ರಾಮನಗರ: ತಾಲೂಕಿನ ಕೈಲಾಂಚ ಹೋಬಳಿ ಜಕ್ಕನಹಳ್ಳಿ ಗ್ರಾಮದಲ್ಲಿ ಹಸುವೊಂದು ಮೂರು ಕರುಗಳನ್ನು ಈದಿದೆ.
ಗ್ರಾಮದ ಅಂಗಡಿ ಶೇಖರ್ ಎಂಬುವವರ ಸೀಮೆ ಹಸುವೇ ತಡರಾತ್ರಿ ಎರಡು ಗಂಡು ಮತ್ತು ಒಂದು ಹೆಣ್ಣು ಕರುವಿಗೆ ಜನ್ಮ ನೀಡಿದ್ದು, ಇದೊಂದು ವಿರಳ ಪ್ರಸವ ವಾಗಿದೆ.
ಸಾಮಾನ್ಯವಾಗಿ ಹಸುಗಳು ಒಂದು ಕರುವನ್ನು ಮಾತ್ರ ಈಯುತ್ತವೆ. ಆದರೆ, ಅಪರೂಪಕೊಮ್ಮೆ ಈ ರೀತಿಯ ಪ್ರಸವ ವಾಗುತ್ತಿರುತ್ತದೆ. ಹೀಗಾಗಿ ಇದು ಸಾರ್ವಜನಿಕರ ಗಮನ ಸೆಳೆದಿದೆ.
ಆದರೆ, ದುರಾದೃಷ್ಟವಶಾತ್ ಮೂರರ ಪೈಕಿ ಎರಡು ಗಂಡು ಕರುಗಳು ಹುಟ್ಟಿದ ಕೆಲವೇ ಕ್ಷಣಗಳಲ್ಲಿ ಅಸುನೀಗಿದ್ದು, ಹೆಣ್ಣು ಕರು ಆರೋಗ್ಯಕರವಾಗಿದೆ. ಹಸುವನ್ನು ನೋಡಲು ಗ್ರಾಮದ ಹಲವಾರು ಮಂದಿ ಶೇಖರ್ ಮನೆಗೆ ಭೇಟಿ ನೀಡುತ್ತಿದ್ದಾರೆ.
