ಹೈದರಾಬಾದ್: ಮಾಧ್ಯಮಗಳು ಕೋವಿಡ್ -19 ಬಗ್ಗೆ ತಪ್ಪು ಮಾಹಿತಿ ಹರಡಿ ಜನರಲ್ಲಿ ಭೀತಿ ಉಂಟುಮಾಡುತ್ತಿವೆ ಎಂದು ತೆಲಂಗಾಣ ಮುಖ್ಯಮಂತ್ರಿ ಕೆ.ಚಂದ್ರಶೇಖರ್ ರಾವ್ ಆರೋಪಿಸಿದ್ದಾರೆ.
ನಾನು ಪ್ಯಾರಾಸಿಟಮೊಲ್ ಮತ್ತು ಆಂಟಿಬಯೊಟಿಕ್ ತೆಗೆದುಕೊಳ್ಳುವ ಮೂಲಕ ಕೋವಿಡ್ ಕಾಯಿಲೆಯಿಂದ ಚೇತರಿಸಿಕೊಂಡಿದ್ದೆ ಎಂದು ವಾರಂಗಲ್ ಜಿಲ್ಲೆಯಲ್ಲಿ ನಡೆದ ಸಾರ್ವಜನಿಕ ಕಾರ್ಯಕ್ರಮದಲ್ಲಿ ಹೇಳಿದ್ದಾರೆ.
ಕೆಸಿಆರ್ ಏಪ್ರಿಲ್ ತಿಂಗಳಲ್ಲಿ ಕೋವಿಡ್ ಪಾಸಿಟಿವ್ ಆಗಿದ್ದರು . ಅವರ ಪ್ರಕಾರ, ಅವರು ಕೇವಲ ಎರಡು ಔಷಧಗಳನ್ನು ತೆಗೆದುಕೊಳ್ಳುವ ಮೂಲಕ ಒಂದು ವಾರದಲ್ಲಿ ಚೇತರಿಸಿಕೊಂಡಿದ್ದಾರೆ. ಇನ್ನು ಕಪ್ಪು ಶಿಲೀಂಧ್ರ ಅಥವಾ ಹಳದಿ ಶಿಲೀಂಧ್ರಗಳ ಬಗ್ಗೆ ಯಾರು (ತಪ್ಪು ಮಾಹಿತಿ) ಹರಡುತ್ತಿದ್ದಾರೆಂದು ತಿಳಿದಿಲ್ಲ.
ಅದು ಟಿವಿ ಚಾನೆಲ್, ಪತ್ರಿಕೆ ಅಥವಾ ಬೇರೆ ಯಾವುದೇ ಮಾಧ್ಯಮಕ್ಕೆ ಶಿಲೀಂಧ್ರವು ಜೀವಂತವಾಗಿದೆಯೇ ಅಥವಾ ಸತ್ತಿದೆಯೆ ಎಂದು ತಿಳಿದಿಲ್ಲ, ಆದರೆ ಇವೆಲ್ಲವನ್ನೂ ಕೇಳಿದ ನಂತರ ಜನರು ಸಾಯುತ್ತಿದ್ದಾರೆ. ಈ ಟಿವಿ ಜನರು, ನಾನು ನಿಮಗೆ ಹೇಳುತ್ತಿದ್ದೇನೆ, ಅವರು ಶಪಿಸಲ್ಪಡುತ್ತಾರೆ ಎಂದು ಕೆಸಿಆರ್ ತೆಲುಗಿನಲ್ಲಿ ಹೇಳಿರುವುದಾಗಿ ದಿ ಪ್ರಿಂಟ್ ವರದಿ ಮಾಡಿದೆ.
ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆಗೆ ಶಿಲಾನ್ಯಾಸ ಮಾಡಲು ವಾರಂಗಲ್‌ನಲ್ಲಿದ್ದ ಸಿಎಂ, ಮಾಧ್ಯಮಗಳ ವಿರುದ್ಧ ಕಿಡಿಕಾರಿದ್ದು ತಪ್ಪು ಮಾಹಿತಿ ಹರಡುವ ಮೂಲಕ ತನ್ನ ಸಾಮಾಜಿಕ ಜವಾಬ್ದಾರಿಯ ವಿರುದ್ಧ ವರ್ತಿಸುತ್ತಿದ್ದಾರೆ ಎಂದು ಹೇಳಿದರು. ಕೆಸಿಆರ್ ಅವರ ಈ ವಾಗ್ದಾಳಿ ಅವರ ಸರ್ಕಾರವು ರಾಜ್ಯದಲ್ಲಿ ಲಾಕ್ಡೌನ್ ನಿರ್ಬಂಧ ತೆಗೆದುಹಾಕಿದ ಕೆಲವು ದಿನಗಳ ನಂತರ ಬಂದಿದೆ.
ಈ ಸಂದರ್ಭದಲ್ಲಿ ಕೆಸಿಆರ್ ತಮ್ಮ ಕೋವಿಡ್ ಅನುಭವದ ಬಗ್ಗೆ ಮಾತನಾಡುತ್ತಾ, ಮಾಧ್ಯಮಗಳು ಕೊವಿಡ್ ಬಗ್ಗೆ ಭೀತಿ ಹೆಚ್ಚಿಸುತ್ತಿವೆ ಎಂದಿದ್ದಾರೆ. ನನಗೆ ಕೋವಿಡ್ ಬಂದಾಗ, ವೈರಸ್ ಏನೆಂದು ಅವರು ಪತ್ತೆಹಚ್ಚಬಹುದೇ ಎಂದು ನಾನು ವೈದ್ಯರನ್ನು ಕೇಳಿದೆ. ಅವರು ಇಲ್ಲ ಎಂದು ಹೇಳಿದರು. ನಂತರ ನಾನು ಅವರಲ್ಲಿ ಯಾವ ಔಷಧಗಳ ಬಳಸಬೇಕೆಂದು ಕೇಳಿದೆ. ಇದು ಟ್ರಯಲ್ ಆಂಡ್ ಎರರ್ ಎಂದು ಅವರು ಹೇಳಿದರು. ಕೇವಲ ಎರಡು ಮಾತ್ರೆಗಳನ್ನು ಮಾತ್ರ ತೆಗೆದುಕೊಳ್ಳಬೇಕು ಎಂದು ವೈದ್ಯರು ಹೇಳಿದ್ದರು.
