KKRTC: 26 ತಿಂಗಳ ಹಿಂಬಾಕಿ ಪಾವತಿಸಲು 3ದಿನದೊಳಗೆ ನೌಕರರ ಮಾಹಿತಿ ನೀಡಿ- ನಿಗಮದ ಡಿಸಿಗಳಿಗೆ ಲೆಕ್ಕಾಧಿಕಾರಿ ಆದೇಶ
ಕಲಬುರಗಿ: ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ನಿಗಮದ ಎಲ್ಲ ಅಧಿಕಾರಿ/ ನೌಕರರ 26 ತಿಂಗಳ ಹಿಂಬಾಕಿ ಬಿಲ್ಲಿನ ಮಾಹಿತಿಯನ್ನು 3 ದಿನಗಳಲ್ಲಿ ನೀಡಬೇಕು ಎಂದು ಕಲಬುರಗಿ-1, ವಿಜಯಪುರ, ಬೀದರ, ಯಾದಗೀರ, ಕೋಪ್ಪಳ, ಬಳ್ಳಾರಿ ಎಲ್ಲ ವಿಭಾಗದ ವಿಭಾಗೀಯ ನಿಯಂತ್ರಣಾಧಿಕಾರಿಗಳಿಗೆ ಸಂಸ್ಥೆಯ ಉಪ ಮುಖ್ಯ ಲೆಕ್ಕಾಧಿಕಾರಿ ಆದೇಶ ಹೊರಡಿಸಿದ್ದಾರೆ.
ಈ ಸಂಬಂಧ ಇಂದು ಆದೇಶ ಹೊರಡಿಸಿರುವ ಅವರು, 26 ತಿಂಗಳ ಹಿಂಬಾಕಿ ಮೊತ್ತದ ಮಾಹಿತಿ ನೀಡುವ ಕುರಿತಂತೆ 1) ಸರ್ಕಾರದ ಆದೇಶ ಸಂಖ್ಯೆ: ಬಿಡಿ 12 ಸಾಪಂಟ 2023 ದಿ: 17.03.2023 ಹಾಗೂ 2) ಸರ್ಕಾರದ ಆದೇಶ ಸಂಖ್ಯೆ ಬಿಡಿ 12 ಟಿಪಿಟಿ 2023 ಬೆಂಗಳೂರು ದಿ: 18.02.2006.
ಈ ಮೇಲ್ಕಂಡ ವಿಷಯಕ್ಕೆ ಸಂಬಂಧಿಸಿದಂತೆ, ಉಲ್ಲೇಖ 2ರ ಸರ್ಕಾರದ ಆದೇಶದನ್ವಯ 2020ರ ವೇತನ ಪರಷ್ಕರಣೆಯ ಅಂಗವಾಗಿ 01.01.2021 ರಿಂದ 28.02.2023 ರವರೆಗೆ ಒಟ್ಟು 26 ತಿಂಗಳ ಹಿಂಬಾಕಿ ಮೊತ್ತ ಪಾವತಿಸಲು ಅನುಮೋದನೆ ನೀಡಿ ಆದೇಶಿಸಿದೆ.
ಆದರನ್ವಯ ನಿಗಮದ ಅಧಿಕಾರಿ/ ನೌಕರರ 01.01.2021 ರಿಂದ 28.02.2023 ರವರೆಗೆ ಹಿಂಬಾಕಿ ಮೊತ್ತದ ಬಿಲ್ಲನ್ನು ತಯಾರಿಸಿ ಮಾಹಿತಿ ನೀಡಲು ಹಲವಾರು ಬಾರಿ ವಿಭಾಗಗಳ ಲೆಕ್ಕಾಧಿಕಾರಿಗಳಿಗೆ ಮೌಖಿಕವಾಗಿ ತಿಳಿಸಿದಾಗ್ಯೂ ಇಲ್ಲಿಯವರೆಗೆ ಯಾವುದೇ ದೃಡೀಕೃತ ಮಾಹಿತಿಯನ್ನು ಸಲ್ಲಿಸಿಲ್ಲ
ಆದ್ದರಿಂದ ಮೇಲಿನಂತೆ 26 ತಿಂಗಳ ಹಿಂಬಾಕಿ ಬಿಲ್ಲಿನ ಮಾಹಿತಿಯನ್ನು 3 ದಿನಗಳಲ್ಲಿ ನೀಡಲು ಈ ಮೂಲಕ ಕೋರಲಾಗಿದೆ ಎಂದು ಸಂಸ್ಥೆಯ ಉಪ ಮುಖ್ಯ ಲೆಕ್ಕಾಧಿಕಾರಿ ಹೊರಡಿಸಿರುವ ಆದೇಶದಲ್ಲಿ ತಾಕೀತು ಮಾಡಲಾಗಿದೆ.
