ಬೀದರ್‌: ಬೆಂಗಳೂರು-ಬೀದರ್‌ ಮಾರ್ಗದಲ್ಲಿ ಕರ್ತವ್ಯದ ನಿರ್ವಹಿಸುವಾಗ ಹೃದಯಾಘಾತಕ್ಕೊಳಗಾದ ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ನಿಗಮ ಬೀದರ್‌ ಘಟಕ ಒಂದರ ಚಾಲಕ -ಕಂ-ನಿರ್ವಾಹಕ ಸುನೀಲ ಸಿಂಗ್ ರಜಪೂತ (45) ನಿಧನರಾಗಿದ್ದಾರೆ.
ಮಂಗಳವಾರ (ನಿನ್ನೆ ) ದಸರಾ ಹಿನ್ನೆಲೆ ಪ್ರಯಾಣಿಕರ ಸಂಖ್ಯೆಯೂ ಹೆಚ್ಚಾಗಿತ್ತು. ಈ ಒತ್ತಡದ ನಡುವೆ ಕರ್ತವ್ಯ ನಿರ್ವಹಿಸುತ್ತಿದ್ದಾಗ ಸಾಯಂಕಾಲ 6ಗಂಟೆ ಸುಮಾರಿಗೆ ಬೀದರ್‌ ಕೇಂದ್ರ ಬಸ್ ನಿಲ್ದಾಣದಲ್ಲಿ ಹೃದಯಾಘಾತಕ್ಕೆ ಒಳಗಾಗಿ ಕೊನೆಯುಸಿರೆಳೆದಿದ್ದಾರೆ.
ಬೀದರ್‌- ಬೆಂಗಳೂರು ಮಾರ್ಗದಲ್ಲಿ ಕರ್ತವ್ಯದ ನಿರ್ವಹಿಸುವಾಗ ಈ ಅವಘಡ ಸಂಭವಿಸಿದೆ. ಮೃತರು ತಂದೆ, ತಾಯಿ, ಪತ್ನಿ, ಇಬ್ಬರು ಪುತ್ರರು ಮತ್ತು ಪುತ್ರಿಯರು ಸೇರಿದಂತೆ ಅಪಾರ ಬಂಧು ಬಳಗ- ಸ್ನೇಹಿತರನ್ನು ಅಗಲಿದ್ದಾರೆ.
ಇಂದು ಬುಧವಾರ (ಅ.25) ಮಧ್ಯಾಹ್ನ ಸ್ವಗ್ರಾಮ ಕುಮಾರ ಚಿಂಚೊಳಿಯ ಅವರ ಹೊಲದಲ್ಲಿ ಅಂತ್ಯಕ್ರಿಯೆ ನೆರವೇರಿಸಲಾಯಿತು.