ಒಂದು ದೇಹದ ಉಷ್ಣತೆಯನ್ನು ನಿಯಂತ್ರಿಸಲು ‘ಡೊಲೊ’ ಎಂದು ಕರೆಯಲ್ಪಡುವ ಪ್ಯಾರಾಸಿಟಮೊಲ್ ಮತ್ತು ಒಂದು ಆಂಟಿಬಯೋಟಿಕ್. ಇದು ದೇಹಕ್ಕೆ ಸರಿಹೊಂದುತ್ತದೆ ಎಂದರು.
ನಾನು ಎರಡು ಔಷಧಗಳನ್ನು ಮಾತ್ರ ತೆಗೆದುಕೊಂಡಿದ್ದೇನೆ. ವೈದ್ಯರು ನನಗೆ ವಿಟಮಿನ್ ‘ಡಿ’ ಎಂಬ ಮತ್ತೊಂದು ಔಷಧವನ್ನು ನೀಡಿದರು, ಇದನ್ನು ವಾರಕ್ಕೊಮ್ಮೆ ತೆಗೆದುಕೊಳ್ಳಬೇಕು, ಆದರೆ ನಾನು ಒಂದು ವಾರದಲ್ಲಿ ಚೇತರಿಸಿಕೊಂಡೆ. ಇಂಥಾ ವಿಷಯಕ್ಕಾಗಿ ಮಾಧ್ಯಮಗಳು ಜನರನ್ನು ಹೆದರಿಸುತ್ತಿದ್ದಾರೆ, ತುಂಬಾ ಭಯ ಸೃಷ್ಟಿಸುತ್ತಿದ್ದಾರೆ. ಈ ಅನುಪಯುಕ್ತ ಸಂಚಲನ ಸೃಷ್ಟಿಸುವುದರಿಂದ ಯಾರು ಲಾಭ ಪಡೆಯುತ್ತಿದ್ದಾರೆ? ಎಂದು ಕೆಸಿಆರ್ ಪ್ರಶ್ನಿಸಿದ್ದಾರೆ.
ಮಂತ್ರವಾದಿ ಮತ್ತು ಕಾಲೆರಾ ಕತೆ
ಕಾಲರಾ ಏಕಾಏಕಿ ನಿಭಾಯಿಸಲು ರಾಜನಿಂದ ಕರೆಸಲ್ಪಟ್ಟ ಮಾಂತ್ರಿಕನ (ಮಂತ್ರವಾದಿ)ನೀತಿಕಥೆಯನ್ನು ಪ್ರೇಕ್ಷಕರಿಗೆ ತಿಳಿಸಿದರು. ಭಯವು ಸಾಂಕ್ರಾಮಿಕ ಬಿಕ್ಕಟ್ಟನ್ನು ಹೇಗೆ ಉಲ್ಬಣಗೊಳಿಸುತ್ತಿದೆ ಎಂಬುದನ್ನು ಅವರು ಹೇಳಿದರು.
“ರೋಗ ಮತ್ತು ಮಂತ್ರವಾದಿ ಮುಖಾಮುಖಿಯಾದಾಗ, 500 ಜನರನ್ನು ಏಕೆ ಕೊಂದೆ ಎಂದು ಮಂತ್ರವಾದಿ ರೋಗವನ್ನು ಕೇಳಿದರು. ಅದಕ್ಕೆ ಅದು ನಾನು ಕೇವಲ 50 ಜನರನ್ನು ಕೊಂದೆ. ಉಳಿದವರು ಹೆದರಿಕೆ ಮತ್ತು ಭೀತಿಯಿಂದ ಸಾವನ್ನಪ್ಪಿದರು ಎಂದು ಉತ್ತರಿಸಿತ್ತು. ಆದ್ದರಿಂದ, ಕಾಯಿಲೆಯಿಂದ (ಕೋವಿಡ್) ಯಾರು ಸತ್ತರು ಮತ್ತು ಭಯದಿಂದ ಯಾರು ಸತ್ತರು ಎಂಬುದು ನಮಗೆ ತಿಳಿದಿಲ್ಲ. ಇದು ತುಂಬಾ ದುಃಖಕರ. ಮಾಧ್ಯಮಗಳು ನಿಜವಾಗಿಯೂ ತಪ್ಪು ಮಾಹಿತಿಯನ್ನು ಹರಡುತ್ತಿವೆ, ”ಎಂದು ಹೇಳಿದರು.
ಮುಂದಿನ ಅಲೆಯಲ್ಲಿ ಮಕ್ಕಳು ಸೋಂಕಿಗೆ ಒಳಗಾಗುವ ಬಗ್ಗೆ ಮಾತನಾಡಿದ ಸಿಎಂ, “ಮುಂದಿನ ಅಲೆಯಲ್ಲಿ ಮಕ್ಕಳಿಗೆ ಸೋಂಕು ತಗುಲಲಿದೆ ಎಂದು ಕೊವಿಡ್ ಅವರಿಗೆ (ಮಾಧ್ಯಮಗಳಿಗೆ) ಹೇಳಿದೆಯೇ?”ಎಂದು ಪ್ರಶ್ನಿಸಿದ್ದಾರೆ.
