ರಾಮನಗರ: ಜಿಲ್ಲೆಯಲ್ಲಿ ಕರೋನಾ ವೈರಸ್ ಶಂಕೆಯಿಂದ ಆಸ್ಪತ್ರೆಗೆ ದಾಖಲಾಗಿದ್ದ ಇಬ್ಬರ ಪರೀಕ್ಷಾ ವರದಿ ಬಂದಿದ್ದು, ಇಬ್ಬರದ್ದೂ ನೆಗೆಟೀವ್ ಆಗಿದೆ. ಹೀಗಾಗಿ ನಗರದ ಜನತೆ ಆತಂಕ ಪಡುವ ಅಗತ್ಯವಿಲ್ಲ ಎಂದು ಜಿಲ್ಲಾಧಿಕಾರಿ ಎಂ.ಎಸ್. ಅರ್ಚನಾ ತಿಳಿಸಿದರು.
ಚನ್ನಪಟ್ಟಣದ 22 ವರ್ಷದ ಯುವತಿ ಜರ್ಮನಿಯಿಂದ 4 ದಿನಗಳ ಹಿಂದೆ ರಾಮನಗರಕ್ಕೆ ಬಂದಿದ್ದರು. ಜ್ವರ ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ಅವರು ಆಸ್ಪತ್ರೆಗೆ ದಾಖಲಾಗಿದ್ದರು. ಇವರ ಗಂಟಲಿನ ದ್ರವವನ್ನು ಪರೀಕ್ಷೆಗೆ ಕಳುಹಿಸಲಾಗಿತ್ತು. ಅದರ ವರದಿ ಇಂದು ಬಂದಿದ್ದು ನೆಗೆಟೀವ್ ಆಗಿದೆ ಎಂದರು.
ಹಾಗೆಯೇ, ಇತ್ತೀಚೆಗೆ ಇಂಡೋನೇಷಿಯಾ ಮತ್ತು ಬಾಲಿಗೆ ಭೇಟಿ ನೀಡಿ ಮಾಗಡಿಗೆ ಮರಳಿದ್ದ 33 ವರ್ಷದ ಯುವಕ ಅವರು ಜ್ವರ ಮತ್ತು ಕೆಮ್ಮಿನಿಂದ ಮಾಗಡಿ ಆಸ್ಪತ್ರೆಗೆ ದಾಖಲಾಗಿದ್ದರು. ಇವರ ವರದಿ ಸಹ ನೆಗೆಟೀವ್ ಆಗಿದೆ ಎಂದು ತಿಳಿಸಿದರು.
![](https://vijayapatha.in/wp-content/uploads/2024/02/QR-Code-VP-1-1-300x62.png)