ವಿಜಯಪಥ ಸಮಗ್ರ ಸುದ್ದಿ
ಮಾಸ್ಕೋ: ನೈಜೀರಿಯಾದ ವಾಯುವ್ಯ ರಾಜ್ಯ ಜಾಮ್‌ಫಾರಾದಲ್ಲಿ ಶಸ್ತ್ರಸಜ್ಜಿತ ಜಾನುವಾರು ಕಳ್ಳರು ನಡೆಸಿದ ಗುಂಡಿನ ದಾಳಿಗೆ 53 ಗ್ರಾಮಸ್ಥರು ಬಲಿಯಾಗಿದ್ದಾರೆ ಎಂದು ಕುವೈತ್‌ ಟೈಮ್ಸ್‌ ವರದಿ ಮಾಡಿದೆ.
ಬಂದೂಕುಧಾರಿಗಳು ಬೈಕ್‌ಗಳಲ್ಲಿ ಬಂದು ಅನೇಕ ಹಳ್ಳಿಗಳ ರೈತರ ಮೇಲೆ ಮನಬಂದಂತೆ ಗುಂಡಿನ ದಾಳಿ ನಡೆಸಿ ಹತ್ಯೆ ಮಾಡಿದ್ದಾರೆ.
ಈ ವೇಳೆ ಹಲ್ಲೆಯಿಂದ ತಪ್ಪಿಸಿಕೊಳ್ಳಲು ಯತ್ನಿಸಿದವರನ್ನು ಬಿಡದೆ ಹಿಂಬಾಲಿಸಿದರು ಎಂದು ಜಮ್‌ಫಾರಾ ಪೊಲೀಸ್‌ ವಕ್ತಾರ ಮೊಹಮ್ಮದ್‌ ಶೆಹು ತಿಳಿಸಿದ್ದಾರೆ.
ಜಾನುವಾರುಗಳನ್ನು ಕಳವು ಮಾಡಲು ಬಿಡಲಿಲ್ಲ ಎಂಬ ಕಾರಣಕ್ಕೆ ರೈತರನ್ನು ಈ ಖದೀಮರು ಗುಂಡುಹಾರಿಸಿ ಕೊಂದಿರುವುದು ಇಡೀ ವಿಶ್ವವೇ ಬೆಚ್ಚಿ ಬಿದ್ದದೆ. ಈ ಕಿಡಿಗೇಡಿಗಳನ್ನು ಬಂಧಿಸಿ ತಕ್ಕ ಶಿಕ್ಷೆ ವಿಧಿಸಬೇಕು ಎಂಬ ಆಗ್ರಹ ಕೂಗು ಎಲ್ಲೆಡೆ ಕೇಳಿ ಬರುತ್ತಿದೆ.
