ಕಲಬುರಗಿ: ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ನಿಗಮ ಕಲಬುರಗಿ ವಿಭಾಗದ ಎಲ್ಲಾ ಶಾಖಾ ಮುಖ್ಯಸ್ಥರು ಮತ್ತು ಘಟಕ ವ್ಯವಸ್ಥಾಪಕರು ಅಕ್ಟೋಬರ್ 2021ರ ಮಾಹೆಯ ವೇತನದ ಬಿಲ್ಲು ತಯಾರಿಸಿ ಅಕ್ಟೋಬರ್ 28ರೊಳಗೆ ಸಂಬಂಧಪಟ್ಟ ಲೆಕ್ಕಾಧಿಕಾರಿಗಳಿಗೆ ತಲುಪಿಸಲು ವಿಭಾಗೀಯ ನಿತ್ರಣಾಧಿಕಾರಿ ಆದೇಶಿಸಿದ್ದಾರೆ.
ನವೆಂಬರ್ 5 , 6ರಂದು ದೀಪಾವಳಿ ಹಬ್ಬ ಇರುವುದರಿಂದ ಮುಖ್ಯ ಲೆಕ್ಕಾಧಿಕಾರಿಗಳು ಅಕ್ಟೋಬರ್ ತಿಂಗಳಿನ ಅಧಿಕಾರಿಗಳು ಮತ್ತು ನೌಕರರ ಹಾಜರಾತಿಯನ್ನು ಅಕ್ಟೋಬರ್ 25ರಂದು ಅಂತಿಮಗೊಳಿಸಿ, ತಯಾರಿಸಿದ ಮಾಹಿತಿಯನ್ನು ಕೇಂದ್ರ ಕಚೇರಿಗೆ ಒದಗಿಸಬೇಕು.
ಇನ್ನು ನವೆಂಬರ್ 2ರಂದು ಎಲ್ಲಾ ಸಿಬ್ಬಂದಿ ಹಾಗೂ ಅಧಿಕಾರಿಗಳಿಗೆ ಕಡ್ಡಾಯವಾಗಿ ವೇತನವನ್ನು ಪಾವತಿಸಬೇಕು ಎಂದು ಸೂಚನೆ ಇದೆ.
ಹೀಗಾಗಿ ಎಲ್ಲಾ ಸಿಬ್ಬಂದಿಗಳ ಹಾಗೂ ಅಧಿಕಾರಿಗಳ ಹಾಜರಾತಿಯನ್ನು ಅಕ್ಟೋಬರ್ 25ರಂದು ಅಂತಿಮಗೊಳಿಸಿ ಅ. 28ರೊಳಗೆ ವೇತನದ ಬಿಲ್ಲುಗಳನ್ನು ತಯಾರಿಸಿ ಸಹಾಯಕ ಲೆಕ್ಕಾಧಿಕಾರಿಗಳಿಂದ ಮಂಜೂರಾತಿ ಪಡೆದು ಎಲ್ಲಾ ಸಿಬ್ಬಂದಿ ಅಧಿಕಾರಿಗಳಿಗೆ ಕಡ್ಡಾಯವಾಗಿ ನವೆಂಬರ್ 2ರಂದೇ ವೇತನ ಪಾವತಿ ಮಾಡುವಂತೆ ಕ್ರಮ ಕೈಗೊಳ್ಳಲು ಆದೇಶಿಸಿದ್ದಾರೆ.
ಇನ್ನು ಆಗಸ್ಟ್‌ ಮತ್ತು ಸೆಪೆಂಬರ್‌ ತಿಂಗಳುಗಳ ಅರ್ಧವೇತನವಷ್ಟೇ ನೌಕರರ ಕೈ ಸೇರಿದ್ದು, ಇನ್ನೂ ಒಟ್ಟಾರೆ ಒಂದು ತಿಂಗಳ ವೇತನ ಬಾಕಿ ಇದೆ. ಅದನ್ನು ಕೂಡಲೇ ಪಾವತಿಸ ಬೇಕು ಎಂದು ನೌಕರರು ಒತ್ತಾಯಿಸಿದ್ದಾರೆ.
