ಬೆಂಗಳೂರು: ಹರ್ಷಿಕಾ ಪೂಣಚ್ಚ ಮತ್ತೆ ಸ್ಯಾಂಡಲ್‌ವುಡ್‌ನಲ್ಲಿ ಮಿಂಚಲು ತಯಾರಾಗಿದ್ದು ಅಡವಿಬಾವಿ ಶರಣ್ ನಿರ್ದೇಶನದ “ಓಂ ಪ್ರೇಮ” ಚಿತ್ರದೊಡನೆ ರೀ ಎಂಟ್ರಿ ಕೊಡುತ್ತಿದ್ದಾರೆ.
ಈ ಚಿತ್ರದಲ್ಲಿ ಮಹಿಳಾ ಪ್ರಧಾನ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿರುವ ಹರ್ಷಿಕಾ ಈ ಹಿಂದೆ “ಚಿಟ್ಟೆ” ಚಿತ್ರದಲ್ಲಿ ಪೂರ್ಣ ಪ್ರಮಾಣದಲ್ಲಿ ನಾಯಕಿಯಾಗಿ ನಟ್ಟಿಸಿದರು. ಅಲ್ಲದೆ 2019 ರಲ್ಲಿ ಬಿಡುಗಡೆಯಾದ ಸುನೀಲ್ ಕುಮಾರ್ ದೇಸಾಯಿ ನಿರ್ದೇಶನದ “ಉದ್ಘರ್ಷ”ದ ಭಾಗವಾಗಿದ್ದರು. ಆರ್.ಆರ್. ಖುಷಿ ಎಂಟರ್‌ಟೈನ್‌ಮೆಂಟ್ ಪ್ರಸ್ತುತಪಡಿಸುತ್ತಿರುವ ರಾಮ್ ಪ್ರೀತ್ ನಿರ್ಮಿಸಿದ ಈ ಚಿತ್ರದಲ್ಲಿ ಕ್ವಾಟ್ಲ್ ಖ್ಯಾತಿಯ ಪಾರ್ಥ ಕೂಡ ನಟಿಸಿದ್ದಾರೆ.
“ಓಂ ಪ್ರೇಮ” ಚಿತ್ರಕ್ಕೆ ಗೌಸ್ ಪೀರ್ ಸಂಭಾಷಣೆ, ಜಾಸ್ಸಿ ಗಿಫ್ಟ್ ಸಂಗೀತವಿದೆ. ಛಾಯಾಗ್ರಾಹಕರಾಗಿ ನಂದ ಕಿಶೋರ್ ಹಾಗೂ ಕೆಜಿಎಫ್ ಖ್ಯಾತಿಯ ಶ್ರೀಕಾಂತ್ ಸಂಕಲನ ಈ ಚಿತ್ರಕ್ಕಿದೆ. ಡ್ಯಾನಿ ಕುಟ್ಟಪ್ಪ ಚಿತ್ರದ ಪ್ರಮುಖ ಪಾತ್ರವೊಂದರಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.
ಇನ್ನು ಶೇ. 40 ರಷ್ಟು ಚಿತ್ರೀಕರಣ ಪೂರ್ಣಗೊಳಿಸಿರುವ ತಂಡ ಹರ್ಷಿಕಾ ಪೂಣಚ್ಚ ಅವರೊಂದಿಗೆ ಮಾತುಕತೆ ನಡೆಸಿದ್ದು, ಲಾಕ್‌ಡೌನ್ ಅವಧಿಯಲ್ಲಿ ಒಪ್ಪಂದವನ್ನು ಅಂತಿಮಗೊಳಿಸಿಕೊಂಡಿದೆ. .
“ನಾವು ಈಗ ಶೂಟಿಂಗ್ ಪುನಾರಂಭಿಸಲು ತಯಾರಾಗುತ್ತಿದ್ದೇವೆ ಈ ಶೆಡ್ಯೂಲ್ ಹೆಚ್ಚಾಗಿ ಹರ್ಷಿಕಾ ಅವರ ಪಾತ್ರದ ಕುರಿತಾಗಿರಲಿದೆ ಎಂದು ನಿರ್ದೇಶಕ ಹೇಳುತ್ತಿದ್ದಾರೆ.
