ಮಂಡ್ಯ: ಬಸ್ ಹತ್ತಲು ಬಂದ ವೇಳೆ ವೇಗವಾಗಿ ಬಂದ ಬಸ್ ಡಿಕ್ಕಿ ಹೊಡೆದ ಪರಿಣಾಮ ಹಿಂಬದಿ ಚಕ್ರಕ್ಕೆ ಸಿಲುಕಿ ಮಹಿಳೆಯೊಬ್ಬರು ಸ್ಥಳದಲ್ಲೇ ಮೃತಪಟ್ವಿರುವ ಘಟನೆ ಮಂಡ್ಯದ ಸಾರಿಗೆ ಬಸ್ ನಿಲ್ದಾಣದಲ್ಲಿ ನಡೆದಿದೆ.
ಬೆಂಗಳೂರು ಮೂಲದ ಪೂಜಾ ಎಂಬುವರೆ ಮೃತಪಟ್ಟ ಮಹಿಳೆ. ಮಹಿಳೆ ನಿಲ್ದಾಣಕ್ಕೆ ಬರುತ್ತದ್ದ ಬಸ್ ವೇಗವಾಗಿ ತಿರುವು ಪಡೆದುಕೊಂಡಿದ್ದು ಈ ವೇಳೆ ಮಹಿಳೆಗೆ ಡಿಕ್ಕಿ ಹೊಡೆದಿದೆ. ಈ ವೇಳೆ ಅವರು ಬಿದಿದ್ದು, ಹಿಂಬದಿ ಚಕ್ರ ಹರಿದಿದೆ ಎನ್ನಲಾಗಿದೆ.
ಘಟನೆಯಿಂದ ಆಕೆ ಸ್ಥಳದಲ್ಲೇ ಮೃತಪಟ್ಟಿದ್ದು, ವಿಷಯ ತಿಳಿಯುತ್ತಿದ್ದಂತೆ ಸ್ಥಳಕ್ಕೆ ಮಂಡ್ಯ ಸಂಚಾರಿ ಠಾಣೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿ ಮುಂದಿನ ಕ್ರಮ ತೆಗೆದುಕೊಂಡಿದ್ದಾರೆ.
ಇನ್ನು ಬಸ್ ನಿಲ್ದಾಣಕ್ಕೆ ಬರುತಿರುವುದು ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ಅತಿ ವೇಗವಾಗಿ ನಿಲ್ದಾಣಕ್ಕೆ ಬಸ್ ಬರುತಿರುವಂತೆ ಕಾಣಿಸುತ್ತಿದೆ. ಈ ವೇಳೆ ನಿಲ್ದಾಣದಲ್ಲಿ ನಿಂತಿದ್ದ ಮಹಿಳೆಗೆ ಡಿಕ್ಕಿ ಹೊಡೆದಂತೆ ಕಂಡು ಬರುತ್ತಿದ್ದು, ಈ ಬಗ್ಗೆ ಪೊಲೀಸರು ಕೂಲಂಕಶವಾಗಿ ಪರಿಶೀಲಿಸಿದರೆ ಸತ್ಯ ವೇನೆಂಬುವುದು ತಿಳಿಯಲಿದೆ.
ಸಿಸಿ ಕ್ಯಾಮರಾದ ದೃಶ್ಯವನ್ನು ನೋಡಿದರೆ ಚಾಲಕನ ನಿಲಕ್ಷ್ಯ ಮತ್ತು ಅತಿಯಾದ ವೇಗದ ಚಾಲನೆಯಿಂದ ಈ ಅಪಘಾತ ನಡೆದಿರುವಂತೆ ಕಂಡು ಬರುತ್ತಿದೆ.
