ಕೊರೊನಾ ಸೋಂಕಿಗೆ ವೃದ್ಧರಿಬ್ಬರು ಬಲಿ

ಕಲಬುರಗಿ:  ಕೊರೊನಾ‌ ಸೋಂಕಿನಿಂದ ಕಲಬರಗಿ ಜಿಲ್ಲೆಯಲ್ಲಿ ಮತ್ತಿಬ್ಬರು ವೃದ್ಧರು ಮೃತಪಟ್ಟಿರುವುದು ಭಾನುವಾರದ ಕೋವಿಡ್-19 ಬುಲೆಟಿನ್ ವರದಿಯಿಂದ ದೃಢವಾಗಿದೆ.

ಇದರಿಂದ ಕೊರೊನಾ ಸೋಂಕಿಗೆ ಜಿಲ್ಲೆಯಲ್ಲಿ ಮೃತರಾದವರ ಸಂಖ್ಯೆ ‌27ಕ್ಕೆ ಏರಿಕೆಯಾಗಿದೆ ಎಂದು ಜಿಲ್ಲಾಧಿಕಾರಿ ಶರತ್ ಬಿ. ತಿಳಿಸಿದರು.

ILI ಹಿನ್ನೆಲೆಯೊಂದಿಗೆ ಅಧಿಕ ರಕ್ತದೊತ್ತಡ, ಮಧುಮೇಹ ಹಾಗೂ ಹೃದ್ರೋಗದಿಂದ ಬಳಲುತ್ತಿದ್ದ ಕಲಬುರಗಿ ನಗರದ ಅನ್ನಪೂರ್ಣ ಕ್ರಾಸ್ ಪ್ರದೇಶದ 69 ವರ್ಷದ ವೃದ್ಧ (P-21318) ಜು.3 ರಂದು ಕಲಬುರಗಿ ಜಿಮ್ಸ್ ಆಸ್ಪತ್ರೆಗೆ ದಾಖಲಾಗಿ ಜು.4 ರಂದು ನಿಧನ ಹೊಂದಿದರು.

ILI ಹಿನ್ನೆಲೆಯೊಂದಿಗೆ ತೀವ್ರ ಜ್ವರ, ಕೆಮ್ಮು ಹಾಗೂ ಅಧಿಕ ರಕ್ತದೊತ್ತಡದಿಂದ ಬಳಲುತ್ತಿದ್ದ ಶಹಾಬಾದ ಪಟ್ಟಣದ ಮಸ್ಜಿದ್ ಚೌಕ್ ಪ್ರದೇಶದ 66 ವರ್ಷದ ವೃದ್ಧ (P-23288) ಜು.3 ರಂದು ಅಸ್ಪತ್ರೆಗೆ ದಾಖಲಾಗುವ ಮುನ್ನವೆ ನಿಧನ ಹೊಂದಿದ್ದು, ಭಾನುವಾರ ಕೊರೊನಾ ಸೋಂಕು ತಗುಲಿರುವುದು ವೈದ್ಯಕೀಯ ವರದಿಯಿಂದ ದೃಢವಾಗಿದೆ ಎಂದು ಶರತ್ ತಿಳಿಸಿದರು.