ಮಡಿಕೇರಿ: ಕೆ.ಎಸ್ಆರ್ಟಿಸಿ ಮಡಿಕೇರಿ ಘಟಕದ ಮಾರ್ಗ ಸಂಖ್ಯೆ 23AB. (KA 21F0286) ರಲ್ಲಿ ಚಾಲಕ ಪ್ರಸಾದ್ ಜಿ.ಕೆ ಮತ್ತು ನಿರ್ವಾಹಕ ಕಾಂತರಾಜು ಕೆ.ಪಿ. ಅವರು ಸೋಮವಾರ (ಅ.4) ಗಳೂರಿನಿಂದ ಮಡಿಕೇರಿಗೆ ಬರುವ ಸಂದರ್ಭದಲ್ಲಿ ಮಡಿಕೇರಿಯ ನಿವೃತ್ತ ಕಂದಾಯ ಇಲಾಖೆ ನೌಕರ ಕುಂಜಪ್ಪ ದಂಪತಿ ಚಿನ್ನ ಆಭರಣ ಮತ್ತು ಹಣವಿದ್ದ ಸಣ್ಣ ಕೈ ಚೀಲ ಕಳೆದುಕೊಂಡಿದ್ದರು.
ಅದು ಅವರು ಕುಳಿತಿದ್ದ ಸಬ್ ಸೀಟಿನಲ್ಲೇ ಬಿದ್ದುಹೋಗಿತ್ತು. ಅದನ್ನು ಗಮನಿಸಿದ ಚಾಲಕ ನಿರ್ವಾಹಕರಿಗೆ ತಿಳಿಸಿ ಪರಿಶೀಲಿಸಿದಾಗ ಅಂದಾಜು 2 ಲಕ್ಷ ರೂ. ಬೆಲೆಬಾಳುವ ಚಿನ್ನದ ಆಭರಣಗಳ ಜತೆಗೆ ಅದರಲ್ಲಿನ ಬೇರೆ ದಾಖಲೆಗಳಿದ್ದವು.
ಅದರ ಜತೆಗೆ ಅವರ ದೂರವಾಣಿ ಸಂಖ್ಯೆಯೂ ಇತ್ತು. ಹೀಗಾಗಿ ಅವರನ್ನು ಸಂಪರ್ಕಿಸಿ ಆ ಎಲ್ಲ ಅಮೂಲ್ಯವಾದ ವಸ್ತುಗಳನ್ನು ನೀಡಿ ಪ್ರಾಮಾಣಿಕತೆ ಮೆರೆದಿದ್ದಾರೆ. ಅವರ ಪ್ರಾಮಾಣಿಕತೆಗೆ ಕುಂಜಪ್ಪ ದಂಪತಿ ಅಭಿನಂದನೆ ಸಲ್ಲಿಸಿದ್ದಾರೆ.
