ವಿಜಯಪಥ ಸಮಗ್ರ ಸುದ್ದಿ
ಬೆಂಗಳೂರು: ಮದುಯಾದ 9 ವರ್ಷದ ಬಳಿಕ ಮಗುಪಡೆದ ದಂಪತಿ ಖುಷಿಯಿಂದ ಇರಬೇಕಾದ ಹೊತ್ತಲ್ಲೇ ನಾಗಮಂಗಲದಲ್ಲಿ ಕೊರೊನಾ ಸೋಂಕಿನಿಂದ ಮೃತಪಟ್ಟರು. ಈಗ ಮಗು ಅನಾಥವಾದ ವಿಷಯ ತಿಳಿದ ಮಾಜಿ ಮುಖ್ಯಮಂತ್ರಿ ಎಚ್‌.ಡಿ.ಕುಮಾರಸ್ವಾಮಿ ಕಂಬನಿ ಮಿಡಿದಿದ್ದಾರೆ.
ಸೋಮವಾರ ಕೋವಿಡ್‌ ಸ್ಥಿತಿಗತಿ, ಲಸಿಕೆ ಪೂರೈಕೆ ಮೊದಲಾದ ವಿಷಯಗಳ ಕುರಿತು ತಮ್ಮ ಪಕ್ಷದ ಶಾಸಕರಿಂದ ಮಾಹಿತಿ ಪಡೆದ ಅವರು, ಶಾಸಕ ಸುರೇಶ್‌ ಗೌಡ ಅವರಿಂದ ನಾಗಮಂಗಲದ ದಂಪತಿ ಕೋವಿಡ್‌ನಿಂದ ಅಸುಣಿಗಿದ ವಿಷಯ ತಿಳಿದು ಬೇಸರ ವ್ಯಕ್ತಪಡಿಸಿದರು.
ದಂಪತಿಗೆ ಆಸ್ಪತ್ರೆ ವ್ಯವಸ್ಥೆ ಮಾಡಿದ್ದು, ಚಿಕಿತ್ಸೆ ಕಲ್ಪಿಸಿದ ಪ್ರಯತ್ನಗಳ ಬಗ್ಗೆ ಶಾಸಕ ಸುರೇಶ್‌ಗೌಡ ವಿವರಿಸಿದರು. ಆದರೂ ಅವರ ಪ್ರಾಣ ಉಳಿಸಲು ಸಾಧ್ಯವಾಗದ್ದಕ್ಕೆ ಸುರೇಶ್‌ಗೌಡ ಮರುಗಿದರು.
