ನ್ಯೂಡೆಲ್ಲಿ: ಯೂಟ್ಯೂಬ್ಗೆ ಟಕ್ಕರ್ ಕೊಡಲು ಟೆಸ್ಲಾ ಒಡೆತನದ ಎಲಾನ್ ಮಸ್ಕ್ ತಯಾರಿ ನಡೆಸಿದೆ. ಅದಕ್ಕಾಗಿ ಎಕ್ಸ್ ಟಿವಿ ಆ್ಯಪ್ ಅನ್ನು ಪ್ರಾರಂಭಿಸಲು ಮುಂದಾಗಿದೆ. ಶೀಘ್ರದಲ್ಲೇ ನೂತನ ಆ್ಯಪ್ ಬಿಡುಗಡೆ ಆಗಲಿದೆ.
ಅಮೆರಿಕದ ಮಾಧ್ಯಮ ಕಾರ್ಯನಿರ್ವಾಹಕಿ ಮತ್ತು ಸಿಇಒ ಲಿಂಡಾ ಯಾಕರಿನೋ ಈ ಬಗ್ಗೆ ಮೈಕ್ರೋ ಬ್ಲಾಗಿಂಗ್ ಸೈಟ್ನಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ. ಶೀಘ್ರದಲ್ಲೇ ವಿಡಿಯೋ ಸ್ಟ್ರೀಮಿಂಗ್ ಆ್ಯಪ್ ಅನ್ನು ಪ್ರಾರಂಭಿಸಲಾಗುವುದು ಎಂದು ಖಚಿತಪಡಿಸಿದ್ದಾರೆ.
ಶೀಘ್ರದಲ್ಲೇ ನಾವು ಎಕ್ಸ್ ಟಿವಿ ಅಪ್ಲಿಕೇಶನ್ನೊಂದಿಗೆ ನಿಮ್ಮ ಸ್ಮಾರ್ಟ್ಟಿವಿಗಳಿಗೆ ನೈಜ ವಿಷಯಗಳನ್ನು ತರುತ್ತೇವೆ. ದೊಡ್ಡ ಪರದೆಯ ಮೇಲೆ ಉತ್ತಮ ಗುಣಮಟ್ಟದ, ಮನರಂಜನೆಯನ್ನು ನೀಡಲಿದೆ ಎಂದು ತಿಳಿಸಿದ್ದಾರೆ.
ಅಂದಹಾಗೆಯೇ ನೂತನ ಆ್ಯಪ್ ನೆಚ್ಚಿನ ವಿಡಿಯೋಗಳನ್ನು ಸ್ಮಾರ್ಟ್ಫೋನ್ನಿಂದ ಟಿವಿ ಪರದೆಗೆ ಎಕ್ಸ್ ಮುಖಾಂತರ ಬಿತ್ತರಿಸಲು ಸಾಧ್ಯವಾಗುತ್ತದೆ ಎಂದು ಯಾಕರಿನೊ ವಿವರಿಸಿದ್ದಾರೆ. ಅಲ್ಲದೇ ನೂತನ ಆ್ಯಪ್ ಶೀಘ್ರದಲ್ಲೇ ಹೆಚ್ಚಿನ ಸ್ಮಾರ್ಟ್ ಟಿಬಿಗಳಲ್ಲಿ ಲಭ್ಯವಿರಲಿದೆ ಎಂದು ತಿಳಿಸಿದ್ದಾರೆ.
ಸದ್ಯ ಹರಿದಾಡುತ್ತಿರುವ ಮಾಹಿತಿ ಪ್ರಕಾರ ಎಲಾನ್ ಮಸ್ಕ್ ಗೂಗಲ್ ಒಡೆತನದ ವಿಡಿಯೋ ಸ್ಟ್ರೀಮಿಂಗ್ ಆ್ಯಪ್ ಯೂಟ್ಯೂಬ್ಗೆ ಪೈಪೋಟಿ ನೀಡುವ ಸಲುವಾಗಿ ಯೋಚಿಸುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ. ಇದರಲ್ಲಿ ಪಾವತಿಸಿದ ಬಳಕೆದಾರರಿಗೆ ದೀರ್ಘವಾದ ಮತ್ತು ರೆಸಲ್ಯೂಶನ್ ವಿಡಿಯೋ ಅಪ್ಲೋಡ್ ಮಾಡಲು ಅನುಮತಿಸುತ್ತದೆ ಎನ್ನಲಾಗಿದೆ.
