ವಿಜಯಪುರ: ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ನಿಗಮದ ವಿಜಯಪುರ ವಿಭಾಗದಲ್ಲಿ ನಡೆದಿರುವ ಭ್ರಷ್ಟಾರ, ದುರಾಡಳಿತ, ಜಾತೀಯತೆ ಹಾಗೂ ಸಂಸ್ಥೆಗೆ ಸುಮಾರು 2 ಕೋಟಿ ರೂ.ಗಳಷ್ಟು ಬರುವ ಆದಾಯ ಕುಂಟಿತಗೊಳಿಸಿರುವ ಅಧಿಕಾರಿಗಳನ್ನು ಕೂಡಲೇ ಅಮಾನತು ಮಾಡಬೇಕು ಎಂದು ಭಾರತೀಯ ಜನತಾ ಪಕ್ಷದ ವಿಜಯಪುರ ಅಲ್ಪ ಸಂಖ್ಯಾತರ ಮೋರ್ಚಾದ ಮಾಜಿ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಬಿ.ಎನ್. ಹುಂಡೇಕರ ಒತ್ತಾಯಿಸಿದ್ದಾರೆ.
ನಿರ್ಗಮಿತ ಕಾರ್ಮಿಕ ವಿರೋಧಿ ಅಧಿಕಾರಿ ನಾರಾಯಣಪ್ಪ ಕುರಬರ, ವಿಭಾಗೀಯ ಸಂಚಾರಿ ಅಧಿಕಾರಿ ದೇವಾನಂದ ಬಿರಾದಾರ ಹಾಗೂ ವಿಷಯ ನಿರ್ವಾಹಕ ಶ್ರೀಕಾಂತ ಕೊಪ್ಪಳ ಅವರು ಸೇರಿ ಸಂಸ್ಥೆಗೆ ನಷ್ಟ ಮಾಡಿರುವ ಬಗ್ಗೆ ಈ ಮೂವರು ಅಧಿಕಾರಿಗಳ ವಿರುದ್ಧ ದೂರನ್ನು ದಾಖಲು ಮಾಡಲಾಗಿದೆ.
ಈ ಮೂರು ಜನ ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ನಿಗಮದ ಅಧಿಕಾರಿಗಳನ್ನು ದೂರಿನಲ್ಲಿರುವ ಅಂಶಗಳ ಕುರಿತು ನಿಷ್ಪಕ್ಷವಾಗಿ ತನಿಖೆ ನಡೆಸಿ ವರದಿ ಸಲ್ಲಿಸಲು ತಂಡವನ್ನು ರಚನೆ ಮಾಡಿರುತ್ತೀರಿ.
ಆ ತಂಡದ ಅಧಿಕಾರಿಗಳು ಸುಮಾರು 2 ದಿನಗಳಂತೆ 2 ಸಲ ವಿಜಯಪುರ ವಿಭಾಗಕ್ಕೆ ಬಂದು ನನಗೆ ಹಾಗೂ ಇನ್ನುಳಿದ ದೂರುದಾರರಿಗೆ ವಿಚಾರಣೆ ಮಾಡಿ ನಮ್ಮಿಂದ ಹೇಳಿಕೆಯನ್ನು ಸಹ ಪಡೆದಿದ್ದಾರೆ.
ದೂರಿನಲ್ಲಿರುವ ಎಲ್ಲಾ ಅಂಶಗಳು ಸಾಕ್ಷಿ ಸಮೇತವಾಗಿ ರುಜುವಾತು ಆಗಿವೆ. ಆದರೆ ತಪ್ಪಿತಸ್ಥರು ಸಾಕ್ಷಿದಾರರಿಗೆ ಹೆದರಿಸುವ ಕೆಲಸವನ್ನು ಮಾಡುತ್ತಿದ್ದಾರೆ.
ಆದ್ದರಿಂದ ಎಂಡಿ ಅವರಲ್ಲಿ ವಿನಂತಿಸಿಕೊಳ್ಳುವುದೇನೆಂದರೆ, ಮಧ್ಯತರ ವರದಿ ತರಿಸಿ ತಪ್ಪಿತಸ್ತರನ್ನು ನಡತೆ ಮತ್ತು ಶಿಸ್ತು ನಿಯಮಗಳ ಪ್ರಕಾರ ಈ ಕೊಡಲೇ ಜಾರಿಗೆ ಬರುವಂತೆ ಅಮಾನತು ಮಾಡಿ ಮುಂದಿನ ಸಂಪೂರ್ಣ ತನಿಖೆ ಮಾಡಲು ಆದೇಶಿಸಲು ಸಮಸ್ತ ನೊಂದ ಕಾರ್ಮಿಕರ ಪರವಾಗಿ ಬೇಡಿಕೊಳ್ಳುತ್ತಿದ್ದೇನೆ.
ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ, ಸಾರಿಗೆ ಇಲಾಖೆ ಪ್ರಧಾನ ಕಾರ್ಯದರ್ಶಿ ರಾಜೇಂದ್ರಕುಮಾರ ಕಠಾರಿಯಾ, ಕೆಎಸ್‌ಆರ್‌ಟಿಸಿ ವ್ಯವಸ್ಥಾಪಕ ನಿರ್ದೇಶಕ ಶಿವಯೋಗಿ ಕಳಸದ ಅವರಲ್ಲೂ ಬಿ.ಎನ್. ಹುಂಡೇಕರ ಮನವಿ ಮಾಡಿದ್ದಾರೆ.
