ಬಳ್ಳಾರಿ: ಚೆನ್ನೈನಲ್ಲಿ ಹೃದಯಾಘಾತದಿಂದ ನಿಧನರಾದ ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಯ ನಿರ್ವಾಹಕನ ಪಾರ್ಥಿವ ಶರೀರವನ್ನು ತರಲು ಹೋಗಿದ್ದ ಮತ್ತೊಬ್ಬ ಬಸ್ ಚಾಲಕ ಅಪಘಾತದಿಂದ ಮೃತಪಟ್ಟಿರುವ ಘಟನೆ ತುಮಕೂರು ಬಳಿ ಶನಿವಾರ ಮುಂಜಾನೆ ನಡೆದಿತ್ತು.
ಬಳ್ಳಾರಿ ಒಂದನೇ ಘಟಕದ ಸಾರಿಗೆ ಸಂಸ್ಥೆಯ ಬಸ್ ಚಾಲಕ ದಾವಲ್ ಸಾಬ್ (45) ಚೆನ್ನೈಗೆ ಬಸ್ ತೆಗೆದುಕೊಂಡು ಹೋದಾಗ ಹೃದಯಾಘಾತದಿಂದ ಅಸುನೀಗಿದ್ದರು. ಅವರ ಶವವನ್ನು ತರಲು ಗೋನಾಳ್ ಗ್ರಾಮದ ನಿವಾಸಿ ಬಸ್ ಚಾಲಕ ಜಗನ್ನಾಥ (35) ತಮ್ಮ ಇನ್ನಿತರ ಸಿಬ್ಬಂದಿಗಳೊಂದಿಗೆ ಹೋಗಿದ್ದರು.
ಚೆನ್ನೈಗೆ ಹೋಗಿ ದಾವಲ್ ಸಾಬ್ ಅವರ ಶವ ತೆಗೆದುಕೊಂಡು ಶನಿವಾರ ಬರುವಾಗ ತುಮಕೂರು ಬಳಿ ಜೀಪ್ ಅಪಘಾತಗೊಂಡು ಜಗನ್ನಾಥ ಸ್ಥಳದಲ್ಲೇ ಮೃತಪಟ್ಟಿದ್ದರು.
ಇಬ್ಬರು ಮಕ್ಕಳು, ಪತ್ನಿಯನ್ನು ಅಗಲಿದ ಜಗನ್ನಾಥ ಅವರ ಪಾರ್ಥಿವ ಶರೀರದ ದರ್ಶನವನ್ನು ಇಂದು ಬಳಗ್ಗೆ ಪಡೆದ ಸಾರಿಗೆ ಮಾಜಿ ಸಚಿವ ಬಿ.ಶ್ರೀರಾಮುಲು ಕುಟುಂಬಕ್ಕೆ ಸಾಂತ್ವನ ಹೇಳಿದರು.
ಸತತ ಕರ್ತವ್ಯದಿಂದ ಜೀಪ್ ಚಾಲನೆ ಮಾಡುವಾಗ ನಿದ್ರೆಗೆ ಜಾರಿದ್ದು ಅಪಘಾತಕ್ಕೆ ಕಾರಣವಾಗಿದೆ. ಈ ರೀತಿ ಆಗಬಾರದಿತ್ತು. ಈ ಬಗ್ಗೆ ಅಧಿಕಾರಿಗಳ ಜತೆ ಸಮಾಲೋಚನೆ ನಡೆಸಿ. ಇನ್ನು ಮುಂದೆ ಈ ರೀತಿ ಆಗದಂತೆ ಎಚ್ಚರಿಕೆವಹಿಸಲು ಸಲಹೆ ನೀಡುತ್ತೇನೆ ಶ್ರೀರಾಮುಲು ಹೇಳಿದ್ದಾರೆ.
