ಇಂದು ಮಕರ ಸಂಕ್ರಾಂತಿ ಹಬ್ಬದ ಸಂಭ್ರಮ -ಕಿಚಡಿ ಮುದ್ದೆ, ಪೊಂಗಲ್‌ ರುಚಿಯ ಸವಿ

ಸಂಕ್ರಾಂತಿ ಹಬ್ಬವು ಭಾರತೀಯರು ಆಚರಿಸುವ ಪ್ರಮುಖ ಹಬ್ಬಗಳಲ್ಲಿ ಒಂದಾಗಿದೆ. ಇದು ಹೊಸ ವರ್ಷದ ಆರಂಭವನ್ನು ಸೂಚಿಸುತ್ತದೆ ಮತ್ತು ಸಂತೋಷ ಮತ್ತು ಸಮೃದ್ಧಿಯನ್ನು ತರುವ ಹಬ್ಬವೆಂದೆ ಕರೆಯಲಾಗುತ್ತದೆ. ಕಾರಣ ಈ ಹಬ್ಬ ಆರಂಭವಾಗುವುದೆ ರೈತರು ಬೆವರು ಹರಿಸಿ ಬೆಳೆದ ಫಸಲು ಕೈಸೇರಿ ಸಕಲ ಜೀವರಾಶಿಗಳಿಗೂ ಆಹಾರ ಸಿಗುವ ಕಾಲದಲ್ಲಿ ಬರುವ ಹಬ್ಬ ಅದಕ್ಕೆ.

ವಿವಿಧ ಹೆಸರುಗಳಲ್ಲಿ ಆಚರಣೆ: ಆಂಧ್ರಪ್ರದೇಶ ಮತ್ತು ತೆಲಂಗಾಣದಲ್ಲಿ ಮಕರ ಸಂಕ್ರಾಂತಿ, ತಮಿಳುನಾಡಿನಲ್ಲಿ ಈ ಹಬ್ಬವನ್ನು ಪೊಂಗಲ್ ಎಂಬ ಹೆಸರಿನಲ್ಲಿ ಆಚರಣೆ ಮಾಡಿದರೆ, ಕರ್ನಾಟಕದಲ್ಲಿ ಸಂಕ್ರಾಂತಿ ಹಾಗೂ ಮಕರ ಸಂಕ್ರಾಂತಿ ಹಬ್ಬವೆಂದು ಆಚರಣೆ ಮಾಡುತ್ತಾರೆ. ಇನ್ನು ಮಹಾರಾಷ್ಟ್ರದಲ್ಲಿಲ್ಲೂ ಮಕರ ಸಂಕ್ರಾಂತಿಯಾದರೆ, ಗುಜರಾತ್‌ನಲ್ಲಿ ಉತ್ತರಾಯಣ್ ಎಂಬ ಹೆಸರಿನಲ್ಲಿ ಆಚರಣೆ ಮಾಡಲಾಗುತ್ತದೆ.

ಈ ಸಂಕ್ರಾಂತಿ ಹಬ್ಬದ ಮಹತ್ವ: ಈ ಮೊದಲೇ ಹೇಳಿದಂತೆ ಕೃಷಿಯಿಂದ ಹಸಿರು ಹಸಿರಿನಿಂದ ಹಸಿವು ನೀಗಿಸುವ ಹಬ್ಬವೇ ಈ ಸಂಕ್ರಾಂತಿ. ಹೌದು! ಸಂಕ್ರಾಂತಿಯು ಕೃಷಿ ಚಕ್ರದ ಅಂತ್ಯವನ್ನು ಸೂಚಿಸುತ್ತದೆ ಮತ್ತು ಹೊಸ ಬೆಳೆಗಳ ಆಗಮನವನ್ನು ಸ್ವಾಗತಿಸುತ್ತದೆ.

ಇನ್ನು ಪ್ರಮುಖವಾಗಿ ಈ ಹಬ್ಬದ ದಿನ ಸೂರ್ಯ ತನ್ನ ಫಥವನ್ನು ಬದಲಾಯಿಸುತ್ತಾನೆ. ಅಂದರೆ, ದಕ್ಷಿಣಾಯನದಿಂದ ಉತ್ತರಾಯಣಕ್ಕೆ ಚಲನೆ ಮಾಡುವ ಮೂಲಕ ತನ್ನ ದಿಕ್ಕನ್ನು ಬದಲಿಕೊಳ್ಳುತ್ತಾನೆ. ಈ ಸಂಕ್ರಾಂತಿಯಂದು ಸೂರ್ಯನು ಮಕರ ರಾಶಿಯನ್ನು ಪ್ರವೇಶಿಸುತ್ತಾನೆ ಮತ್ತು ಉತ್ತರ ದಿಕ್ಕಿನತ್ತ ಚಲಿಸಲು ಪ್ರಾರಂಭಿಸುತ್ತಾನೆ. ಇದು ಶುಭ ಸೂಚನೆಯೆಂದು ಪರಿಗಣಿಸಲಾಗುತ್ತದೆ.

