ಕಾರವಾರ: ಪ್ರಯಾಣಿಕರನ್ನು ತುಂಬಿದ್ದ ವಾಯವ್ಯ ಕರ್ನಾಟಕ ರಸ್ತೆ ಸಾರಿಗೆ ನಿಗಮದ ಬಸ್ನ ಚಾಸಿಸ್ ತುಂಡಾಗಿದ್ದರಿಂದ ಬಸ್ ಅಪಘಾತಕ್ಕೀಡಾಗಿ ಹಲವು ಮಂದಿ ಪ್ರಯಾಣಿಕರು ಗಾಯಗೊಂಡಿರುವ ಘಟನೆ ಕಾರವಾರ ನಗರದ ಹಬ್ಬುವಾಡ ರಸ್ತೆಯಲ್ಲಿ ನಡೆದಿದೆ.
ಸಾರಿಗೆ ಬಸ್ ಕಾರವಾರ ನಗರದಿಂದ ಕೆರವಡಿ ಗ್ರಾಮಕ್ಕೆ ತೆರಳುತ್ತಿತ್ತು. ಈ ವೇಳೆ ನಡುರಸ್ತೆಯಲ್ಲೇ ಬಸ್ ಚಾಸಿಸ್ ತುಂಡಾಗಿದ್ದು, ಬಸ್ನಲ್ಲಿದ್ದ ಹಲವು ಪ್ರಯಾಣಿಕರು ಸಣ್ಣಪುಟ್ಟ ಗಾಯಗಳಿಂದ ಯಾವುದೇ ಜೀವಹಾನಿ ಇಲ್ಲದೆ ಬಚಾವ್‌ ಆಗಿದ್ದಾರೆ.
ಬಸ್ಸಿನಲ್ಲಿ ಐವತ್ತಕ್ಕೂ ಅಧಿಕ ಜನರು ಪ್ರಯಾಣಿಸುತ್ತಿದ್ದರು. ಆದರೆ ಈ ವೇಳೆ ಬಸ್ಸಿನ ಹಿಂಬದಿ ಚಾಸಿಸ್ ಒಮ್ಮೆಲೆ ಕಟ್ ಆಗಿದೆ. ಇನ್ನು ಚಾಸಿಸ್ ಕಟ್ ಆಗಿ ಬಸ್ ರಸ್ತೆಯಲ್ಲಿಯೇ ಪಲ್ಟಿಯಾಗುವ ಹಂತಕ್ಕೆ ತಲುಪಿತ್ತು. ಆದರೆ ಉರುಳಿ ಬೀಳುವಂತಿದ್ದ ಬಸ್ಸನ್ನು ಸಾರ್ವಜನಿಕರು ಹಿಡಿದು ನಿಲ್ಲಿಸಿದ್ದಾರೆ.
ಅತ್ತ ಕಂಡೀಷನ್ ಇಲ್ಲದ ಬಸ್ಸನ್ನು ಕಾರ್ಯಾಚರಣೆಗೆ ಬಿಟ್ಟ ಅಧಿಕಾರಿಗಳ ವಿರುದ್ಧ ಸಾರ್ವಜನಿಕರು ಆಕ್ರೋಶ ಹೊರಹಾಕಿದ್ದಾರೆ. ನಡು ರಸ್ತೆಯಲ್ಲೇ ಬಸ್ ಅವಾಂತರದ ಹಿನ್ನೆಲೆ ಕಾರವಾರ ಕೈಗಾ ರಸ್ತೆ ಸಂಚಾರ ಕೆಲ ಹೊತ್ತು ಬಂದ್ ಆಗಿತ್ತು.
