ರಾಮನಗರ: ವಿಶ್ವ ಪರಿಸರ ದಿನಾಚರಣೆ ಅಂಗವಾಗಿ ಕುಮಾರಣ್ಣ ಅಭಿಮಾನಿ ಬಳಗದವರು ರಾಮನಗರ ಎ.ಪಿ.ಎಂ.ಸಿ ಮಾರುಕಟ್ಟೆಯಲ್ಲಿ ರೈತರಿಗೆ ತೆಂಗು, ಬಾದಾಮಿ, ಸಿಲ್ವರ್, ಬೇವಿನ ಸಸಿಗಳನ್ನು ವಿತರಣೆ ಮಾಡಿ, ಐಜೂರಿನ ಮಲ್ಲೇಶ್ವರ ಸ್ವಾಮಿ ದೇವಸ್ಥಾನ ರಸ್ತೆಯಲ್ಲಿ ತೆಂಗಿನ ಸಸಿ ನೆಡುವ ಮೂಲಕ ಇಂದು ಪರಿಸರ ದಿನ ಆಚರಿಸಿದರು.
ಜೆಡಿಎಸ್ ಕಾನೂನು ಘಟಕದ ರಾಜ್ಯ ಪ್ರಧಾನ ಕಾರ್ಯದರ್ಶಿ ರಾಜಶೇಖರ್ ಮಾತನಾಡಿ, ಪ್ರತಿಯೊಬ್ಬರೂ ಸಹ ತಮ್ಮ ಮನೆಯ ಮುಂದೆ ಸಸಿ ನೆಡುವ ಮೂಲಕ ಪರಿಸರ ಕಾಪಾಡುವ ಕೆಲಸ ಮಾಡಬೇಕೆಂದರು.
ರೈತ ಸಂಘದ ಅಧ್ಯಕ್ಷ ತುಂಬೇನಹಹಳ್ಳಿ ಶಿವಕುಮಾರ್ ಮಾತನಾಡಿ, ರೈತರು ಸರ್ಕಾರದ ಸೌಲಭ್ಯಗಳನ್ನು ಉಪಯೋಗಿಸಿಕೊಂಡು ತಮ್ಮ ಜಮೀನಿನ ಬದುಗಳಲ್ಲಿ ಉತ್ತಮ ಆದಾಯವುಳ್ಳ ಸಸಿಗಳನ್ನು ಬೆಳೆಸಿ ಪರಿಸರವನ್ನು ಕಾಪಾಡುವ ಜೊತೆಗೆ ಲಾಭಗಳಿಸಬಹುದು ಎಂದರು.
ಜೆಡಿಎಸ್ ಯುವ ಘಟಕದ ರಾಜ್ಯ ಪ್ರಧಾನ ಕಾರ್ಯದರ್ಶಿ ಸಿ.ಎಸ್.ಜಯಕುಮಾರ್, ಆರ್.ಟಿ.ಐ ವೇದಿಕೆಯ ಅಸ್ಲಂ ಪಾಷಾಷ, ಪಿ.ಸುರೇಶ್, ರೈತ ಸಂಘದ ಶಿವಕುಮಾರ್, ನಾರಾಯಣಪ್ಪ, ಎಸ್.ಎನ್.ದೇವರಾಜು, ವಿಜೇಂದ್ರ, ಈರೇಗೌಡ, ಈಶ್ವರಯ್ಯ ಮುಂತಾದವರಿದ್ದರು.
