ಬೆಂಗಳೂರು: ಶಾಸಕ ಎಂಪಿ ರೇಣಕಾಚಾರ್ಯ ಅವರಿಗೆ ವೈಯಕ್ತಿಕ ಶಿಸ್ತೆ ಇಲ್ಲ. ಇಂಥವರ ಬಗ್ಗೆ ಹೇಳಿಕೆ ಕೊಡೋದು ಸರಿಯಲ್ಲ ಎಂದು ಕೋಡಿಹಳ್ಳಿ ಚಂದ್ರಶೇಖರ್‌ ವಾಗ್ದಾಳಿ ನಡೆಸಿದ್ದಾರೆ.
ಕೋಡಿಹಳ್ಳಿ ಚಂದ್ರಶೇಖರ್‌ ಒಬ್ಬ ನಾಲಾಯಕ್‌ ಮನುಷ್ಯ ಎಂಬ ಎಂ.ಪಿ. ರೇಣುಕಾಚಾರ್ಯ ಅವರ ಹೇಳಿಕೆ ಬಗ್ಗೆ ಸುದ್ದಿಗಾರರು ಕೇಳಿದ ಪ್ರಶ್ನೆಗೆ ಫ್ರೀಡಂಪಾರ್ಕ್‌ನಲ್ಲಿ ಉತ್ತರಿಸಿದ ಅವರು, ಆದರೆ, ಸಿಎಂ ಯಡಿಯೂರಪ್ಪ ಅವರು ಇಂಥವರ ಮೂಲಕ ಈ ರೀತಿ ಹೇಳಿಕೆ ಕೊಡಿಸುವುದನ್ನು ನಿಲ್ಲಿಸಬೇಕು ಯಡಿಯೂರಪ್ಪ ಅವರ ಬಗ್ಗೆ ನಮಗೆ ಗೌರವಿದೆ ಎಂದು ಹೇಳಿದರು.
ಸಾರಿಗೆ ಸಮರ: ಕೋಡಿಹಳ್ಳಿ ಚಂದ್ರಶೇಖರ್‌ ಒಬ್ಬ ನಾಲಾಯಕ್‌ ಮನುಷ್ಯ: ಎಂ.ಪಿ. ರೇಣುಕಾಚಾರ್ಯ
ಇನ್ನು ಕಚ್ಚೆ, ಬಾಯಿ ಸರಿ ಇಲ್ಲದೆ ರೇಣಕಾಚಾರ್ಯ. ಇಂಥ ಮೂರನೇ ದರ್ಜೆ ರಾಜಕಾರಣಿ ಬಗ್ಗೆ ಮಾತನಾಡುವುದು ಸರಿಯಿಲ್ಲ. ಇನ್ನು ಈ ನಾಡಿನ ಎಲ್ಲ ಆಗುಹೋಗುಗಳಿಗೆ ನಾವು ಜವಾಬ್ದಾರರೆ. ಹೀಗಾಗಿ ನೊಂದವರ ಪರ ಹೋರಾಟ ಮಾಡುತ್ತಿದ್ದೇನೆ. ಇವನ್ಯಾರು ಇದೆಲ್ಲವನ್ನು ಮಾತನಾಡುವುದಕ್ಕೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.
