ಶಿವಮೊಗ್ಗ: ಬಾರ್‌ನಲ್ಲಿ ಕುಡಿದ ಬಳಿಕ ಬಿಲ್‌ ಕೊಡುವ ವಿಷಯದಲ್ಲಿ ನಡೆದ ಗಲಾಟೆ ಬಾರ್‌ ಕ್ಯಾಶಿಯರ್ ಕೊಲೆಯಲ್ಲಿ ಅಂತ್ಯವಾಗಿರುವುದು ಶಿವಮೊಗ್ಗದಲ್ಲಿ ನಡೆದಿದೆ.
ಸಚಿನ್ (27) ಕೊಲೆಯಾದ ಬಾರ್‌ ಕ್ಯಾಶಿಯರ್. ಶಿವಮೊಗ್ಗ ತಾಲೂಕಿನ ಆಯನೂರಿನ ನವರತ್ನ ಬಾರ್‌ನಲ್ಲಿ ಈ ಗಲಾಟೆ ನಡೆದಿದೆ. ನಿರಂಜನ, ಸತೀಶ್ ಹಾಗೂ ಅಶೋಕ್ ನಾಯ್ಕ್ ಎಂಬುವರು ಕೊಲೆ ಮಾಡಿದ ಆರೋಪಿಗಳು.
ಈ ಹಿಂದೆ ಕಂಟಮಟ್ಟ ಕುಡಿದು ಹಣ ನೀಡದೇ ಆರೋಪಿಗಳು ಪರಾರಿಯಾಗಿದ್ದರು. ಹೀಗಾಗಿ ಮತ್ತೆ ನಿನ್ನೆ ಭಾನುವಾರ ಆರೋಪಿಗಳು ಬಾರ್‌ ಬಳಿ ಬಂದಾಗ ಕ್ಯಾಶಿಯರ್ ಹಣ ಕೇಳಿದ್ದಾರೆ.
ಕುಡಿದ ಹಣ ಕೇಳಿದನ್ನೇ ಎಲ್ಲರು ಎದುರು ಹಣ ಕೇಳುತ್ತೀಯಾ ಅಂತಾ ಗಲಾಟೆ ಮಾಡಿದ್ದದ್ದಾರೆ. ಬಳಿಕ ಮೂವರು ಮತ್ತೆ ರಾತ್ರಿ 10 ಗಂಟೆಗೆ ಬಾರ್‌ಗೆ ಕುಡಿಯಲು ಬಂದಿದ್ದು, ರಾತ್ರಿ 11.30 ಆದರೂ ಆರೋಪಿಗಳು ಮದ್ಯ ಸೇವಿಸುತ್ತಲೇ ಇದ್ದರು.
ಈ ವೇಳೆ ಸಚಿನ್ 11.30 ಆಯ್ತು ಬಂದ್ ಮಾಡ್ತೇವೆ ಹೊರಡಿ ಎಂದು ಹೇಳಿದ್ದಾರೆ. ಆಗ ನಮ್ದು ಇನ್ನು ಕುಡಿದು ಮುಗಿದಿಲ್ಲ, ನಾವು ಹೋಗಲ್ಲ ಏನ್ ಮಾಡ್ತೀಯಾ ಅಂತಾ ಗಲಾಟೆ ಮಾಡಿದ್ದಾರೆ. ಜಗಳ ತಾರಕಕ್ಕೇರಿ ಸಚಿನ್ ಮೇಲೆ ಮಾರಣಾಂತಿಕ ಹಲ್ಲೆ ಮಾಡಿದ್ದಾರೆ.
ಹಲ್ಲೆಯಿಂದ ಕುಸಿದು ಬಿದ್ದ ಸಚಿನ್‌ನನ್ನು ಕೂಡಲೇ ಶಿವಮೊಗ್ಗದ ಖಾಸಗಿ ಆಸ್ಪತ್ರೆಗೆ ದಾಖಲು ಮಾಡಿ ಪ್ರಥಾಮಿಕ ಚಿಕಿತ್ಸೆ ಕೊಡಿಸಿದ ಬಳಿಕ ಹೆಚ್ಚಿನ ಚಿಕಿತ್ಸೆಗಾಗಿ ಬೇರೊಂದು ಆಸ್ಪತ್ರೆಗೆ ಶಿಫ್ಟ್ ಮಾಡುವಾಗಲೇ ಸಚಿನ್ ಮೃತಟ್ಟಿದ್ದಾರೆ.
ಹತ್ಯೆ ಸಂಬಂಧ ಕುಂಸಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಆರೋಪಿಗಳ ಪತ್ತೆಗೆ ಬಲೆ ಬೀಸಿದ್ದಾರೆ.
