ ಎಲ್ಲ ಘಟಕ ವ್ಯವಸ್ಥಾಪಕರಿಗೆ ವಿಶೇಷ ಸೂಚನೆಯನ್ನು ನಿಗಮದ ಮುಖ್ಯ ಯಾಂತ್ರಿಕ ಅಭಿಯಂತರರು ಸೂಚನೆ ನೀಡಿದ್ದಾರೆ.
ಅದರಲ್ಲಿ ಪ್ರಮುಖವಾಗಿ ಈಗಾಗಲೇ ಮಳೆ ಅತ್ಯಧಿಕವಾಗಿ ಸುರಿಯುತ್ತಿದ್ದು, ಅಂಡರ್ ಪಾಸ್ ಗಳಲ್ಲಿ, ತಗ್ಗುಪ್ರದೇಶಗಳಲ್ಲಿ ಹಲವೊಮ್ಮೆ ಸಮತಟ್ಟು ರಸ್ತೆಗಳಲ್ಲಿ ಸಹ ಮಳೆನೀರು ಚರಂಡಿಗಳಿಗೆ ಹರಿಯದೆ ಎತ್ತರವಾಗಿ ನಿಂತಿರುತ್ತದೆ. ಆ ಸಂದರ್ಭದಲ್ಲಿ ಚಾಲಕರು ಮುನ್ನೆಚ್ಚರಿಕೆಯಾಗಿ ವಾಹನವನ್ನು ನೀರಿಗೆ ಇಳಿಸದೆ ಪಕ್ಕಕ್ಕೆ ಪಾರ್ಕಿಂಗ್ ಮಾಡುವುದು ನೀರಿನ ಪ್ರಮಾಣವು ಇಳಿದ ನಂತರ ವಾಹನವನ್ನು ಚಲಾಯಿಸಲು ಸೂಚಿಸಬೇಕು ಎಂದು ತಿಳಿಸಿದ್ದಾರೆ.
ಒಂದು ವೇಳೆ ಅಚಾತುರ್ಯ ವಾಗಿ ವಾಹನವು ನೀರಿಗೆ ಸಿಲುಕಿ ಇಂಜಿನ್ ಆಫ್ ಆದರೆ ಯಾವುದೇ ಕಾರಣಕ್ಕೂ ಮತ್ತೆ ಇಂಜಿನನ್ನು Start ಮಾಡಬಾರದು. ನಂತರ ವಾಹನವನ್ನು ಸಮೀಪದ ಘಟಕಕ್ಕೆ ಅಥವಾ ವಿಭಾಗಿಯ ಕಾರ್ಯಾಗಾರಕ್ಕೆ ಟೋ ಮಾಡಿಕೊಂಡು ಬಂದು ಏರ್ ಫಿಲ್ಟರ್ ನಲ್ಲಿ ಮತ್ತು In let manifold ನಲ್ಲಿ ತುಂಬಿರುವ ನೀರನ್ನು ಹೊರತೆಗೆದು ನಂತರ ತಾಂತ್ರಿಕ ಸಿಬ್ಬಂದಿಯ salaheyondige ಇಂಜಿನನ್ನು ಸ್ಟಾರ್ಟ್ ಮಾಡಬೇಕು.
ಇದು ತಪ್ಪಿದ್ದಲ್ಲಿ ಇಂಜಿನ್ ಸೀಸ್ ಆಗುವುದು. ಆದುದರಿಂದ ಈ ವಿಷಯವನ್ನು ಈ ಕೂಡಲೇ ಘಟಕದ ಎಲ್ಲ ಚಾಲಕರಿಗೆ ಮುಟ್ಟಿಸ ತಿಳಿವಳಿಕೆ ಮೂಡಿಸುವುದು. ಯಾವುದೇ ಕಾರಣಕ್ಕೂ ನೀರಿನಲ್ಲಿ ವಾಹನ ಸಿಲುಕಿ ಇಂಜಿನ್ ಆಫ್ ಆದಲ್ಲಿ ಮತ್ತೆ ಮತ್ತೆ ಇಂಜಿನ್ ಸ್ಟಾರ್ಟ್ ಮಾಡಲು ಚಾಲಕರು ಪ್ರಯತ್ನಿಸಬಾರದು ಎಂದು ಘಟಕ ವ್ಯವಸ್ಥಾಪಕರಿಗೆ ಮತ್ತೊಮ್ಮೆ ಮುಖ್ಯ ಯಾಂತ್ರಿಕ ಅಭಿಯಂತರರು ತಿಳಿಸಿದ್ದಾರೆ.
