ಮಗಳನ್ನು ಕೊಲ್ಲಲು ಹೋದ ತಂದೆಯೇ ಸತ್ತ

ಬೆಂಗಳೂರು: ಕ್ಷುಲ್ಲಕ ಕಾರಣಕ್ಕೆ ಹತ್ಯೆ ಮಾಡಲು ಬಂದ ತಂದೆಯನ್ನೇ ತನಗೆ ಹರಿವಿಲ್ಲದಂತೆ 15 ವರ್ಷದ ಮಗಳು ಕೊಂದಿರುವ ಘಟನೆ ಗುರುವಾರ ತಡರಾತ್ರಿ ನಡೆದಿದೆ.

ಬನ್ನೇರುಘಟ್ಟ ರಸ್ತೆಯ ಮಂತ್ರಿ ಪ್ಯಾರಡೈಸ್ ಅಪಾರ್ಟ್ಮೆಂಟ್ ನಿವಾಸಿ ಸಪ್ತಕ್ ಬ್ಯಾನರ್ಜಿ (46) ಕೊಲೆಯಾದವ.

ತನ್ನಮ್ಮ ಎರಡನೇ ಮಗುವಿಗೆ ಜನ್ಮ ನೀಡುವ ವೇಳೆ ಮೃತಪಟ್ಟಿದ್ದು, ಬಳಿಕ ತಂದೆಯೇ ನಮ್ಮ ಜವಾಬ್ದಾರಿ ಹೊತ್ತಿದ್ದರು. ಈ ನಡುವೆ ಅವರು ಕೆಲಸವನ್ನು ಕಳೆದುಕೊಂಡು ಮನೆಯಲ್ಲೇ ಇರುತ್ತಿದ್ದರು. ನಮ್ಮ ಮನೆಯಿಂದ ಬರುತ್ತಿದ್ದ 30 ಸಾವಿರ ರೂ. ಬಾಡಿಯಿಂದ ಜೀವನ ನಡೆಯುತ್ತಿತ್ತು.

ಈ ನಡುವೆ ಅಪ್ಪ ನಮ್ಮನ್ನು ಸಂಬಂಧಿಕರೊಂದಿಗೆ ಸೇರಲು ಬಿಡುತ್ತಿರಲಿಲ್ಲ. ಜತೆಗೆ ಓದುವುದನ್ನು ಬಿಡಿಸಿದ್ದರು. ಆದರೂ ನಾನು ಓದುವ ಹಂಬಲದಿಂದ ಮನೆಯಲ್ಲೇ ಓದಿಕೊಂಡು ಎಸ್ಸೆಸ್ಸೆಲ್ಸಿ ಪರೀಕ್ಷೆ ತೆಗೆದುಕೊಳ್ಳಲು ಸಿದ್ಧತೆ ಮಾಡಿಕೊಂಡು ಅಪ್ಪ ಮಲಗಿದ ಸಮಯದಲ್ಲಿ ಅಂದರೆ ತಡ ರಾತ್ರಿ ಎದ್ದು ಓದಿಕೊಳ್ಳುತ್ತಿದ್ದೆ.

ಅದರಂತೆ ನಿನ್ನೆ ರಾತ್ರಿ ಓದಿಕೊಳ್ಳುತ್ತಿದ್ದಾಗ ಎಚ್ಚರಗೊಂಡ ಅಪ್ಪ ಬ್ಯಾನರ್ಜಿ, ತನ್ನಿಚ್ಛೆಗೆ ವಿರುದ್ಧವಾಗಿ ಓದಲು ಮುಂದಾಗುತ್ತಿದ್ದಾಳೆ  ಎಂದು ಮಧ್ಯರಾತ್ರಿ ಪಿಯಾನೋ ನುಡಿಸಲು ಆರಂಭಿಸಿದರು. ಆ ವೇಳೆ  ನಾನು ಪಿಯಾನೋ ನುಡಿಸುವುದನ್ನು ನಿಲ್ಲಿಸುವಂತೆ ತಿಳಿಸಿದೆ. ಈ ವಿಚಾರಕ್ಕೆ ಇಬ್ಬರ ನಡುವೆ ಮಾತಿನ ಚಕಮಕಿ ನಡೆಯಿತು.

ಬಳಿಕ ಕೆರಳಿ ಕತ್ತರಿ ತೆಗೆದುಕೊಂಡು ನನ್ನನ್ನು ಹತ್ಯೆ ಮಾಡಲು ಯತ್ನಿಸಿದರು. ಆಗ ಆ ಕತ್ತರಿಯನ್ನು ಕಿತ್ತುಕೊಳ್ಳುವ  ವೇಳೆ ತಂದೆಯ ಎದೆಗೆ ತಾಕಿತು. ಇದರಿಂದ ಕುಸಿದು ಬಿದ್ದ ತಂದೆ ಸ್ಥಳದಲ್ಲಿಯೇ ಮೃತಪಟ್ಟಿದ್ದಾರೆ. ಗಾಬರಿಗೊಂಡ ನಾನು ನೆರೆಹೊರೆಯವರನ್ನು ಕರೆದೆ ಎಂದು ನಡೆದ ಘಟನೆಯನ್ನು ಪೊಲೀಸರಿಗೆ ಬಾಲಿಕಿ ತಿಳಿಸಿದ್ದಾಳೆ.

ಮೈಕೋಲೇಔಟ್ ಠಾಣೆ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಬಾಲಕಿಯನ್ನು ವಶಕ್ಕೆ ಪಡೆದುಕೊಂಡಿದ್ದು ಮುಂದಿನ ಕ್ರಮ ಜರುಗಿಸಿದ್ದಾರೆ.