ಚೆನ್ನೈ: ತಮಿಳು ಸೂಪರ್‌ಸ್ಟಾರ್‌ ರಜನಿಕಾಂತ್‌ ಅಭಿನಯದ ಸಿನಿಮಾ “ಅಣ್ಣಾತೆ” ಗುರುವಾರ ತೆರೆಕಂಡಿದ್ದು, ಚಿತ್ರ ಯಶಸ್ಸು ಕಾಣಲೆಂದು ಪ್ರಾರ್ಥಿಸಿ ಅಭಿಮಾನಿ ತಮ್ಮ ಹೋಟೆಲ್‌ನಲ್ಲಿ ದೋಸೆಯನ್ನು 1 ರೂ.ಗೆ ಕೊಟ್ಟಿದ್ದಾನೆ.
ತಮಿಳುನಾಡಿನ ತ್ರಿಚಿ ಜಿಲ್ಲೆಯ ರಜನಿ ಅಭಿಮಾನಿಗಳ ಬಳಗದ ಕಾರ್ಯದರ್ಶಿ ಕರ್ಣನ್‌ ದೋಸೆಯನ್ನು 1 ರೂಪಾಯಿಗೆ ಗ್ರಾಹಕರಿಗೆ ಕೊಟ್ಟ ಅಭಿಮಾನಿ. ದೋಸೆಗೆ “ಅಣ್ಣಾತೆ ದೋಸೆ” ಎಂದೇ ಹೆಸರಿಟ್ಟು ಮಾರುತ್ತಿದ್ದಾರೆ. ಆ ಮೂಲಕ ಸಿನಿಮಾ ಪ್ರಚಾರ ಕೂಡ ಮಾಡಿದಂತಾಗುತ್ತಿದೆ.
ಹೆಚ್ಚೆಚ್ಚು ಮಂದಿ ಚಿತ್ರಮಂದಿರಗಳಿಗೆ ತೆರಳಿ ಸಿನಿಮಾ ನೋಡಲಿ. ಸಿನಿಮಾ ಹಿಟ್‌ ಆಗಲಿ ಎಂದು ರಜನಿಕಾಂತ್‌ ಅಭಿಮಾನಿ ಕರ್ಣನ್‌ ಹಾರೈಸಿದ್ದಾರೆ.
ಅಣ್ಣಾತೆ ಸಿನಿಮಾ ಇಂದು ತೆರೆ ಕಂಡಿದೆ. ಸಿರುತೈ ಶಿವ ಸಿನಿಮಾ ನಿರ್ದೇಶನ ಮಾಡಿದ್ದಾರೆ. ಸಿನಿಮಾದಲ್ಲಿ ಖುಷ್ಬು, ಮೀನಾ, ಪ್ರಕಾಶ್‌ ರಾಜ್‌, ಸತೀಶ್‌ ಮತ್ತು ಸೂರಿ ತಾರಾ ಬಳಗವಿದೆ.
