CrimeNEWSನಮ್ಮಜಿಲ್ಲೆನಮ್ಮರಾಜ್ಯ

KSRTC: 10-20 ರೂ. ಆಸೆಗೆ ಬಿದ್ದು ಚಿನ್ನಕಳವು ದೂರಿನಡಿ ಪೊಲೀಸರ ಅತಿಥಿಯಾದ ಸಂಸ್ಥೆ ಚಾಲಕ

ವಿಜಯಪಥ ಸಮಗ್ರ ಸುದ್ದಿ

ಬೆಂಗಳೂರು: ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮದ ಚಾಲನಾ ಸಿಬ್ಬಂದಿಗಳಿಗೆ ಎಷ್ಟೆ ಎಚ್ಚರಿಕೆ ನೀಡಿದರು ಬುದ್ಧಿಕಲಿಯದ ಪರಿಣಾಮ ವಾರಸುದಾರರಿಲ್ಲದ ಲಗೇಜನ್ನು ಬಿಡಿಗಾಸಿನ ಆಸೆಗಾಗಿ ತೆಗೆದುಕೊಂಡು ಹೋದ ಚಾಲಕ ಮತ್ತು ನಿರ್ವಾಹಕನ ವಿರುದ್ಧ ಆಭರಣ ಕಳವಾಗಿದೆ ಎಂಬ ದೂರು ದಾಖಲಾಗಿರುವ ಘಟನೆ ರಾಜ್ಯದ ರಾಜಧಾನಿಯಲ್ಲಿ ನಡೆದಿದೆ.

ಗುರುವಾರ (ಫೆ.29) ಶಿವಮೊಗ್ಗ – ಬೆಂಗಳೂರು ನಡುವೆ ಮಾರ್ಗಚರಣೆ ಮಾಡುತ್ತಿದ್ದ (KA-14 F-0041) ಸಂಖ್ಯೆಯ ಕೆಎಸ್‌ಆರ್‌ಟಿಸಿ ಬಸ್‌ ಚಾಲಕನಿಗೆ ತಿಪಟೂರು ಬಸ್‌ ನಿಲ್ದಾಣದಲ್ಲಿ ಓರ್ವ ಮಹಿಳೆ ಒಂದು ಪೇಪರ್‌ ಬ್ಯಾಗನ್ನು ಕೊಟ್ಟು ಇದರಲ್ಲಿ ಬಟ್ಟೆಗಳಿವೆ ಬೆಂಗಳೂರಿನಲ್ಲಿರುವ ನಮ್ಮ ಸಂಬಂಧಿಕರಿಗೆ ಜೋಪಾನವಾಗಿ ತಲುಪಿಸಿ, ಅವರು ಮೆಜೆಸ್ಟಿಕ್‌ನಲ್ಲಿ ಕಲೆಕ್ಟ್‌ ಮಾಡಿಕೊಳ್ಳುತ್ತಾರೆ ಎಂದು ಹೇಳಿದ್ದಾರೆ.

ಸರಿ ಆಯಿತು ಅಂತ ಬಸ್‌ ಚಾಲಕ ವಿಜಯನಾಯಕ್‌ ಆ ಬ್ಯಾಗ್‌ ತೆಗೆದುಕೊಂಡಿದ್ದಾರೆ. ಈ ವೇಳೆ ಅದರಲ್ಲಿ ಆಭರಣಗಳಿದ್ದ ಬಗ್ಗೆ ಚಾಲಕನಿಗೆ ಹೇಳಿಲ್ಲ. ಇನ್ನು ಬಸ್‌ ಚಾಲಕ ಆ ಬ್ಯಾಗ್‌ ತೆಗೆದುಕೊಂಡು ಆ ಮಹಿಳೆ ಕೊಟ್ಟ 10-20ರೂಪಾಯಿಯನ್ನು ತನ್ನ ಕಿಸೆಗೆ ಹಾಕಿಕೊಂಡು ಬಂದಿದ್ದಾನೆ.

