ಜೇವರ್ಗಿ/ ಯಡ್ರಾಮಿ: ಪ್ರತಿಯೊಬ್ಬರೂ ಮನೆಗೊಂದು ಮರ ಬೆಳೆಸಿ ಪರಿಸರವನ್ನು ಕಾಪಾಡಿ ಎಂದು ಮಾಜಿ ಶಾಸಕ ದೊಡ್ಡಪ್ಪಗೌಡ ಪಾಟೀಲ ನರಿಬೋಳ ಕರೆ ನೀಡಿದರು.
ಯಡ್ರಾಮಿ ತಾಲೂಕು ಬಿಜೆಪಿ ರೈತ ಮೋರ್ಚಾ ಮಂಡಲ ವತಿಯಿಂದ ಯಡ್ರಾಮಿ ತಾಲೂಕಿನ ಕುಳಗೇರಾ ಗ್ರಾಮದಲ್ಲಿ ಸಸಿ ನೇಡುವ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದರು.
ಈಗಿನ ಕೊರೊನಾ ಕಾಲದಲ್ಲಿ ನಮಗೆ ಗಿಡ ಮರಗಳ ಮಹತ್ವ ಅರಿವಾಗಿದೆ. ಸ್ವಚ್ಛ ಗಾಳಿ ಬೆಳಕು ಮತ್ತು ಮಳೆಗಾಗಿ ವೃಕ್ಷಗಳ ಅವಶ್ಯಕತೆ ಇದೆ. ಆದಕಾರಣ ಪಕ್ಷದ ಕಾರ್ಯಕರ್ತರು ಈ ನಿಟ್ಟಿನಲ್ಲಿ ಸಾರ್ವಜನಿಕರಿಗೆ ಮನವರಿಕೆ ಮಾಡಿಕೊಡಬೇಕು ಎಂದು ಲಸಹೆ ನೀಡಿದರು.
ಬಿಜೆಪಿ ಹಿರಿಯ ಮುಖಂಡರಾದ ಮಲ್ಲಿನಾಥಗೌಡ ಪಾಟೀಲ ಯಲಗೋಡ, ರೈತ ಮೋರ್ಚಾ ಮಂಡಲದ ಅಧ್ಯಕ್ಷರಾದ ನಾನಾಗೌಡ ಅಲ್ಲಾಪೂರ, ನಾಡಗೌಡ ಅಲ್ಲಾಪೂರ, ದೇವಿಂದ್ರಪ್ಪಗೌಡ ಮಾಗಣಗೇರಿ,ಸುರೇಶ ಸುಂಬಡ್, ರೇವಣಸಿದ್ದಪ್ಪ ಸಂಕಾಲಿ, ಬಸಲಿಂಗ ನಗನೂರ, ಜಗದೀಶ ತಳವಾರ, ನಿಂಗನಗೌಡ ಜವಳಗಿ, ನಿಂಗನಗೌಡ ಮಾಲಿಪಾಟೀಲ, ಚಂದ್ರಕಾಂತ ಕುಸ್ತಿ, ಯುವ ಮೋರ್ಚಾ ಕಾರ್ಯದರ್ಶಿ ಮಲ್ಲಿಕಾರ್ಜುನ ಯಾದಗೀರ ಮತ್ತಿತರರು ಇದ್ದರು.
