ವಿಜಯಪಥ ಸಮಗ್ರ ಸುದ್ದಿ
ಹೊಸಪೇಟೆ: ಕಾರ್ಯಕ್ರಮ ಒಂದರಲ್ಲಿ ಭಾಗವಹಿಸಿದ್ದ ವಕೀಲರೊಬ್ಬರನ್ನು ಹಾಡಹಲವೆ ಕೊಚ್ಚಿ ಕೊಲೆ ಮಾಡಿರುವ ಘಟನೆ ಹೊಸಪೇಟೆಯ ನ್ಯಾಯಾಲಯದ ಆವಣದಲ್ಲಿ ಇಂದು ನಡೆದಿದ್ದು ಜನರು ಭಯಭೀತರಾಗಿದ್ದಾರೆ.
ತಾಲೂಕಿನ ತಾರಿಹಳ್ಳಿ ಹನುಮಂತಪ್ಪ ಎಂಬ ವಕೀಲರೆ ಕೊಲೆಯಾದವರು. ಹನುಮಂತಪ್ಪ ಕುಟುಂಬದ ಸಂಬಂಧಿಕರ ಮಗನಿಂದಲೇ ಈ ಹತ್ಯೆಯಾಗಿದೆ ಎಂದು ಹೇಳಲಾಗುತ್ತಿದೆ.
ಆದರೆ ಹತ್ಯೆ ಮಾಡಿವರ ಬಗ್ಗೆ ಇನ್ನು ನಿಖರವಾದ ಮಾಹಿತಿ ಸಿಕ್ಕಿಲ್ಲ. ವಿಷಯ ತಿಳಿದ ಪೊಲೀಸರು ಕೂಡಲೇ ಸ್ಥಳಕ್ಕಾಗಮಿಸಿ ಹತ್ಯೆಕೋರನ ಬಗ್ಗೆ ಮಾಹಿತಿ ಕಲೆಹಾಕುತ್ತಿದ್ದಾರೆ.
ಕೋರ್ಟ್‌ ಆವರಣದಲ್ಲಿ ನಡೆಯುತ್ತಿದ್ದ ಕಾರ್ಯಮದಲ್ಲೇ ವಕೀಲ ತಾರಿಹಳ್ಳಿ ಹನುಮಂತಪ್ಪ ಅವರನ್ನು ಏಕಾಏಕಿ ಲಾಂಗ್‌ ಹಿಡಿದುಕೊಂಡ ಬಂದ ಯುವಕ ಯಾರು ಎಂದು ತಿರುಗಿ ನೋಡುವಷ್ಟರಲ್ಲಿ ಲಾಂಗ್‌ ಬೀಸಿ ಕುತ್ತಿಗೆ ಮತ್ತು ಮುಖವನ್ನು ಕೊಚ್ಚಿದ್ದಾನೆ. ಈ ವೇಳೆ ಭಯಭೀತರಾದ ಸ್ಥಳದಲ್ಲಿದ್ದ ಜನರು ಚಲ್ಲಾಪಿಲ್ಲಿಯಾಗಿ ಓಡಿ ಹೋಗಿದ್ದಾರೆ.
ಸಿನಿಮಾ ಶೈಲಿಯಲ್ಲಿ ಕ್ಷಣ ಮಾತ್ರದಲ್ಲಿ ವಕೀಲರನ್ನು ಕೊಚ್ಚಿ ಕೊಲೆಮಾಡಿದ ಆತ ಲಾಂಗನ್ನು ಸ್ಥಳದಲ್ಲೆ ಬಿಸಾಕಿ ಓಡಿಹೋಗಿದ್ದಾನೆ.
ಇನ್ನು ವಕೀಲರ ಹತ್ಯೆಯಾಗಿರುವ ವಿಷಯ ತಿಳಿದ ಸಂಬಂಧಿಕರ ಆಕ್ರಂಧನ ಮುಗಿಲು ಮುಟ್ಟುವಂತ್ತಿತ್ತು. ಬೆಳಗ್ಗೆ ತಾನೆ ಮನೆಯಿಂದ ಹೊರಡುವಾಗ ಬೇಗ ಮನೆಗೆ ಬರುತ್ತೇನೆ ಎಂದು ಹೇಳಿಹೋದ ಹನುಮಂತಪ್ಪ ಈಗ ಹೆಣವಾಗಿದ್ದಾನೆ ಎಂದು ಗೋಳಾಡುತ್ತಿದ್ದ ದೃಶ್ಯ ಮನಕಲಕುವಂತಿತ್ತು.
