ಬೆಂಗಳೂರು: ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆಯ ನಾಲ್ಕೂ ನಿಗಮಗಳಲ್ಲಿ ಶಕ್ತಿ ಯೋಜನೆ ಜಾರಿಯಾದ ಒಂದು ತಿಂಗಳಲ್ಲಿ ಆದಾಯ ಹೆಚ್ಚಾಗಿದ್ದು, ಮಹಿಳಾ ಪ್ರಯಾಣಿಕರ ಓಡಾಟವು ಜಾಸ್ತಿಯಾಗಿರುವುದಕ್ಕೆ ಇದಕ್ಕೆ ಕಾರಣ.
ಮಹಿಳೆಯರು ಫ್ರೀಯಾಗಿ ಪ್ರಯಾಣ ಮಾಡುತ್ತಾ ಶಕ್ತಿ ಯೋಜನೆಯಿಂದ ನಿಗಮಗಳಿಗೆ ಪವರ್ ತುಂಬುತ್ತಿದ್ದಾರೆ. ಮಹಿಳೆಯರ ಜತೆ ಪುರುಷರ ಓಡಾಟ ಕೂಡಾ ಹೆಚ್ಚಾಗಿದ್ದು ನಷ್ಟದಲ್ಲಿದ್ದ ನಿಗಮಗಳು ಚೇತರಿಕೆಯತ್ತ ಮುಖಮಾಡಿವೆ. ಆದರೆ ಪ್ರಯಾಣಿಕರು ಹೆಚ್ಚಾಗುತ್ತಿದ್ದರೂ ಬಸ್ಗಳ ಸಂಖ್ಯೆ ಮಾತ್ರ ಅಷ್ಟೇ ಇದೆ. ಇದರಿಂದ ನಿತ್ಯ ಒಂದಿಲ್ಲೊಂದು ಸಮಸ್ಯೆ ಆಗುತ್ತಲೇ ಇದೆ.
ಶಕ್ತಿಯಿಂದ ರಶ್‌ ಆಗುತ್ತಿರುವ ಪ್ರಯಾಣಿಕರ ಸಂಕ್ಯೆಯನ್ನು ಕಡಿಮೆ ಮಾಡಬೇಕು ಎಂದರೆ ಇನ್ನಷ್ಟು ಹೊಸ ಬಸ್ಗಳು ರಸ್ತೆಗಿಳಿಯಬೇಕು. ಹೀಗಾಗಿ ಸಾರಿಗೆ ಇಲಾಖೆ ಮತ್ತೆ ಒಟ್ಟು 10 ಸಾವಿರ ಬಸ್ಗಳ ಖರೀದಿಗೆ ಮುಂದಾಗಿದೆ. ಅಲ್ಲದೆ ಅತೀ ಶೀಘ್ರದಲ್ಲೇ 4 ಸಾವಿರ ಬಸ್ಗಳನ್ನು ಖರೀದಿಸಲಾಗುವುದು ಎಂದು ಸಚಿವರು ಹೇಳಿದ್ದಾರೆ.
ಮುಂದಿನ 3 ತಿಂಗಳಲ್ಲಿ ತುರ್ತಾಗಿ 4 ಸಾವಿರ ಬಸ್ ಖರೀದಿ ಮಾಡಲಿದ್ದು, ಬಿಎಂಟಿಸಿಗೆನೇ 2 ಸಾವಿರ ಹೊಸ ಬಸ್ಗಳನ್ನು ನೀಡುವ ಪ್ಲಾನ್ ಮಾಡಿದೆ. ಸದ್ಯ ಬಿಎಂಟಿಸಿ ಬಳಿ 6,500 ಬಸ್ಗಳು ಕಾರ್ಯ ನಿರ್ವಹಿಸುತ್ತಿವೆ. ಹಲವು ಬಸ್ಗಳು 10 ಲಕ್ಷ ಕಿ.ಮೀಗೂ ಹೆಚ್ಚು ಓಡಾಟ ನಡೆಸಿವೆ.
ಹೀಗಾಗಿ ಈ ಬಸ್ಗಳನ್ನು ಸ್ಕ್ರ್ಯಾಪ್ ಮಾಡಲೇಬೇಕಾದ ಅನಿವಾರ್ಯತೆ ಇದೆ. ಅಲ್ಲದೇ ಬಸ್ ಕೊರತೆಯಿಂದ ಕೆಲ ರೂಟ್ಗಳನ್ನು ಕ್ಯಾನ್ಸಲ್ ಮಾಡಲಾಗಿದೆ. ಹೀಗಾಗಿ ಹೊಸ ಬಸ್ ಖರೀದಿ ಬಳಿಕ ಕ್ಯಾನ್ಸಲ್ ಆದ ರೂಟ್ ಪುನಾರಂಭ ಮಾಡಲು ಹೊಸ ಬಸ್ಗಳು ಸಹಾಯಕಾರಿಯಾಗಲಿವೆ ಎಂದು ಸಚಿವರ ಹೇಳಿದ್ದಾರೆ.
ಶಕ್ತಿ ಯೋಜನೆ ಬಳಿಕ ಶಾಲಾ, ಕಾಲೇಜು ಮಕ್ಕಳಿಗೂ ತೊಂದರೆಯುಂಟಾಗಿದ್ದು, ಅದನ್ನು ಸರಿ ಮಾಡೋಕೆ ಬಸ್ಗಳ ಅಗತ್ಯವಿದೆ. ಹೀಗಾಗಿ ಹೊಸ ಬಸ್ ಖರೀದಿಗೆ ಸಾರಿಗೆ ಇಲಾಖೆ ಮುಂದಾಗಿದೆ.
