ಕನಕಪುರ: ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮದ ಕನಕಪುರ ಬಸ್ ನಿಲ್ದಾಣದಲ್ಲಿ ಪ್ರಸ್ತುತ ಸಂಚಾರ ನಿಯಂತ್ರಕರಾಗಿರುವ ಗೋಪಾಲಯ್ಯ ನಿರ್ವಾಹಕರಿಂದ 10-10 ರೂಪಾಯಿ ವಸೂಲಿ ಮಾಡುತ್ತಿದ್ದಾರೆ. ಇದು ವಿಡಿಯೋದಲ್ಲಿ ದಾಖಲಾಗಿದೆ.
vijayapatha.in - ವಿಜಯಪಥ.ಇನ್‌ ನಿಮಗೆ ವಿಶ್ವಾಸನೀಯ ಸುದ್ದಿಗಳನ್ನು ಪ್ರಸಾರ ಮಾಡುತ್ತಿದೆ ಎಂದು ಅನಿಸಿದರೆ ನಮಗೆ ಆರ್ಥಕವಾಗಿ ಬಲ ನೀಡಿ. ಇನ್ನಷ್ಟು ಸತ್ಯನಿಷ್ಠ ವರದಿಗಳನ್ನು ಮಾಡುವುದಕ್ಕೆ ಬೆಂಬಲ ನೀಡಿ. ಕನಿಷ್ಠ 100 ರೂ. ಒಮ್ಮೆಗೆ ಹಾಕಿ. ನಮ್ಮನ್ನು ಪ್ರೋತ್ಸಾಹಿಸಿ.
ಈ ಕುರಿತು ಸಂಬಂಧಪಟ್ಟ ಕನಕಪುರ ಘಟಕದ ಪ್ರಭಾರ ಘಟಕ ವ್ಯವಸ್ಥಾಪಕ ನರಸಿಂಹರಾಜು ಅವರ ಗಮನಕ್ಕೆ ತಂದರೂ ಈವರೆಗೂ ಯಾವುದೇ ಕ್ರಮ ತೆಗೆದುಕೊಂಡಿಲ್ಲ ಎಂಬ ಆರೋಪ ಕೂಡ ಕೇಳಿ ಬಂದಿದೆ.
ಇನ್ನು ಗೋಪಾಲಯ್ಯ ಅವರದು ಇಷ್ಟಕ್ಕೆ ನಿಂತಿಲ್ಲ ಕನಕಪುರ ಘಟಕ ಇವರು ಪ್ರಸ್ತುತ ಸಂಚಾರ ನಿಯಂತ್ರಕರಾಗಿದ್ದು ಮೂರು ತಿಂಗಳ ಕಾಲ ಕನಕಪುರ ಬಸ್ ನಿಲ್ದಾಣದ ಪಾಸ್ ಕೌಂಟರ್‌ನಲ್ಲಿ ಅಂಗವಿಕಲರ ಪಾಸ್ ವಿತರಣೆ ಮಾಡಲು ನಿಯೋಜಿನೆಗೊಂಡಿದ್ದರು.
ಆ ಸಂದರ್ಭದಲ್ಲಿ ಅಂಗವಿಕಲರ ಪಾಸಿನ ದರ ಪ್ರಸ್ತುತ 660 ರೂ.ಗಳು ಇದ್ದು, ಇವರು 700 ರೂ.ಗಳನ್ನು ಅಂಗವಿಕಲರಿಂದ ಪಡೆಯುತ್ತಿದ್ದರು. ಈ ವಿಚಾರವನ್ನು ಕೂಡ ಪ್ರಭಾರ ಘಟಕ ವ್ಯವಸ್ಥಾಪಕ ನರಸಿಂಹರಾಜು ಅವರ ಗಮನಕ್ಕೆ ಲಿಖಿತವಾಗಿ ಸಂಬಂಧಪಟ್ಟವರು ತಂದಿದ್ದರೂ ಸಹ ಘಟಕ ವ್ಯವಸ್ಥಾಪಕರು ಯಾವುದೇ ರೀತಿಯ ಕ್ರಮ ಕೈಗೊಂಡಿಲ್ಲ.
ಹೀಗಾಗಿ ಇದನ್ನು ನೋಡಿದರೆ ಮೇಲ್ನೋಟಕ್ಕೆ ಈ ಭ್ರಷ್ಟಾಚಾರದಲ್ಲಿ ಪ್ರಭಾರ ಘಟಕ ವ್ಯವಸ್ಥಾಪಕ ಅವರ ಪಾತ್ರವೂ ಪ್ರಮುಖವಾಗಿ ಕಂಡು ಬರುತ್ತಿದೆ ಎಂಬ ಆರೋಪ ಕೇಳಿ ಬಂದಿದೆ.
