ರಾಯಚೂರು: ಸಾರಿಗೆ ಮತ್ತು ಪರಿಶಿಷ್ಟ ಪಂಗಡಗಳ ಕಲ್ಯಾಣ ಸಚಿವ ಬಿ.ಶ್ರೀರಾಮಲು ಎರಡು ದಿನದ ಜಿಲ್ಲಾ ಪ್ರವಾಸ ಕೈಗೊಂಡಿದ್ದು, ಇಂದು ಸಿಂಧನೂರಿನಲ್ಲಿ ಬೆಳಗಿನ ವಾಯು ವಿಹಾರಕ್ಕೆ ತೆರಳಿದ ವೇಳೆ ರಸ್ತೆ ಮಾರ್ಗದಲ್ಲಿ ಸಾರಿಗೆ ಇಲಾಖೆಯ ಚಾಲಕ ಮತ್ತು ನಿರ್ವಾಹಕರನ್ನು ಮಾತನಾಡಿಸಿದರು.
ನಂತರ ಅವರ ಅಹವಾಲನ್ನು ಆಲಿಸುವ ಮೂಲಕ ಸಂತಸ ವ್ಯಕ್ತಪಡಿಸಿದ್ದಾರೆ.
ಸಚಿವರು ಬಸ್‌ ಬಳಿ ಬಂದು ಮಾತನಾಡಿಸುತ್ತಿದ್ದಂತೆ ಸಂತಸಗೊಂಡ ಚಾಲಕ ಮತ್ತು ನಿರ್ವಾಹಕರು ನಮ್ಮ ಸಮಸ್ಯೆಗೆ ಸ್ಪಂದಿಸಿ ಸ್ವಾಮಿ ಎಂದು ಕೈ ಮುಗಿದು ಮನವಿ ಮಾಡಿದರು.
ಸಾರಿಗೆ ನೌಕರರ ಕಷ್ಟವನ್ನು ಅತೀ ಶೀಘ್ರದಲ್ಲೇ ಸಾಧ್ಯವಾದಷ್ಟು ಪರಿಹರಿಸುತ್ತೇನೆ ನೀವು ಯಾವುದೆ ಆತಂಕ ಪಡಬೇಡಿ ಎಂದು ಭರವಸೆ ನೀಡಿದರು.
ಅ.7ರಂದೇ ಸಿಂಧನೂರಿಗೆ ಆಗಮಿಸಿದ ಸಚಿವರು ಅಲ್ಲೇ ವಾಸ್ತವ್ಯ ಹೂಡಿದ್ದರು. ಅ.8ರ ಬೆಳಗ್ಗೆ 10ಗಂಟೆಗೆ ಸಿಂಧನೂರಿನ ಮೆಟ್ರಿಕ್ ನಂತರದ ಬಾಲಕಿಯರ ವಿದ್ಯಾರ್ಥಿ ನಿಲಯ ಲೋಕಾರ್ಪಣೆ ಮತ್ತು ವಿದ್ಯಾರ್ಥಿಗಳೊಂದಿಗೆ ಸಂವಾದ. ನಡೆಸಿದರು.
11.30ಕ್ಕೆ ಮಸ್ಕಿ ಮೆಟ್ರಿಕ್ ನಂತರದ ಬಾಲಕಿಯರ ವಿದ್ಯಾರ್ಥಿ ನಿಲಯ ಲೋಕಾರ್ಪಣೆ ಮಾಡುವರು.
ಮಧ್ಯಾಹ್ನ 12.45ಕ್ಕೆ ನದಲಕಲ್ಲು, ಕವಿತಾಳ ಮೊರಾರ್ಜಿ ದೇಸಾಯಿ, ಸಿರವಾರ ಕಿತ್ತೂರು ರಾಣಿ ಚೆನ್ನಮ್ಮ ಹಾಗೂ ಮಲ್ಲಟದಲ್ಲಿರುವ ಇಂದಿರಾ ಗಾಂಧಿ ವಸತಿ ಶಾಲೆಗಳ ಲೋಕಾರ್ಪಣೆ .
ಮಧ್ಯಾಹ್ನ 3.30ಗಂಟೆಗೆ ರಾಯಚೂರು ನಗರದ ಸಮೃದ್ಧಿ ಯೋಜನೆಯಡಿ ಫಲಾನುಭವಿಯ ಬ್ಲಾಕ್ ಬ್ರಡ್ ಬಟ್ಟೆ ಅಂಗಡಿ ಹಾಗೂ ಆರೋಗ್ಯ ಆರ್ಗಾನಿಕ್ ಸ್ಟೋರ್ ಉದ್ಘಾಟನೆ ಹಾಗೂ 4ಗಂಟೆಗೆ ನಗರದ ವಾಲ್ಮೀಕಿ ಭವನ ಲೋಕಾರ್ಪಣೆ.
4.30ಕ್ಕೆ ನಗರದ ಗ್ರೀನ್ ಪ್ಯಾಲೇಸ್ ಸಭಾಂಗಣದಲ್ಲಿ ಪರಿಶಿಷ್ಟ ವರ್ಗಗಳ ಕಲ್ಯಾಣ ಇಲಾಖೆ ಮತ್ತು ಮಹರ್ಷಿ ವಾಲ್ಮೀಕಿ ಪರಿಶಿಷ್ಟ ಪಂಗಡ ಅಭಿವೃದ್ಧಿ ನಿಗಮದ ವತಿಯಿಂದ ವಿವಿಧ ಯೋಜನೆಗಳಡಿ ಆಯ್ಕೆಯಾಗಿರುವ ಫಲಾನುಭವಿಗಳಿಗೆ ಸವಲತ್ತು ವಿತರಣೆ ಕಾರ್ಯಕ್ರಮ.
ಸಂಜೆ 6ಗಂಟೆಗೆ ನಗರದಿಂದ ರಸ್ತೆ ಮಾರ್ಗವಾಗಿ ಯಾದಗಿರಿ ಜಿಲ್ಲೆಗೆ ತೆರಳುವರು ಎಂದು ಸಚಿವರ ಆಪ್ತ ಕಾರ್ಯದರ್ಶಿ ತಿಳಿಸಿದ್ದಾರೆ.
ಇಂದು ಸಿಂಧನೂರಿನಲ್ಲಿ ಬೆಳಗಿನ ವಾಯು ವಿಹಾರಕ್ಕೆ ತೆರಳಿದ ವೇಳೆ ರಸ್ತೆ ಮಾರ್ಗದಲ್ಲಿ ಸಾರಿಗೆ ಇಲಾಖೆಯ ಚಾಲಕ ಮತ್ತು ನಿರ್ವಾಹಕರನ್ನ ಮಾತನಾಡಿಸಿದ್ದು ಸಂತಸವಾಯಿತು.ನಂತರ ಅವರ ಅಹವಾಲನ್ನು ಆಲಿಸಿಸಲಾಯಿತು. pic.twitter.com/SO0Nh98imu
— B Sriramulu (@sriramulubjp) October 8, 2021
