ಅಂಬೇಡ್ಕರ್ ಭಾವಚಿತ್ರಕ್ಕೆ ಬೆಂಕಿ: ಬೆಳತೂರು ಗ್ರಾಮದಲ್ಲಿ ಉದ್ವಿಗ್ನ ಸ್ಥಿತಿ

ವಿಜಯಪಥ ಸಮಗ್ರ ಸುದ್ದಿ
ಪಿರಿಯಾಪಟ್ಟಣ: ಬುಧವಾರ ತಡರಾತ್ರಿ ಅಂಬೇಡ್ಕರ್ ಭಾವಚಿತ್ರಕ್ಕೆ ಕಿಡಿಗೇಡಿಗಳು ಬೆಂಕಿ ಹಚ್ಚಿರುವ ಕಾರಣ ಬೆಳತೂರು ಗ್ರಾಮದಲ್ಲಿ ಉದ್ವಿಗ್ನ ಸ್ಥಿತಿ ನಿರ್ಮಾಣವಾಗಿದೆ.

ತಾಲೂಕಿನ ಬೆಳತೂರು ಗ್ರಾಮದಲ್ಲಿ ಈ ಘಟನೆ ನಡೆದಿದ್ದು ಗ್ರಾಮದಲ್ಲಿ ಅಳವಡಿಸಲಾಗಿದ್ದ ಮಹಾನಾಯಕ ಧಾರವಾಹಿ ಪೋಸ್ಟರ್ನಲ್ಲಿ ಅಂಬೇಡ್ಕರ್ ಚಿತ್ರ ಇರುವ ಕಡೆ ಎಡಭಾಗದಿಂದ ಬೆಂಕಿಹಚ್ಚಿ ಸುಡಲಾಗಿದ್ದು ಈ ಬಗ್ಗೆ ಗ್ರಾಮಸ್ಥರು ಅಂಬೇಡ್ಕರ್ ಜನ್ಮದಿನದಂದು ಈ ಕೃತ್ಯ ಎಸಗಿರುವುದನ್ನು ಖಂಡಿಸಿ ಸ್ಥಳದಲ್ಲಿಯೇ ಪ್ರತಿಭಟನೆ ನಡೆಸಿದರು. ಅಲ್ಲದೆ ಈ ಕೃತ್ಯ ಎಸಗಿದವರನ್ನು ಬಂಧಿಸುವಂತೆ ಒತ್ತಾಯಿಸಿದರು.

ಘಟನೆ  ಬಗ್ಗೆ ತಿಳಿಯುತ್ತಿದ್ದಂತೆ ಸ್ಥಳಕ್ಕೆ ತಹಸೀಲ್ದಾರ್ ಚಂದ್ರಮೌಳಿ ಮತ್ತು ಪೊಲೀಸ್ ಎಸ್ಐಗಳಾದ ಬಿ.ಆರ್.ಪ್ರದೀಪ್, ಜಗದೀಶ್ ಭೇಟಿ ನೀಡಿ ಗ್ರಾಮಸ್ಥರೊಂದಿಗೆ ಮಾತುಕತೆ ನಡೆಸಿದರು

ಈ ಸಂದರ್ಭದಲ್ಲಿ ಮಾತನಾಡಿದ ತಾ.ಪಂ.ಸದಸ್ಯ ಟಿ.ಈರಯ್ಯ ಗ್ರಾಮದಲ್ಲಿ ಈ ಘಟನೆ ಎರಡನೇ ಬಾರಿಗೆ ಮರುಕಳಿಸುತ್ತಿದ್ದು ಸಂವಿಧಾನ ಶಿಲ್ಪಿ ಡಾ.ಅಂಬೇಡ್ಕರ್ ಭಾವಚಿತ್ರಕ್ಕೆ ಉದ್ದೇಶಪೂರ್ವಕವಾಗಿ ಅವಮಾನ ಮಾಡಲಾಗಿದ್ದು ಇಂತಹವರ ಬಗ್ಗೆ ಕಾನೂಕು ಕ್ರಮವಹಿಸಬೇಕೆಂದು ತಿಳಿಸಿದರು.

 ಠಾಣೆಯಲ್ಲಿ ಊರು ದಾಖಲು
ಘಟನೆಯ ಬಗ್ಗೆ ಬೆಳತೂರು ಗ್ರಾಮದ ಗಾಮಸ್ಥ ಸ್ವಾಮಿ ಎಂಬುವರು ಪೊಲೀಸ್ ಠಾಣೆಗೆ ದೂರು ನೀಡಿದ್ದು.  ಹಿಂದೆಯೂ ಕೂಡ ಹಾನಿಮಾಡಿದ್ದು ಗ್ರಾಮದಲ್ಲಿ ಶಾಂತಿ ನೆಲಸುವ ಸಲುವಾಗಿ ಎಲ್ಲಾ ಗ್ರಾಮದ ಹಿರಿಯರು ಸೇರಿ  ಫ್ಲೆಕ್ಸ್‌ ಸರಿ ಮಾಡಿಸುವಂತೆ ಹಾನಿಮಾಡಿದವರಿಗೆ ಸೂಚಿಸಿ ಕ್ರಮವಹಿಸಿದ್ದೇವು.

ಆದರೆ ಏ.13 ರಾತ್ರಿ ಕೆಲ ಯುವಕರು ಈ ಕೃತ್ಯ ಮಾಡಿರುವ ಅನುಮಾನವನ್ನು ವ್ಯಕ್ತಪಡಿಸಿ ಪೊಲೀಸರಿಗೆ ದೂರು ನೀಡಿದ್ದಾರೆ. ದೂರು ಸ್ವೀಕರಿಸಿರುವ ಪೊಲೀಸರು ಹಲವು ಯುವಕರನ್ನು ವಿಚಾರಣೆಗೆ ಒಳಪಡಿಸಿದ್ದು ಗ್ರಾಮದಲ್ಲಿ ಪೊಲೀಸ್ ಬಂದೋಬಸ್ತ್ ಒದಗಿಸಲಾಗಿದೆ.

ಗ್ರಾಪಂ ಅಧ್ಯಕ್ಷ ಮಹದೇವ್, ತಾಪಂ ಸದಸ್ಯ ಎಸ್.ರಾಮು, ಮುಖಂಡರಾದ ಬಿ.ಎಸ್.ರಾಮಚಂದ್ರ, ದಸಂಸ  ಮುಖಂಡ ಅಣ್ಣಯ್ಯ, ಪಿ.ಪಿ.ಮಹದೇವ್, ಎಚ್.ಡಿ.ರಮೇಶ್, ಪಿ.ಮಹದೇವ್  ಮತ್ತಿತರರು ಇದ್ದರು.