ನಾಡಿನ ಜನತೆಗೆ ಬಸವ ಜಯಂತಿಯ ಶುಭಾಶಯ ಕೋರಿದ ಮಾಜಿ ಪ್ರಧಾನಿ ಎಚ್‌ಡಿಡಿ, ಮಾಜಿ ಸಿಎಂಗಳಾದ ಸಿದ್ದರಾಮಯ್ಯ, ಎಚ್‌ಡಿಕೆ

ವಿಜಯಪಥ ಸಮಗ್ರ ಸುದ್ದಿ
ಬೆಂಗಳೂರು: ಬಸವಣ್ಣನವರ ಸಮಾನತೆಯ ತತ್ವ ಸಂದೇಶಗಳನ್ನು ಅಳವಡಿಸಿಕೊಂಡು ಕಾರ್ಯರೂಪಗೊಳಿಸುವತ್ತ ನಮ್ಮ ನಡೆ ಇರಲಿ ಎಂದು ಮಾಜಿ ಪ್ರಧಾನಮಂತ್ರಿ ಎಚ್‌.ಡಿ. ದೇವೇಗೌಡ ತಿಳಿಸಿದ್ದಾರೆ.

ಇದೇ ವೇಳೆ ನಾಡಿನ ಸಮಸ್ತ ಜನತೆಗೆ ಬಸವ ಜಯಂತಿಯ ಹಾರ್ದಿಕ ಶುಭಾಶಯಗಳು ಎಂದು ಟ್ವೀಟ್‌ ಮಾಡಿದ್ದಾರೆ.

ಎಚ್‌ಡಿಕೆಯಿಂದ ಬಸವ ಜಯಂತಿಯ ಶುಭಾಶಯಗಳು
ಕಾಯಕ ನಿಷ್ಠೆ ಮತ್ತು ಸಮಾನತೆಯನ್ನು ಜಗತ್ತಿಗೆ ಸಾರಿದ ಬಸವಣ್ಣ ನಮ್ಮೆಲ್ಲರಿಗೂ ದಾರಿದೀಪ. ಇಂತಹ ಮಹಾನ್ ದಾರ್ಶನಿಕನ ಆದರ್ಶಗಳನ್ನು ಪರಿಪಾಲಿಸಲು ಪ್ರಾಮಾಣಿಕ ಪ್ರಯತ್ನ ಮಾಡೋಣ ಎಂದು ಮಾಜಿ ಮುಖ್ಯಮಂತ್ರಿ ಎಚ್‌.ಡಿ. ಕುಮಾರಸ್ವಾಮಿ ತಿಳಿಸಿದ್ದಾರೆ.

ಎಲ್ಲರಿಗೂ ಬಸವ ಜಯಂತಿಯ ಶುಭಾಶಯಗಳು ಎಂದು ಟ್ವೀಟ್‌ ಮಾಡಿದ್ದಾರೆ.

ಬಸವ ಜಯಂತಿಯ ಶುಭಾಶಯಗಳು : ಸಿದ್ದರಾಮಯ್ಯ
ಸಮಾನತೆ, ಸ್ವಾವಲಂಬನೆ ಮತ್ತು ಸ್ವಾಭಿಮಾನಿ ಬದುಕಿನ ಬಸವಣ್ಣನವರ ಸಂದೇಶ ನಮ್ಮೆಲ್ಲರ ನಡೆ-ನುಡಿಯಲ್ಲಿರಲಿ ಎಂದು ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಕರೆ ನೀಡಿದ್ದಾರೆ.

ನಮ್ಮ ಕರ್ನಾಟಕ ಬಸವಣ್ಣ ಕನಸು‌ ಕಂಡ ‘ಅನುಭವ ಮಂಟಪ’ ಆಗಲಿ.ಗೋಡೆಯ ಮೇಲಿನ ಬಸವಣ್ಣನ ಚಿತ್ರ,‌ ನಮ್ಮೆಲ್ಲರ ಎದೆಯೊಳಗೂ ಇರಲಿ. ನಾಡಿನ ನನ್ನೆಲ್ಲ ಬಂಧುಗಳಿಗೆ‌ ಬಸವ ಜಯಂತಿಯ ಶುಭಾಶಯಗಳು ಎಂದು ಟ್ವೀಟ್‌ ಮಾಡಿದ್ದಾರೆ.