ಹುಬ್ಬಳ್ಳಿ: ವಾಯುವ್ಯ ಕರ್ನಾಟಕ ರಸ್ತೆ ಸಾರಿಗೆ ನೌಕರರ ಸಮಸ್ಯೆ ಪರಿಹರಿಸುವಂತೆ ಹುಬ್ಬಳ್ಳಿ ವಿಭಾಗ ಕೂಟ ಮಾಡಿದ ಮನವಿಗೆ ಸ್ಪಂದಿಸಿದ ವ್ಯವಸ್ಥಾಪಕ ನಿರ್ದೇಶಕ ಭರತ್‌ ಅವರು ನೌಕರರ ಬುತೇಕ ಸಮಸ್ಯೆಗಳನ್ನು ಬಗೆಹರಿಸಿದ್ದಾರೆ.
ಇನ್ನು ವಾಯುವ್ಯ ನಿಗಮವನ್ನು ಆರ್ಥಿಕವಾಗಿ ಮೇಲೇತ್ತುವ ಜತೆಗೆ ನೌಕರರ ಏಳಿಗೆಗಾಗಿ ಅವರು ಹಲವು ಹೊಸ ಹೊಸ ಯೋಜನೆಗಳನ್ನು ಅನುಷ್ಠಾನಕ್ಕೆ ತರುತ್ತಿದ್ದಾರೆ. ಅದರಲ್ಲಿ ಪ್ರಮುಖವಾಗಿ LMS ರಜೆಕೂಡ ಒಂದಾಗಿದೆ. ಇನ್ನು ಕೆಎಸ್‌ಆರ್‌ಟಿಸಿ ನಿಗಮದಲ್ಲಿ ಈಗಾಗಲೇ ಅಳವಡಿಸಿಕೊಂಡಿರುವಂತೆ ವಾಯುವ್ಯದಲ್ಲೂ ಕೂಡ 1 ಕೋಟಿ ಅಪಘಾತ ವಿಮೆ ಮಾಡಿಸುವ ಬಗ್ಗೆ ಕಾರ್ಯ ನಿರತರಾಗಿದ್ದಾರೆ.
ಈ ಹಿಂದೆ ವಾಯುವ್ಯದಲ್ಲಿ ತಡವಾಗಿ ವೇತನವಾಗುತ್ತಿತ್ತು. ಭರತ್‌ ಅವರು ಅಧಿಕಾರ ವಹಿಸಿಕೊಂಡ ಮೇಲೆ ಪ್ರತಿ ತಿಂಗಳೂ 10 ನೇ ತಾರೀಖಿಗೆ ವೇತನ ಆಗುತ್ತಿದೆ. ಹಾಗೆ ಮುಂದೆ ಎರಡು ನಿಗಮಗಳಲ್ಲಿ (ಕೆಕೆಆರ್‌ಟಿಸಿ ಹಾಗೂ ಕೆಎಸ್‌ಆರ್‌ಟಿಸಿ) ಆಗಿರುವಂತೆ ನಮ್ಮ ನಿಗಮದಲ್ಲೂ ಮುಷ್ಕರದ ವೇಳೆ ಆಗಿರುವ ಕೆಲವೊಂದು ಪ್ರಕರಣಗಣನ್ನು ಇತ್ಯರ್ಥಪಡಿಸುವ ನಿಟ್ಟಿನಲ್ಲಿ ಕ್ರಮ ಕೈಗೊಂಡಿರುವುದು ನಮಗೂ ಸಂತಸ ತಂದಿದೆ.
ಇನ್ನು ನಮ್ಮ ಸಮಸ್ತ ನಾಲ್ಕೂ ನಿಗಮಗಳ ನೌಕರರ ಪರವಾಗಿ ವೇತನ ಆಯೋಗದ ಮಾದರಿಯಲ್ಲಿ ಸರಿ ಸಮಾನ ವೇತನ ನೀಡಬೇಕು ಎಂಬ ನಮ್ಮ ಬೇಡಿಕೆಯನ್ನು ಸರ್ಕಾರಕ್ಕೆ ಮನವರಿಕೆ ಮಾಡಿಕೊಡುವ ಮೂಲಕ ನೌಕರರಿಗೆ ಒಳ್ಳೇದು ಮಾಡುತ್ತಾರೆ ಎಂಬ ಭರವಸೆ ನೌಕರರ ಕೂಟಕ್ಕೆ ಇದೆ. ಹೀಗಾಗಿ ನಮ್ಮ ನ್ಯಾಯಯುತ ಹೋರಾಟದ ಬಗ್ಗೆ ವ್ಯವಸ್ಥಾಪಕ ನಿರ್ದೇಶಕರು ಸರ್ಕಾರದ ಕಣ್ಣು ತೆರೆಸುತ್ತಾರೆ ಎಂದು ನಾವು ನಂಬಿದ್ದೇವೆ.
ಇದಿಷ್ಟೇ ಅಲ್ಲದೆ ನಮ್ಮ ನೌಕರರ ಪರವಾಗಿ ಮತ್ತು ಸಂಸ್ಥೆಯ ಪರವಾಗಿ ಒಳ್ಳೆಯ ಯೋಜನೆಗಳನ್ನು ರೂಪಿಸುತ್ತಿದ್ದೂ, ಇಂತಹ ವ್ಯವಸ್ಥಾಪಕ ನಿರ್ದೇಶಕರು ಸಿಕ್ಕಿದ್ದು ಕೂಡ ನಮ್ಮ ಪುಣ್ಯ. ಹಾಗೆಯೇ ನಮ್ಮ ವಾಯುವ್ಯ ನೌಕರರ ಕೂಟ ನೌಕರರು ಅನುಭವಿಸುತ್ತಿರುವ ಹಲವು ಸಮಸ್ಯೆಗಳನ್ನು ವಿವರವಾಗಿ ತಿಳಿಸಿದಾಗ ಅತ್ಯಂತ ಕಾಳಜಿಯಿಂದ ಅವರೇ ಖುದ್ದಾಗಿ ನಿಂತು ಸಮಸ್ಯೆಗಳನ್ನು ಬಗೆಹರಿಸಿ ಕೊಟ್ಟಿದ್ದಾರೆ. ಹೀಗಾಗಿ ಅವರಿಗೆ ನಮ್ಮ ವಾಯುವ್ಯ ನೌಕರರ ಕೂಟದ ಪರವಾಗಿ ಹೃದಯದ ಪೂರ್ವಕ ಧನ್ಯವಾದಗಳು.
l ಜಾಹೀರಾತು
