ಹನೂರು : ಪಟ್ಟಣದ ಕ್ರಿಸ್ತರಾಜ ಶಾಲೆಯಲ್ಲಿ ಮಕ್ಕಳ ದಿನಾಚರಣೆ ಅಂಗವಾಗಿ ಶಿಕ್ಷಕರು ನೃತ್ಯ ನಾಟಕ ಮಾಡುವ ಮೂಲಕ ಮಕ್ಕಳನ್ನು ರಂಜಿಸಿದರು.
ಪುಸ್ತಕ, ಹೋಂ ವರ್ಕ್ ಅದು ಇದು ಅಂತಾ ಸದಾ ತಲ್ಲಿನರಾಗುತ್ತಿದ್ದ ಮಕ್ಕಳು ಶಿಕ್ಷಕರ ನಾಟಕ ಹಾಗೂ ನೃತ್ಯವನ್ನು ಕಣ್ತುಂಬಿಕೊಂಡು ಸಂಭ್ರಮಿಸಿದರು.
ವಿದ್ಯಾಸಂಸ್ಥೆ ಅವರಣದಲ್ಲಿ ಫಾದರ್ ರೋಷನ್ ಬಾಬು ನೇತೃತ್ವದ ಶಿಕ್ಷಕರ ಬಳಗ ಮಕ್ಕಳ ದಿನಾಚರಣೆ ಪ್ರಯುಕ್ತ ಮಕ್ಕಳಿಗಾಗಿ ವಿಶೇಷ ಮನರಂಜನಾ ಕಾರ್ಯಕ್ರಮವನ್ನು ಆಯೋಜಿಸಿದ್ದರಲ್ಲದೆ ಆಟೋಟಗಳು ಹಾಗೂ ವಿವಿಧ ಸ್ಪರ್ಧೆಗಳನ್ನು ಏರ್ಪಡಿಸಿ ಬಹುಮಾನಗಳನ್ನು ನೀಡಿ ಗಮನ ಸೆಳೆದರು.
ಈ ವೇಳೆ ಫಾದರ್ ರೋಷನ್ ಬಾಬು ಮಾತನಾಡಿ, ಮಕ್ಕಳು ಬಾಲ್ಯದಲ್ಲಿ ಹೆಚ್ಚಾಗಿ ಒಳ್ಳೆಯ ವಿಷಯಗಳನ್ನು ಕಲಿಯುವುದೇ ಅಪ್ಪ – ಅಮ್ಮನಿಂದ ಅವರನ್ನು ಹೊರತು ಪಡಿಸಿದರೆ ಶಾಲೆಯಲ್ಲಿ ಅವರಿಗೆ ಅಕ್ಷರ ಕಲಿಸುವ ಶಿಕ್ಷಕರಿಂದ ಎಂದು ಹೇಳಿದರೆ ತಪ್ಪಾಗುವುದಿಲ್ಲ ಎಂದರು.
ಇನ್ನು ಶಾಲೆಯಲ್ಲಿ ಪಾಠ ಹೇಳಿ ಕೊಡುವುದರ ಜೊತೆಗೆ ಶಿಸ್ತನ್ನು ಸಹ ಹೇಳಿಕೊಡುವ ಶಿಕ್ಷಕ ಮತ್ತು ಶಿಕ್ಷಕಿಯರನ್ನು ನಾವು ನೋಡಬಹುದು, ಹಾಗೆಯೇ ಮಕ್ಕಳ ಜೊತೆ ಬೆರೆತು ನಗು ನಗುತಾ ಪಾಠ ಹೇಳಿಕೊಡುತ್ತಾ ತಮ್ಮ ವಿದ್ಯಾರ್ಥಿಗಳ ಜೊತೆಯಲ್ಲಿ ಅವರು ಮಕ್ಕಳಂತೆ ಆಟವಾಡುವ ಕೆಲವು ಶಿಕ್ಷಕರನ್ನು ಸಹ ನಾವು ನೋಡುತ್ತವೆ.
ನಾವು ಚಿಕ್ಕವರಾಗಿದ್ದಾಗ ಶಾಲೆಯಲ್ಲಿ ನಮ್ಮ ಶಿಕ್ಷಕರೊಂದಿಗೆ ಇದ್ದಂತಹ ಒಡನಾಟ, ಸಲುಗೆ ಎಲ್ಲವೂ ಭವಿಷ್ಯದಲ್ಲಿ ನಮ್ಮ ವ್ಯಕ್ತಿತ್ವವನ್ನು ರೂಪಿಸಿಕೊಳ್ಳುವಲ್ಲಿ ತುಂಬಾನೇ ಸಹಾಯಕವಾಗುತ್ತವೆ ಎಂದು ವಿದ್ಯಾರ್ಥಿಗಳಿಗೆ ಕಿವಿ ಮಾತು ಹೇಳಿದರು.
ಪ್ರಾಶುಂಪಾಲರಾದ ಸಿಸ್ಟರ್ ಶಾಂತಿ, ಮುಖ್ಯ ಶಿಕ್ಷಕರಾದ ರಾಬರ್ಟ್, ಶಾಂತಿ ಡಿಸೋಜ್ , ಜಸಿಂತಾ, ಉಪನ್ಯಾಸಕರಾದ ವಿನೋದ, ಪ್ರಕಾಶ್, ಸೋಮ್ಮಣ್ಣ, ಶಿಕ್ಷಕರಾದ ರಾಜು, ಸಂತೋಷ್ ವಿದ್ಯಾರ್ಥೀಗಳು ಇದ್ದರು.
