ಕೋಲಾರ: ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮದ ಬಸ್ ಓಡಿಸುತ್ತಿದ್ದಾಗ ಚಾಲಕನಿಗೆ ಲಘು ಹೃದಯಾಘಾತವಾಗಿದೆ. ಆದರೂ ಸಮಯ ಪ್ರಜ್ಞೆ ಮೆರೆದಿರುವ ಚಾಲಕ ಬಸ್ ಸೈಡ್‌ಗೆ ನಿಲ್ಲಿಸುವ ಮೂಲಕ 65 ಪ್ರಯಾಣಿಕರ ಪ್ರಾಣ ಉಳಿಸಿದ್ದಾನೆ.
ಬೆಂಗಳೂರಿನಿಂದ ಮುಳಬಾಗಿಲಿಗೆ ಬುಧವಾರ ಆ.23ರಂದು ಹೋಗುತ್ತಿದ್ದ ಕೆಎಸ್‌ಆರ್‌ಟಿಸಿ ಬಸ್‌ನ ಚಾಲಕ ಮಂಜುನಾಥ್‌ ಎಂಬುವರೆ ಲಘು ಹೃದಯಾಘಾತಕ್ಕೊಳಗಾದವರು. ಆದರೂ ಈ ಚಾಲಕ ತನ್ನ ಪ್ರಾಣಕ್ಕೆ ಆಘಾತವಾದರೂ ಬಸ್ನಲ್ಲಿದ್ದವರ ಪ್ರಾಣ ಉಳಿಸಲು ತಕ್ಷಣ ಬಸ್ ರಸ್ತೆ ಬದಿ ನಿಲ್ಲಿಸಿ, ಬಸ್ಸಿನಲ್ಲಿದ್ದ ಜನರನ್ನು ರಕ್ಷಣೆ ಮಾಡಿದ್ದಾರೆ.
ವಿಷಯ ತಿಳಿದ ತಕ್ಷಣ ಚಾಲಕನನ್ನು ಆಂಬುಲೆನ್ಸ್‌ ಮೂಲಕ ಆಸ್ಪತ್ರೆಗೆ ರವಾನೆ ಮಾಡಯಿತು. ಇತ್ತೀಚೆಗೆ ಹೃದಯಾಘಾತವಾಗಿ ಮೃತಪಡುತ್ತಿರುವವರ ಸಂಖ್ಯೆ ಹೆಚ್ಚಾಗಿದೆ. ಮೊನ್ನೆಯಷ್ಟೇ ಆಟೋಚಾಲಕನಿಗೆ ಹೃದಯಘಾತವಾಗಿ ಸ್ಥಳದಲ್ಲೇ ಕೊನೆಯುಸಿರೆಳೆದಿದ್ದ. ಇದೀಗ ಅಂಥ ಘಟನೆಗಳು ಮರುಳಿಸುತ್ತಲೇ ಇವೆ.