ಕುಟುಂಬ ಸಮಾಗಮ: ಸಂಕ್ರಾಂತಿಯು ಕುಟುಂಬ ಮತ್ತು ಸ್ನೇಹಿತರೊಂದಿಗೆ ಸೇರಿ ಸಂಭ್ರಮಿಸುವ ಹಬ್ಬವಾಗಿದೆ. ಈ ಹಬ್ಬದ ಅಂಗವಾಗಿ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯುತ್ತವೆ. ಜತೆಗೆ ಗ್ರಾಮೀಣ ಪ್ರದೇಶದ ರೈತ ಬಾಂಧವರು ತಮ್ಮ ರಾಸುಗಳನ್ನು ಶೃಂಗರಿಸಿ ಕಿಚ್ಚು ಹಾಯಿಒಸುವ ಮೂಲಕ ತುಂಬಾ ಸಡಗರ ಸಂಭ್ರಮದಿಂದ ಈ ಹಬ್ಬವನ್ನು ಆಚರಿಸುತ್ತಾರೆ.

ಸಂಕ್ರಾಂತಿ ಹಬ್ಬ ಆಚರಣೆ: ಬಹುತೇಕ ದೇಶದ ಎಲ್ಲ ರಾಜ್ಯಗಳಲ್ಲೂ ಈ ಹಬ್ಬವನ್ನು ಸಂಭ್ರಮಿಸುತ್ತಾರೆ, ಅದೂ ಕೂಡ ಹೊಸ ಬಟ್ಟೆ ಧರಿಸಿ ಸಂಕ್ರಾಂತಿಯನ್ನು ಆಚರಿಸುವುದು ಸಾಮಾನ್ಯ ಪದ್ಧತಿ. ಇದರ ಜತೆಗೆ ಎಳುನೇರಳೆ ಹೂವುಗಳನ್ನು ಪೂಜಿಸುವುದು ಈ ಎಳುನೇರಳೆ ಹೂವುಗಳು ಸಂಕ್ರಾಂತಿಯ ಪ್ರಮುಖವಾಗಿದೆ.

ಕಿಚಡಿ ಅನ್ನ ಮಾಡುವುದು, ಸಿಹಿ ತಿಂಡಿಗಳನ್ನು ತಯಾರಿಸುವುದು ಅಲ್ಲದೆ ಈ ಸಂಕ್ರಾಂತಿಯಂದು ವಿವಿಧ ರೀತಿಯ ತಿಂಡಿಗಳನ್ನು ತಯಾರಿಸಿ ಸವಿಯುವುದು ಜತೆಗೆ ಹಸುಗಳಿಗೆ ಪೂಜೆ ಮಾಡಿ ಅವಗಳಿಗೆ ಬಂದ ಫಸಲಿನಲ್ಲಿ ತಯಾರಿಸಿದ ಅಡುಗೆಯನ್ನು ಮೊದಲು ನೈವೇದ್ಯವಾಗಿ ಆಕಳಿಗೆ ತಿನ್ನಿಸಿದ ಬಳಿಕ ಅನ್ನದಾತರ ಮನೆಯ ಪ್ರತಿಯೊಬ್ಬರೂ ಆ ನೈವೇದ್ಯವನ್ನು ಪ್ರಸಾದವಾಗಿ ಸೇವಿಸಿ ಸಂಭ್ರಮಿಸುತ್ತಾರೆ.

ಮನೆಗಳನ್ನು ಎಳುನೇರಳೆ ಹೂವುಗಳು ಮತ್ತು ರಂಗೋಲಿಗಳಿಂದ ಅಲಂಕರಿಸಲಾಗುತ್ತದೆ. ಕಿತ್ತಳೆ ಹಣ್ಣುಗಳು ಸಂಕ್ರಾಂತಿಯ ಸಂಕೇತವಾಗಿದೆ. ಇನ್ನು ಕೆಲವು ರಾಜ್ಯಗಳಲ್ಲಿ ಕಾಗೆಗಳಿಗೆ ಆಹಾರ ನೀಡುವುದು ಸಂಕ್ರಾಂತಿಯ ಆಚರಣೆಯ ಒಂದು ಭಾಗವಾಗಿದೆ.

ಸಂಕ್ರಾಂತಿಯ ಸಂದೇಶ: ಸಂಕ್ರಾಂತಿ ಹಬ್ಬವು ಒಗ್ಗಟ್ಟು, ಸಂತೋಷ ಮತ್ತು ಸಮೃದ್ಧಿಯ ಸಂದೇಶವನ್ನು ನೀಡುತ್ತದೆ. ಇದು ನಮ್ಮನ್ನು ನಮ್ಮ ಬೇರುಗಳೊಂದಿಗೆ ಸಂಪರ್ಕಿಸುತ್ತದೆ ಮತ್ತು ನಮ್ಮ ಸಂಸ್ಕೃತಿಯನ್ನು ಆಚರಿಸುವ ಅವಕಾಶವನ್ನು ನೀಡುತ್ತದೆ. ಇನ್ನು ಕರ್ನಾಟಕದಲ್ಲಿ ಈ ಹಬ್ಬವನ್ನು ಈ ಮೊದಲೇ ಹೇಳಿದಂತೆ ರಾಸುಗಳನ್ನು ವಿವಿಧ ಬಣ್ಣ ಹಾಗೂ ಹೂಗಳಿಂದ ಸಿಂಗರಿಸಿ ಕಿಚ್ಚು ಹಾಯಿಸುವ ಮೂಲಕ ಹಬ್ಬ ಆಚರಣೆ ಪೂರ್ಣಗೊಳ್ಳುತ್ತದೆ.