ವಿಜಯಪಥ ಸಿನಿಸುದ್ದಿ
ಬೆಂಗಳೂರು: “ರಾಮಾರ್ಜುನ” ಸಿನಿಮಾದ ಅಧಿಕೃತ ಟ್ರೈಲರ್ ಇಂದು ಮಧ್ಯಾಹ್ನ 3.33ಕ್ಕೆ ಬಿಡುಗಡೆಯಾಗಿದ್ದು, ಬಿಡುಗಡೆಗೊಂಡ ಒಂದು ಗಂಟೆಯಲ್ಲೆ ಒಂದು ಲಕ್ಷ ವೀಕ್ಷಕರನ್ನು ತಲುಪಿದೆ.
ವಿಂಕ್‌ವಿಸಲ್‌ ಪ್ರೊಡಕ್ಷನ್ಸ್ ನಡಿಯಲ್ಲಿ ಮೂಡಿ ಬಂದಿರುವ “ರಾಮಾರ್ಜುನ” ದ ನಾಯಕ ನಟನಾಗಿ ಅನಿಶ್ ನಟಿಸಿದ್ದು, ಇವರು ನಿರ್ಮಾಪಕ ಮತ್ತು ನಿರ್ದೇಶಕರಾಗಿಯೂ ಹೊಣೆ ಹೊತ್ತು ಸಿನಿಮಾ ಮಾಡಿದ್ದಾರೆ. ಇವರಿಗೆ ನಿಶ್ವಿಕಾ ನಾಯ್ಡು ನಾಯಕಿ ಸಾಥ್‌ ನೀಡಿದ್ದಾರೆ.
ಇನ್ನು ಶರತ್‌ ಲೋಹಿತ್‌, ರಂಗಾಯಣ ರಘು, ಲಕ್ಷ್ಮಣ, ರವಿ ಕಾಳೆ, ಬಾಲರಾಜ್‌, ಹನುಮಂತೇಗೌಡ, ಅರಣಾ ಬಾಲರಾಜ್‌, ಸ್ವಾತಿ ಮುಖ್ಯತಾರಾಗಣದಲ್ಲಿದ್ದು, ಈ ಸಿನಿಮಾ ಇಡೀ ಕುಟುಂಬ ಕುಳಿತು ನೋಡುವಂತದ್ದಾಗಿದೆ.
ಕಿರಣ ಚಂದ್ರ ಅವರು ಸಂಭಾಷಣೆ ಬರೆದಿದ್ದರೆ, ಆನಂದರಾಜ್‌ ವಿಕ್ರಮ್‌ ಸಂಗೀತ ನೀಡಿದ್ದಾರೆ. ಇಡೀ ಚಿತ್ರವನ್ನು ನೋಡಬೇಕಾದರೆ ಅದಕ್ಕೆ ಮುಖ್ಯವಾಗಿ ಕ್ಯಾಮರಾಮನ್‌ ಮತ್ತು ಎಡಿಟರ್‌ ಪ್ರಮುಖ ಪಾತ್ರ ವಹಿಸುವರು. ಹೀಗಾಗಿ “ರಾಮಾರ್ಜುನ” ಕ್ಕೆ ನವೀನ್‌ ಕುಮಾರ್‌ ಎಸ್‌. ಅವರು ಛಾಯಾಗ್ರಹಣ ಮಾಡಿದ್ದು, ಶರತ್‌ ಕುಮಾರ್‌ ಎಡಿಟ್‌ ಮಾಡಿ ಅದರ ಅಂದವನ್ನು ಇನ್ನಷ್ಟು ಹೆಚ್ಚಿಸಿದ್ದಾರೆ.
ಇನ್ನುಕನ್ನಡದ ಹಲವಾರು ಸಿನಿಮಾಗಳು ರಿಲೀಸ್ ಆಗಲು ಈಗಾಗಲೇ ಸಜ್ಜಾಗುತ್ತಿವೆ, ಈ ನಡುವೆ “ರಾಮಾರ್ಜುನ” ಟ್ರೈಲರ್ ಬಿಡುಗಡೆಯಾಗಿದ್ದು ಸಿನಿ ಪ್ರಿಯರಲ್ಲಿ ಸಂತಸವನ್ನು ಇಮ್ಮಡಿಗೊಳಿಸಿದೆ.
ಒಂದು ಹೊಸ ಲುಕ್‌ನಲ್ಲಿ ಅನಿಶ್ ಇಲ್ಲಿ ಮಿಂಚಿದ್ದು, ಧೂಳೆಬ್ಬಿಸುವ ಖಡಕ್ ಡೈಲಾಗ್ನೊಂದಿಗೆ ಅಭಿಮಾನಿಗಳೆದುರು ಬಂದಿದ್ದಾರೆ. ಈ ಚಿತ್ರವನ್ನು ಬಹುತೇಕ ಬೆಂಗಳೂರು ಭಾಗಗಳಲ್ಲಿ ಚಿತ್ರೀಕರಿಸಲಾಗಿದೆ. ಆದರೆ, ಒಂದು ಹಾಡಿಗಾಗಿ ನಾರ್ವೆಗೆ ಹೋಗಿ ಅಲ್ಲಿ ಚಿತ್ರೀಕರಣ ಮಾಡಿ ಬಂದಿದ್ದಾರೆ.
