ಹೈದರಾಬಾದ್ : ತೆಲಂಗಾಣ ರಾಜ್ಯದ ರಸ್ತೆ ಸಾರಿಗೆ ಸಂಸ್ಥೆಯ ವ್ಯವಸ್ಥಾಪಕ ನಿರ್ದೇಶಕರಾಗಿ 1996 ಬ್ಯಾಚ್‌ನ ಐಪಿಎಸ್ ಅಧಿಕಾರಿ ಕನ್ನಡಿಗರಾದ ವಿಶ್ವನಾಥ. ಸಿ. ಸಜ್ಜನರ್ ಅವರನ್ನು ಬುಧವಾರ ರಾಜ್ಯ ಸರ್ಕಾರ ನೇಮಕ ಮಾಡಿ ಆದೇಶ ಹೊರಡಿಸಿದೆ.
ಸರ್ಕಾರದ ಮುಖ್ಯಕಾರ್ಯದರ್ಶಿ ಸೋಮೇಶ ಕುಮಾರ್‌ ವರ್ಗಾವಣೆ ಮಾಡಿ ಆದೇಶ ಹೊರಡಿಸಿದ್ದಾರೆ.
ಸಜ್ಜನರ ಅವರ ಸೇವೆ ಗುರುತಿಸಿ ಸಾರಿಗೆ ಇಲಾಖೆಯಲ್ಲಿ ಒಳ್ಳೆಯ ಸೇವೆ ಮಾಡುತ್ತಾರೆ ಎಂಬ ಉದ್ದೇಶದಿಂದ ಎಂಡಿ ಆಗಿ ನೇಮಕ ಮಾಡಲಾಗಿದೆ.
ಸಜ್ಜನರ ಅವರು ಮೂಲತ ಕರ್ನಾಟಕದವರು. ಹುಬ್ಬಳ್ಳಿಯ ನಿವಾಸಿ. ತೆಲಂಗಾಣ ರಾಜ್ಯದ ಪೊಲೀಸ್‌ ಇಲಾಖೆಯಲ್ಲಿ ಒಳ್ಳೆಯ ಹೆಸರು ಮಾಡಿರುವ ಕನ್ನಡಿಗರಲ್ಲಿ ಇವರೂ ಒಬ್ಬರು. ವರಂಗಲ ಹಾಗೂ ಹೈದರಾಬಾದನಲ್ಲಿ ನಡೆದ ಮಹಿಳೆಯರ ಮೇಲೆ ಆತ್ಯಾಚಾರ ಪ್ರಕರಣ ಕಾಮುಕರನ್ನು ಸ್ಥಳದಲ್ಲಿಯೇ ಎನ್ಕೌಂಟರ ಮಾಡಿ ನ್ಯಾಯ ಒದಗಿಸಿದ ಹೆಮ್ಮೆಯ ಅಧಿಕಾರಿ ಎನ್ನಿಸಿಕೊಂಡವರು.
ಪೊಲೀಸ ಇಲಾಖೆಯಲ್ಲಿ ಈ ತರಹ ಅಧಿಕಾರಿಗಳು ಇದ್ದರೆ ಸಮಾಜದಲ್ಲಿ ಯಾವುದೇ ಅಪರಾಧಗಳು ಜರುಗುವುದಿಲ್ಲ ಎಂಬ ಸಂದೇಶವನ್ನು ನೀಡಿದ ಖಡಕ್‌ ಅಧಿಕಾರಿಗೆ ದೇಶಾದ್ಯಂತ ಜೈಕಾರ ಹಾಕಿದರು ಜನ ಸಾಮಾನ್ಯರು.4 ಎನ್‌ಕೌಂಟರ್‌ ಇಡೀ ದೇಶದಲ್ಲಿ ಸಂಚಲನ ಮೂಡಿದರು.
ಸಜ್ಜನರ ಅವರು ಎಎಸ್‌ಪಿ ಆಗಿ ಮೊದಲ ಸೇವೆ ಆರಂಭಿಸಿ ಅನೇಕ ಸ್ಥಳಗಳಲ್ಲಿ ನ್ಯಾಯಯುತ್ತವಾಗಿ ಸೇವೆ ಮಾಡಿರುವ ಹೆಗ್ಗಳಿಕೆ ಪಾತ್ರರಾಗಿದ್ದಾರೆ. ಕಡಪ, ವರಂಗಲ, ಜಿಲ್ಲೆಯಲ್ಲಿ ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿಯಾಗಿ ಸೇವೆ ಮಾಡಿ. ತೆಲಂಗಾಣ ರಾಜ್ಯ ನಿರ್ಮಾಣದ ನಂತರ ಮೊದಲ ಇಂಟಲಿಜನ್ಸ ಐಜಿಯಾಗಿ ನಾಲ್ಕು ವರ್ಷ ಹಾಗೂ ಸೈಬರಾಬಾದ ಪೊಲೀಸ್‌ ಆಯುಕ್ತರಾಗಿ ಮೂರುವರೆ ವರ್ಷ ಸೇವೆಯನ್ನು ಮಾಡಿ ಉತ್ತಮ ಅಧಿಕಾರಿ ಎಂಬ ಸರ್ಕಾರದ ಪ್ರಶಸ್ತಿಗೆ ಪಾತ್ರರಾದ್ದರು.
ಇನ್ನು ಬುಧವಾರ (ಆ.25) ತೆಲಂಗಾಣ ರಾಜ್ಯದ ಆರ್‌ಟಿಸಿ. ಎಂಡಿ ಆಗಿ ಸರ್ಕಾರ ನೇಮಮಾಡಿ ಆದೇಶ ಹೊರಡಿಸಿದೆ.
ತೆಲಂಗಾಣ ರಾಜ್ಯದ ಸಾರಿಗೆ ಎಂಡಿ ಆಗಿ ನೇಮಕವಾಗಿರುವ ವಿಶ್ವನಾಥ ಸಜ್ಜನರ ಐಪಿಎಸ್ ಅವರನ್ನು ಹೈದರಾಬಾದನ ಕನ್ನಡಿಗರ ಕಲ್ಯಾಣ ಅಭಿವೃದ್ದಿ ಸಂಘಟನೆಯು ಹರ್ಷ ವ್ಯಕ್ತಪಡಿಸಿವೆ. ನೇಮಕಕ್ಕೆ ಅನೀಲಕುಮಾರ ಪಾಟೀಲ್‌, ಧರ‍್ಮೇಂದ್ರ ಪೂಜಾರಿ ಬಗ್ದೂರಿ, ಸಂತೋಷ ಪಾಟೀಲ, ನಾಗನಾಥ ಮಾಶೆಟ್ಟಿ, ಪ್ರದೀಪಕುಮಾರ ಚಿಂಚೆನಸೂರೆ, ಪ್ರದೀಪ ವಾತಡೆ, ಗಣೇಶ ಚಿಂಚೋಳಿ, ಶಿವಕಾಂತ ಸ್ವಾಮಿ. ಅನೇಕ ಕನ್ನಡಿಗರು ಅಭಿನಂದಿಸಿದ್ದಾರೆ.
