ವಿಜಯಪಥ ಸಮಗ್ರ ಸುದ್ದಿ
ಜೇವರ್ಗಿ: ಪಟ್ಟಣದ ಶಿವ ಮಂದಿರದಲ್ಲಿ ಮಹಾ ಶಿವರಾತ್ರಿ ಪ್ರಯುಕ್ತ ಬೆಳಗ್ಗೆಯಿಂದ ಮಹಾ ಶಿವನಿಗೆ ಅಭಿಷೇಕ ಮಾಡಿ ವಿಶೇಷವಾದ ಪೂಜೆ ಅಲಂಕಾರ ಮಾಡಿದ್ದರು. ಭಕ್ತರು ಶ್ರದ್ದಾ ಭಕ್ತಿಯಿಂದ ತಂಡೋಪತಂಡವಾಗಿ ಆಗಮಿಸಿ ಪರಮ ಶಿವನ ದರ್ಶನವನ್ನು ಪಡೆದರು. ಪಟ್ಟಣವಲ್ಲದೆ ಹಳ್ಳಿಗಳಿಂದ ಅನೇಕ ಜನರು ಆಗಮಿಸಿದ್ದರು.
ಇಂದು ಶಿವರಾತ್ರಿಯ ಉಪವಾಸವಿದ್ದ ಭಕ್ತರು ಸಾಯಂಕಾಲ ಮನೆಯಿಂದ ನೈವೇದ್ಯ ತಂದ ಅರ್ಪಿಸಿ ಉಪವಾಸ ವೃತ ಅಂತ್ಯಗೊಳಿಸಿ ಕಾಯಿ ಕರ್ಪೂರವನ್ನು ಬೆಳಗಿದರು ನಂತರ ದೇವರ ಪ್ರಸಾದ ಸ್ವೀಕರಿಸಿದರು ಇಂದು ರಾತ್ರಿಯಿಡೀ ಜಾಗರಣೆ ಭಜನೆ ಕಾರ್ಯಕ್ರಮ ಇರುತ್ತದೆ ಎಂದು ದೇವಸ್ಥಾನದ ಕಮೀಟಿಯವರು ತಿಳಿಸಿದ್ದಾರೆ.
ಮೈಸೂರು, ಮಂಡ್ಯ, ಹಾಸನ, ಬೆಂಗಳೂರು ಸೇರಿದಂತೆ ರಾಜ್ಯಾದ್ಯಂತ ಮಹಾ ಶಿವರಾತ್ರಿಯನ್ನು ಸಂಭ್ರಮದಿಂದ ಶಿವನಿಗೆ ಅಭಿಷೇಕ ಮಾಡಿ ವಿಶೇಷವಾದ ಪೂಜೆ ಅಲಂಕಾರ ಮಾಡಿದ್ದರು. ಸರತಿ ಸಾಲಿನಲ್ಲಿ ನಿಂತು ಶಿವನ ದರ್ಶನ ಪಡೆದರು.