ಕಾಂಗ್ರೆಸ್ ಸರ್ಕಾರವು ಶಕ್ತಿ ಯೋಚನೆ ಕಾರ್ಯಕ್ರಮ ಪರಿಚಯಿಸಿದ್ದು ಮಧ್ಯಮ ವರ್ಗದ ಹೆಣ್ಣು ಮಕ್ಕಳಿಗೆ ಈ ಯೋಜನೆಯಿಂದ ತುಂಬಾ ಅನುಕೂಲವಾಗುತಿದೆ. ಆದರೆ, ಈ ನಡುವೆ ಈ ರೀತಿ ಭ್ರಷ್ಟಾಚಾರ ನೋಡಿ ಪುರುಷರು ಸರ್ಕಾರ ಹಾಗೂ ಸಾರಿಗೆ ಸಂಸ್ಥೆ ವಿರುದ್ಧ ಕಿಡಿಕಾರುತ್ತಿದ್ದಾರೆ.
ಪುರುಷ ಪ್ರಯಾಣಿಕರಿಗೆ ಸರ್ಕಾರ ಹಾಗೂ ಸಾರಿಗೆ ಸಂಸ್ಥೆ ದುಡ್ಡಿನ ಬರೆ ಹಾಕುತ್ತಿದೆ ಎಂದು ಸಾಮಾಜಿಕ ಜಾಲತಾಣದಲ್ಲಿ ಮುಜುಗರಕ್ಕೆ ಗುರಿ ಮಾಡಲಾಗುತ್ತಿದೆ. ಇನ್ನು ಸಂಚಾರಿ ನಿಯಂತ್ರಿಕ ಗೋಪಾಲಯ್ಯ ಕನಕಪುರ ಬಸ್ ನಿಲ್ದಾಣದ ಪಾಸ್ ಕೌಂಟರ್‌ನಲ್ಲಿ ತಾವೇ ಸ್ವತಃ ಪಾಸ್ ಕವರನ್ನು ಪರಿಚಯಿಸಿ ಅದನ್ನು ಕೌಂಟರ್ ನಲ್ಲಿಟ್ಟು ಅನಧಿಕೃತವಾಗಿ 10 ರೂ.ಬೆಲೆ ಬಾಳುವ ಪಾಸ್ ಕವರನ್ನು 30 ರೂ.ಗಳಿಗೆ ರಾಜಾರೋಷವಾಗಿ ಮಾರಾಟ ಮಾಡುತ್ತಿದ್ದಾರೆ.
ಈ ವಿಚಾರವನ್ನು ಸಹ ಘಟಕ ವ್ಯವಸ್ಥಾಪಕರು ಪ್ರಶ್ನಿಸಿಲ್ಲ ಹಾಗೂ ಇವರು ಸಂಚಾರಿ ನಿಯಂತ್ರಕರ ಹುದ್ದೆಯಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದಾಗ ನಿರ್ವಾಹಕರ ಹತ್ತಿರ ಹಣ ವಸೂಲಿ ಮಾಡುತ್ತಿರುವ ಬಗ್ಗೆ ವಿಡಿಯೋ ಮಾಡಲಾಗಿದೆ. ಈ ವಿಚಾರದಲ್ಲೂ ಸಹ ಕನಕಪುರ ಘಟಕದ ಪ್ರಭಾರ ಘಟಕ ವ್ಯವಸ್ಥಾಪಕರು ಯಾವುದೇ ಶಿಸ್ತುಕ್ರಮ ಕೈಗೊಂಡಿಲ್ಲ.
ಇದನ್ನು ಪರಿಶೀಲಿಸಿದಾಗ ಘಟಕ ವ್ಯವಸ್ಥಾಪಕರ ಪಾತ್ರವು ಪರೋಕ್ಷವಾಗಿ ಇದೆ ಎಂದು ನಂಬಬಹುದಾಗಿ ಹೀಗಾಗಿ ದಯಮಾಡಿ ಇನ್ನಾದರೂ ಸಾರಿಗೆ ಸಂಸ್ಥೆಯ ದಕ್ಷ ಅಧಿಕಾರಿಯಾಗಿರುವ ವ್ಯವಸ್ಥಾಪಕ ನಿರ್ದೇಶಕ ಅನ್ಬುಕುಮಾರು ಅವರು ಈ ವಿಚಾರವನ್ನು ಗಂಭೀರವಾಗಿ ಪರಿಗಣಿಸಿ ಸೂಕ್ತ ಶಿಸ್ತು ಕ್ರಮ ಕೈಗೊಳ್ಳಬೇಕು ಎಂದು ಒತ್ತಾಯಿಸಿದ್ದಾರೆ.