ಇನ್ನು ಬೆಂಗಳೂರು ಕೆಂಪೇಗೌಡ ಬಸ್ ನಿಲ್ದಾಣದಲ್ಲಿ ಆ ಮಹಿಳೆಯ ಕಡೆಯವರು ಬ್ಯಾಗನ್ನು ತೆಗೆದುಕೊಂಡು ನೋಡಿ ಅದರಲ್ಲಿದ್ದ ಸುಮಾರು ಎರಡು ಲಕ್ಷ ರೂ. ಬೆಲೆಬಾಳುವ ಚಿನ್ನದ ಎರಡು ಕೈ ಬಳೆಗಳಿದ್ದವು ಆದರೆ, ಈ ಬ್ಯಾಗಲ್ಲಿ ಇಲ್ಲ ಎಂದು ಕೆಂಪೇಗೌಡ ಬಸ್ ನಿಲ್ದಾಣದ ವಿಭಾಗೀಯ ನಿಯಂತ್ರಣಾಧಿಕಾರಿಗೆ ಹಾಗೂ ಉಪ್ಪಾರಪೇಟೆ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.

ಮಹಿಳೆಯ ದೂರಿನ ಮೇರೆಗೆ ಉಪ್ಪಾರಪೇಟೆ ಪೊಲೀಸರು ಸಂಸ್ಥೆಯ ವಾಹನದ ಚಾಲಕರನ್ನು ಪೊಲೀಸ್ ಠಾಣೆಗೆ ಕರೆದುಕೊಂಡು ಹೋಗಿದ್ದು, ಇನ್ನು ವಿಚಾರಣೆ ನಡೆಸುತ್ತಿದ್ದಾರೆ. ಆದರೆ. ಈ ಮಧ್ಯೆ ದೂರು ಕೊಟ್ಟ ಮಹಿಳೆ ಚಾಲಕನಿಗೆ ಕೊಟ್ಟ ಪೇಪರ್‌ ಬ್ಯಾಗಲ್ಲಿ ಬಟ್ಟೆಗಳಿವೆ ಎಂದು ಹೇಳಿದ್ದೆ, ಚಿನ್ನದ ಬಳೆಗಳಿರುವ ಬಗ್ಗೆ ಹೇಳಿರಲಿಲ್ಲ ಎಂದು ಪೊಲೀಸರು ಮತ್ತು ಸಾರಿಗೆ ನಿಗಮದ ಅಧಿಕಾರಿಗಳಿಗೆ ಫೋನ್‌ನಲ್ಲೇ ಹೇಳಿದ್ದಾರೆ.

ಏಕೆ ಚಿನ್ನದ ಬಳೆಗಳಿರುವ ಬಗ್ಗೆ ಹೇಳಿಲ್ಲ ನೀವು ಎಂದು ಈ ಅಧಿಕಾರಿಗಳು ಕೇಳಿದ್ದಕ್ಕೆ ಚಾಲಕನಿಗೆ ಚಿನ್ನದ ಬಳೆಗಳಿವೆ ಎಂದು ಹೇಳಿದರೆ ಆತ ಎಲ್ಲಿ ಕಳವು ಮಾಡಿ ಬಿಡುತ್ತಾನೋ ಎಂದುಕೊಂಡು ಆತನಿಗೆ ಬಟ್ಟೆಗಳಿವೆ ಇದನ್ನು ಜೋಪಾನವಾಗಿ ತಲುಪಿಸಿ ಎಂದಷ್ಟೇ ಹೇಳಿದೆ ಎಂದು ತಿಳಿಸಿದ್ದಾರೆ.

ಆದರೆ, ಈಗ 2 ಲಕ್ಷ ರೂಪಾಯಿ ಮೌಲ್ಯದ ಚನ್ನದ ಬಳೆಗಳಿದ್ದವು ಆ ಬಳೆಗಳನ್ನು ಈತನೆ ಕದ್ದಿರಬಹುದು ಎಂದು ದೂರು ನೀಡಿದ್ದಾರೆ ಆ ಮಹಿಳೆ. ಚಾಲಕ ನನಗೆ ಅವರು ಬಟ್ಟೆಗಳಿಗೆ ಎಂದು ಹೇಳಿದ್ದರು ಅಷ್ಟೆ. ನಾನು ಆ ಬ್ಯಾಗನ್ನು ಬ್ಯಾನೆಟ್‌ ಮೇಲೆ ಇಟ್ಟು ಬಸ್‌ ಚಾಲನೆ ಮಾಡಿಕೊಂಡು ಬಂದೆ. ಈ ವೇಳೆ ಪ್ರಯಾಣಿಕರ ಬ್ಯಾಗ್‌ಗಳು ಬ್ಯಾನೆಟ್‌ ಮೇಲೆ ಇದ್ದವು ಒಂದೆರಡು ಬಾರಿ ಈ ಬ್ಯಾಗ್‌ ಕೆಳಕ್ಕೆ ಬಿದಿತ್ತು ಎಂದು ತಿಳಿದ್ದುದಾರೆ ಎಲ್ಲಲಾಗಿದೆ.

