ಬೆಂಗ:ಳೂರು: ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದಲ್ಲಿ Corporate Salary Package (CSP) ಖಾತೆಯನ್ನು ಹೊಂದಿರುವ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮದ ನೌಕರರು ಮಾತ್ರ 50 ಲಕ್ಷ ರೂ.ಗಳ ವೈಯಕ್ತಿಕ ಅಪಘಾತ ವಿಮಾ ಯೋಜನೆ ಸೌಲಭ್ಯ ಪಡೆಯಲು ಸಾಧ್ಯ ಎಂದು ಸಂಸ್ಥೆಯ ಸಿ&ಜಾ ನಿರ್ದೇಶಕರು ತಿಳಿಸಿದ್ದಾರೆ.
ಈ ಸಂಬಂಧ ನಿರ್ದೇಶಕರು ಸೆ.30ರಂದು ಆದೇಶ ಹೊರಡಿಸಿದ್ದು, ನಿಗಮದಲ್ಲಿ ಸೇವೆಯಲ್ಲಿರುವ ಸಿಬ್ಬಂದಿಗಳು ಖಾಸಗಿ ಅಥವಾ ಕರ್ತವ್ಯ ನಿರತ ಅಪಘಾತದಲ್ಲಿ ಮೃತಪಟ್ಟಲ್ಲಿ ಅವರ ಅವಲಂಬಿತರಿಗೆ ಹೆಚ್ಚಿನ ಮೊತ್ತದ ಆರ್ಥಿಕ ಪರಿಹಾರ ಒದಗಿಸುವ ಮೂಲಕ ಅವರ ಜೀವನಕ್ಕೆ ಭದ್ರತೆ ಒದಗಿಸುವ ಉದ್ದೇಶದ ಹಿನ್ನೆಲೆಯಲ್ಲಿ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ Corporate Salary Package (CSP) 50 ಲಕ್ಷ ರೂ.ಗಳ ವೈಯಕ್ತಿಕ ಅಪಘಾತ ವಿಮಾ ಯೋಜನೆಯನ್ನು ಜಾರಿಗೆ ತರಲಾಗಿದೆ.
ಹೀಗಾಗಿ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮದ ಎಲ್ಲ ನೌಕರರಿಗೂ Corporate Salary Package (CSP) ಯೋಜನೆ ಕುರಿತು ಹಿರಿಯ/ ವಿಭಾಗೀಯ ನಿಯಂತ್ರಣಾಧಿಕಾರಿಗಳು, ಕಾರ್ಯ ವ್ಯವಸ್ಥಾಪಕರು, ಕಾರ್ಯನಿರ್ವಾಹಕ ಅಭಿಯಂತರರು ಅರಿವು ಮೂಡಿಸಿ ನೌಕರರನ್ನು Corporate Salary Package (CSP) ಯೋಜನೆ ವ್ಯಾಪದತಿಗೆ ತರಬೇಕು ಎಂದು ತಿಳಿಸಿದ್ದಾರೆ.
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದಲ್ಲಿ CSP ಖಾತೆಯನ್ನು ಹೊಂದಿರುವ ನೌಕರರು ಮಾತ್ರ ಈ ಯೋಜನೆಯ ವ್ಯಾಪ್ತಿಗೆ ಒಳಪಡುವುದರಿಂದ ಅದರಂತೆ ಪ್ರಾರಂಭದಲ್ಲಿಯೇ SBI ನಲ್ಲಿ ಉಳಿತಾಯ ಖಾತೆಯನ್ನು ಹೊಂದಿದ್ದ ನಿಗಮದ ಎಲ್ಲ ನೌಕರರ ಖಾತೆಯನ್ನು CSP ಖಾತೆಯಾಗಿ ಪರಿವರ್ತಿಸಲಾಗಿದೆ.
ಮುಂದುವರಿದು, ಹೊಸದಾಗಿ ಆಯ್ಕೆಗೊಂಡು ಅಥವಾ ಅಂತರ ನಿಗಮ ವರ್ಗಾವಣೆಯಿಂದ ನಿಗಮಕ್ಕೆ ನಿಯೋಜನೆಗೊಂಡಿರುವ ಅಧಿಕಾರಿ ನೌಕರರು SBI ನಲ್ಲಿ CSP ಖಾತೆಯನ್ನು ತೆರೆಯಲು ಅಥವಾ ಈಗಾಗಲೇ ಇರುವ ಉಳಿತಾಯ ಖಾತೆಯನ್ನು CSP ಖಾತೆಯಾಗಿ ಬದಲಾಯಿಸಿಕೊಂಡು ವೇತನ ಆ ಖಾತೆಗೆ ಜಮಾ ಆಗುತ್ತಿದ್ದಲ್ಲಿ ಮಾತ್ರ ಈ ಯೋಜನೆಯ ಸೌಲಭ್ಯವನ್ನು ಪಡೆಯಲು ಅರ್ಹರಿರುತ್ತೀರಿ ಎಂದು ತಿಳಿಸಿದ್ದಾರೆ.
ಇನ್ನು ಇತ್ತೀಚೆಗೆ ವರದಿ ಆಗಿರುವ ಕೆಲವೊಂದು ಅಪಘಾತ ಮರಣ ಪ್ರಕರಣಗಳಲ್ಲಿ ನೌಕರರು SBI ನಲ್ಲಿ ಉಳಿತಾಯ ಖಾತೆಯನ್ನು ಹೊಂದಿದ್ದು, ವೇತನ ಅದೇ ಖಾತೆಗೆ ಜಮಾ ಆಗುತ್ತಿದ್ದರು ಸಹ CSP ಖಾತೆಯಾಗಿ ಬದಲಾಯಿಸಿರದ ಒಂದೇ ಕಾರಣಕ್ಕೆ 50 ಲಕ್ಷ ರೂ.ಗಳ ವೈಯಕ್ತಿಕ ಅಪಘಾತ ವಿಮಾ ಕ್ಲೈಮ್ ತಿರಷ್ಕೃತವಾಗಿದೆ.
ಆದುದರಿಂದ ಹೊಸದಾಗಿ ಆಯ್ಕೆಗೊಂಡು ಅಥವಾ ಅಂತರ ನಿಗಮ ವರ್ಗಾವಣೆಯಿಂದ ನಿಗಮದ ಸೇವೆಗೆ ಬರುವ ಅಧಿಕಾರಿ/ ನೌಕರರಿಗೆ ವಿಭಾಗದ ಕಾರ್ಮಿಕ ಮತ್ತು ಕಲ್ಯಾಣಾಧಿಕಾರಿಗಳು ಹಾಗೂ ಲೆಕ್ಕಾಧಿಕಾರಿಗಳು ವೈಯಕ್ತಿಕ ಗಮನ ಹರಿಸಿ ಈ ಯೋಜನೆಯ ಬಗ್ಗೆ ಮಾಹಿತಿಯನ್ನು ನೀಡಿ, ಯೋಜನೆಯ ವ್ಯಾಪ್ತಿಗೆ ಒಳಪಡಲು ಇಚ್ಛಿಸಿದಲ್ಲಿ, SBI ನಲ್ಲಿ ಉಳಿತಾಯ ಖಾತೆಯನ್ನು ತೆರೆದು, CSP ಖಾತೆಯಾಗಿ ಬದಲಾಯಿಸಲು ಹಾಗೂ ವೇತನವನ್ನು ಅದೇ ಖಾತೆಗೆ ಜಮೆ ಮಾಡಲು ಮಾರ್ಗದರ್ಶನ ನೀಡಬೇಕು ಎಂದು ತಿಳಿಸಿದ್ದಾರೆ.