ಇನ್ನು ಮಹಿಳೆಯಿಂದ ದೂರು ದಾಖಲಿಸಿಕೊಂಡಿರುವ ಪೊಲೀಸರು ಈ ಬಗ್ಗೆ ಚಾಲಕನ ವಿಚಾರಣೆ ನಡೆಸುತ್ತಿದ್ದಾರೆ. ಆದರೆ ಚಾಲಕ ನನಗೆ ಈ ಬಗ್ಗೆ ಏನು ಗೊತ್ತಿಲ್ಲ ಎಂದು ಹೇಳಿಕೆ ನೀಡಿದ್ದಾರೆ ಎಂದು ತಿಳಿದು ಬಂದಿದೆ.

Leave a Reply

error: Content is protected !!
LATEST
ಆಗಸದಲ್ಲೇ ಡಿಕ್ಕಿ ಹೊಡೆದುಕೊಂಡ ನೌಕಾಪಡೆಯ 2 ಹೆಲಿಕಾಪ್ಟರ್‌ಗಳು ನೋಡ ನೋಡುತ್ತಿದ್ದಂತೆ ಪತನ: 10 ಮಂದಿ ಮೃತ KSRTC: ಸಾರಿಗೆ ನಿಗಮಗಳ ಖಾಸಗೀಕರಣಕ್ಕೆ ಅವಕಾಶ ನೀಡುತ್ತಿದೆ ಕೇಂದ್ರ ಬೃಹತ್‌ ಕೈಗಾರಿಕಾ ಸಚಿವಾಲಯ KSRTC: ಏಪ್ರಿಲ್‌-ಜೂನ್‌ ಪೀಕ್‌ ಸೀಸನ್‌ ಎಂದು ಚಾಲನಾ ಸಿಬ್ಬಂದಿಗಳಿಗೆ ರಜೆ ಕೊಡದೆ ಹಿಂಸಿಸುತ್ತಿರುವ ಅಧಿಕಾರಿಗಳು..! ಬಿಜೆಪಿ ರಾಜಕೀಯ ಲಾಭಕ್ಕೆ ನೇಹಾ ಪ್ರಕರಣ ಬಳಸಿಕೊಳ್ಳುತ್ತಿರುವುದು ನಾಚಿಕೆಗೇಡಿನ ವಿಚಾರ: ಜಗದೀಶ್ ವಿ. ಸದಂ IVRS, ಬಲ್ಕ್ SMS ಮೂಲಕ ಮತದಾರರಿಗೆ ಮೊಬೈಲ್‌ ಸಂದೇಶ: ತುಷಾರ್ ಗಿರಿನಾಥ್ KSRTC: ವೇತನ ಸಮಸ್ಯೆ ಪರಿಹರಿಸದೆ ಅಸಡ್ಡೆ ತೋರಲು ಇವರು ಕಾರಣಗಳು....!? ರಾಜಕೀಯ ಪಕ್ಷಗಳ ಚುನಾವಣಾ ಪ್ರಣಾಳಿಕೆಗಳು ಜನರ ವಂಚಿಸುವ ಮಂತ್ರ ದಂಡಗಳು : ಕುರುಬೂರ್‌ ಶಾಂತಕುಮಾರ್‌ 'ನಮ್ಮ ನಡೆ ಮತಗಟ್ಟೆಯ ಕಡೆ' ಜಾಗೃತಿ ಜಾಥಾಗೆ ಮನೋಜ್ ಕುಮಾರ್ ಮೀನಾ, ತುಷಾರ್ ಗಿರಿನಾಥ್ ಚಾಲನೆ ಕೊಡಗು: ಹುಲಿದಾಳಿಗೆ ಅಸ್ಸಾಂ ಮೂಲದ ಕಾರ್ಮಿಕ ಬಲಿ ತಾಳವಾಡಿ: ಜಮೀನಿಗೆ ನುಗ್ಗುತ್ತಿರುವ ಕಾಡಾನೆ ಹಿಮ್ಮೆಟ್ಟಿಸಿದ ರೈತರು